الرجاس

البارت 11

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
__________________________
ريم

التفتت لوراي فتحت عيوني بصدمه وصيحت بصوت عالي التلفون وگع من ايدي

واني اشوف النار صاعده لفوگ دنگت اخذت تلفوني وطلعت اركض وي طلعتي نزل محمد يركض

والولد وراه جدي وبيبيتي هم طلعوا من غرفتهم
لزمني محمد يحچي بخوف
:– شبيچ تصيحين

اشرتله على المطبخ واني ارد
_ حرگت المطبخ

ركضوا الولد للمطبخ وحتى محمد عافني وراح شافوا النار انخبصوا يطفون بيها

وجدي لازمني من اكتافي يحچي وياي
::– تأذيتي جدي بيچ شي ناخذچ للمستشفى

_ لا جدي مابيه شي ارتاح

طفوها وطلعوا ضحك علي وگال
:– هسه انتي وينچ وين الطبخ

تخصرت ورديت
_ ليش يمه شبيه غير هذا طباخكم عاوي

:– ايباااخ طباخنه عاوي

باوعتله بطرف عيني ورديت
_ اي الصوچ بطباخكم

هز أيده ما عاجبه الولد غسلوا وراحوا لغرفهم جدي أخذ بيبي ودخلوا لغرفتهم والكُل راح واني رحت لمحمد قبل لا يصعد
_ حبيبي حمود

:– ها حبيبتي
_ اطلبلي اكل جوعانه وشفت الأكل احترگ

:– تمام هسه اطلبلچ شتردين
_ امممم اريد بيتزا وفنگر وببسي

:– تمام اگعدي على ما اطلبلچ

هزيت راسي والتفتت اريد ادخل للمطبخ تذكرت راجس رفعت التلفون شفته بعده على الخط

باوعت لمحمد راح گعد بالصالة
دخلت للمطبخ رفعت التلفون على اذني وحچيت
_ الووو

اجاني صوته يضحك استمر ثواني يضحك واني ساكته استمع
::– ها يالفاهيه حرگتي الأكل هوَّ انتي بس بالعرگ فالحه

_ سيدي

::– ماطول بيها سيدي يعني اشتغلت الصلافه احچي اسمعچ

_ أنته حيل ادوخ

رجع يضحك واني كملت كلامي
_أنته منين جبت رقمي ؟

توقف عن الضحك حمحم ورد

::– اني الضابط راجس روس كبار جبتها رقم يصعب عليه

_ امممم حلوو تفيدني بالمهمات الصعبة
::– لا والله يا مهمات هاي

_ من يجي وكتهن تعرف

اسمع صوت الجداحه يشغلها مبين ورث جگاره
اخذت نفس ما مرتاحه وكلام ابوي يرن بأذني

:– بويه عيوني أنتن ديرن بالچن تسون الحرام انذبحن ولا تسون الحرام ووحده من المحرمات تحچن وي رجال غريب حرام سمعتن بويه حرام ربنه يغضب عليچن واني اتأذه وياچن