بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
————————————
ريم
ردت عليها امي بأستغراب
::– أهلاً وسهلاً نتشرف بيكم احنه بس منيه من بناتي
اجانه صوت بنيه مبينه صغيرة مو چبيرة
ـ ريم
عم الهدوء بالمكان لثواني
كسر الهدوء صوت امي وهيَّ تگول
::– نسئل إخوانها واجدادها ونردلكم خبر وانشالله خير
استأذنن وطلعن طلعت امي وراهن توصلهن للباب واني واريج ركضنه للصاله گعدنه
شوية ودخلت امي اني واريج سوينه نفسنه نباوع بالتلفونات ما سمعنه شي
گعدت امي مقابيلنه واريج گالتلها
:– يوم منو هذني النسوان شـ يردن
::– جايات يخطبن ريم
اني واريج اثنينه رفعنه راسنه نباوعلها مسويات نفسنه مصدومات
عدلت گعدتي وحچيت
_ صدگ وهذا منو الخطبني ؟
::– الضابط راجس
سكتت اباوعلها لثواني هزيت راسي ورديت
_ نفسه الضابط الي من انخطفت ساعدكم
هزت راسها ساكته عفتهن وصعدت لغرفتي گلبي يدگ حيل كل ما يجي طاريه ما عرف شيصير بيه
مشاعري مضطربه
أُريدك ولا أُريدُ سواك
فأنَ قلبي مغرمٌ بهواك
لا اعرفُ كيف اصفُ الحال
أُريدُ البقاء وأودُ الذهاب
ولا اعلمُ كيف سـيكون الجواب
هل الموافقه ؟ ام الذهاب ؟
"حوراء"
لليل صاحوني على العشه نزلت سلمت على محمد لأن اجه من الشغل واني بغرفتي
رد عليه بكل برود عكس كل مره
:– هلا
صفنت بوجهه مستغربه وهوَّ ما همه منزل عينه على المفاتيح يفر بيهن بأصبعه
عفته ورحت للمطبخ حضرت وياهن الأكل والتمينه ناكل
بعد ما خلصنه فتحت امي الموضوع وي اخواني
::– اليوم العصر اجونه خطابه لريم
اباوع الكُل صفن رد عليها محمد وهوَّ مستغرب
:– منو خطبها
::– الضابط راجس
فتح عيونه محمد بصدمه ورد
:– راجس
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
