بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
—————————————
حور ...
بيش احلفلك وهذا السهر شاهد
عمر خلصته احبك من طرف واحد
اُمثل الحارس افتر من يجيني الليل
هلي ينامون كلهم واني اضل گاعد ...
هُـدى ...
يسمر أنته بين اشفافي موال
وحبنگ رغم كل اليلومون
عليه مگدر أنته
مفصل افصال
وغيرك ما يصير شما يگدرون ...
——————————
ريم
واگفه مقابيل المرايا اباوع على شكلي
فستاني ، مكياجي ، شعري
ابتسمت لا ارادياً من اتذكرت اليوم اعقد على الشخص الي وگعني بشباك حبه .
نزلت وخواتي محاوطاتني من الجهتين گعدت على الكرسي المخصص الي
مرت الساعات لحد ما وقف بيه الوقت لمن الشيخ طلب موافقتي
ايدي بأيد سندي وعضيدي اخوي وحبيبي محمد
عصرت أيده ، رفعت راسي اباوعله اشرلي اهدء اخذت نفس وانطيت الموافقه
دقايق وابتسمت من سمعت صوت راجس ينطق بالموافقه
رجعت لمكاني واحس رجفه سرت بكامل جسمي لمن گالوا لح يدخل العريس
مشاعر مختلطة ، خوف ، خجل ، توتر
دخل بـ طوله بـ ضخامته بـ أناقته
عيونه ما فارگت عيوني لحد ما صار گدامي ابتسم
وحضن وجهي طابع بوسه على جبيني
همس بصوته الرجولي
:– الف مبروك غالية الراجس
ابتسمت بـ فرح اثر كلامه
بدينه نسوي العادات .
لبسني الذهب الي چان متكون من گلادة ، تراچي، سوار ، محبس
واخر شي لبسني الحلقة ورفع ايدي طبع بوسه على كف ايدي
اخذت حلقته بأيد ترجف وبديت البسه بألف يا علي لبستهه اله
بعدها وگفت وحدة من اخواته لازمه كاميرا بأيدها وبدت تأخذ صور النه وبعد كُل صورة تجي تشوفها النه وترجع تصور مرة ثانية بحركه مختلفه
خلصنا تصوير وسحبونه لوسط الصالة نرگص شغلوا اغنية وبدينه نرگص سلو..
ايدي على صدرة وايديه على خصري عيوني بعيونه والإبتسامة مرسومه على وجهنا اثنينه ..
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
