بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
—————————————
ترتيل
من بعد أيام ماكو أي خبر عن ريم
مثل العادة گاعدين الظهر بالصاله نسبح
الولد يوميه واحد يجي يضل الليل كله يمنه ومن الصبح يطلع
واليوم همام چان عدنه گعد بالـ 6 الصبح راحلهم
وبعد ما شفنه ولا واحد منهم
مرت الساعات للعصر اندگ الباب گمت افتحه چنت متوقعه واحد من الولد اجانه
وصلت قريب الباب صحت منو اجاني صوت جدي مباشرةً فتحت الباب
فتحت عيوني بصدمه وصيحت
_ رييييم
دخلت حضنتني بادلتها الحضن بأقوة
طلعت امي من سمعت صوتي
ابتعدت عني ريم وراحت تركض لأمي حضنتها واثنينهن يبچن
خارت قوة امي وگعدت بالگاع گعدت ريم وياها حاضنتها
:– يمه ريمه يمه بنيتي عزيزتي احچيلي اذوچ يا بعد روحي شسوولچ احچي وريحيني
_ ما اذوني بس حابسيني
مرت فترة مو قليله وهنَّ متحاضنات راح محمد گومهن رگضت اريج لحضن ريم تشهگ حضنتها ريم تمسح على ظهرها
بعدتها ودخلنه للبيت كلنه گعدنه امي وريم گاعده بصفها حاضنتها امي لگلبها ماترضه تهدها
واكفه على جهه ودموعي تنزل وأخيراً من بعد أيام رجعت ريم سالمه
التفتت على صوت همام وأيده التمسح دموعي
:– يا بعد روحي ريم ورجعت عليمن هلـ دموع
ابتسمت ورديت
_ دموع الفرح
عبر أيده على كتفي مقربني اله
التفتنه على صوت جدي وهوَّ يسأل ريم
::– جدي ما عرفتي منو خطفچ
صفنت ريم وردت
_ بالكاميرات ما بين وجهّم
رد عليها محمد وهوَّ مركز بوجها
:– للأسف لا چانوا ملثمين
صفنت بالفراغ طولت دقايق باوعلها محمد مستغرب
لزم أيدها فزت من صفنتها تباوعله
:– بيچ شي
هزت راسها بـ لا
رد عليها علي
ـ چا بويه شبيچ صفنتي
ابتسمت وردت
_ هيچ اخذتني الصفنه
اندارت على محمد وگالت
:– ماعرفهم الخطفوني هم چانوا يدخلون ملثمين ينطوني أكل ويطلعون
أنت تقرأ
الرجاس
Randomالدين والكفر الحب والعذاب كربلاء والبصرة محبٍ وحبيب بطلاً وابطال جمعناهم في قصتاً واحدة الرجاس
