بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
___________________________
ترتيل
::- ترتيله لح اشتاقلچ
ضليت صافنه مستغربه رسالته
رساله عاديه لو الها معنى ؟
حرت شـ رد آخر شي دزيتله
::- ؟؟
شافها ثواني وطلع يكتب انتظرت تقريباً مرت دقيقتين وهوَّ يكتب فجأه طلع اخر ظهور يعني سد النت
عگدت حاجبي مستغربه سديت تلفوني
حتى عقلي تعبان مو حمل تفكير وتحليل
تمددت شويه وغفيت
گعدت الفجر صليت ونزلت الكُل گاعدين حتى همام
ردت استفسر على رسالة امس بس شفته يتعامل عادي ومطنش الوضع سكتت
مشه الوقت وصار لازم نروح
ودعنه الكُل وراجعين لبيتنه وذكرياتنه
اباوع على كُل واحد بينه كلمن دايخ بحزنه
اتنهدت ودرت وجهي اباوع اخذتني الغفوه بدون ما احس على نفسي
گعدت واصلين كربلاء طلع محمد متوجه لبيتنه صاحت امي
:– وديني لأولاد ابو الحسنين اروح ازورهم ما اگدر ادخل البيت اريد اروحلهم
تنهد محمد وهز رأسه موافق خابر على حسن وگاله يلحگنه توجهنه لحضرت أبا عبد الله (ع) وأخيه ابي الفضل العباس (ع)
مسافة الطريق وصلنا نزلنا كلنا اتفقنا على مكان نلتقي بي اذا طلعنه
بعدها دخلنه زرنه الضريحين
وطلعنه للمكان المحدد لكينه الولد طالعين
خذانه محمد گعدانه بين الحرمين تحت وحده من السقيفات راح هوَّ وحسن گالوا شويه ويرجعون
ضلينه گاعدين نباوع
تقريباً نص ساعة ورجعوا جايبين اكل
لأن بالطريق كلشي ما اكلنه
اكلنه شويه بعدها رجعنه للسيارات وتوجهنه لبيتنه
ومن بعد أيام دخلنه لمنطقتنه
ومن بعيد شفت بيتنه نزلت دموعي غصب عني
وكفن السيارات مقابيل البيت نزل محمد فتح الباب على وسعه ورجع صعد دخل السيارة ودخلت سيارة حسن وراه
نزلنه نباوع لبيتنه دخلنه لجوه بكل مكان النه ذكرى
دموعنه تنزل واحنه نباوع
اهنا گعدنه اهنا ضحكنه اهنا سولفنه اهنا اكلنه
منين ما دور عيني اتذكر موقف
دخلت امي لغرفتها بعد ما انگطع نفسها من البچي
افترقنا لغرفنا ودموعنا على خدنا نكمل حزنا لوحدنه
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
