الرجاس

البارت 16

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
————————————
حور

تُليد : وحده يتيمه ..

صفنت بوجهه مصدومه واحچي بداخلي ، هذا شنو يحچي
الجد : بيها الخير وين ساكنه منين عرفتها

تحمحم ورد

تُليد : بيتهم قريب على المركز الاداوم بي بالمختصر  عايشه بس هيَّ وامها ابوها متوفي وهيَّ الوحيدة لأهلها وامس توفت امها

سكت رفع أيده ضاغط على عيونه لثواني وكمل

:– واني چنت رايد اخطبها هذا الأسبوع

بس بعد توفت امها فگلت احاچيها نزوج سكته ماريد لا عرس ولا هوسه

همام : وهيَّ عدها علاقه وياك

هز راسه تُليد ورد
:– اي عندي علاقه وياها احبها وتحبني
واكيد ما ترفض إذا گتلها نزوج سكته اجيبها من بيتها لبيتنه

الجد : واللّٰه مادري يا جدي أنته قابل ما تسوي عرس
تُليد : اي قابل اهم شي تجي يمي

الجد : بيها الخير انشالله حاچيها وشوف رأيها

هز راسه تُليد وگام صعد
كل هذا واني صافنه اباوعله ما مصدگه الكلام السمعته

شنو يحبها شنو تحبه شنو يزوجها چا واني شنو وحبه وكلامه واعترافه شنو معقوله قشمر عليه

لا مستحيل تُليد ما يسويها ما يكسرني هوَّ حلف حلف باللّٰه يحبني تُليد ما يحلف جذب

فزيت على صوت سارة
هزيت راسي شكو

سارة : شبيچ وين صافنه صارلي ساعة احاچيچ

سكتت صافنه بوجها باوعتلي بأستغراب ورجعت گالت
سارة : هيو شبيچ

حور : السمعته هسه حقيقه

سارة : شنو السمعتي ؟

:– تُليد لح يتزوج وحدة يحبها

هزت أيدها ما عاجبها وردت
_ اي يخيه ومايريد عرس ليش هوَّ العرس اذا مابي هوسه ورگص هم يسمه عرس

هزيت راسي ساكته باوعتلي مصغرة عيونها
_ انتي شبيچ

باوعتلها واحس الغصه ابلعومي إذا احچي تبين اكتفيت بهز راسي وصعدت اركض لغرفتي

قفلت الباب وگعدت بالگاع اشهگ عصرت ايدي بمكان گلبي
وصرت اضرب بكُل قوتي على گلبي