بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
—————————
حور ..
داير وجهك وراجعلي من تالي
لخليك تتمنه شوفت خيالي
خليها ابالك بديوان ناس شيوخ
اعبرنك وابوس وجه جتالي ..
——————————
حور
گاعدة بالغرفة ودموعي ما نشفت
اندگت الباب وانفتحت دخلت سارة سدت الباب واجت گعدت يمي ساكته
مسحت دموعي والتفتت اباوعلها
:– گالن الأبوي
باوعتلي وهزت راسها بـ اي
شهگت ورجعت ابچي
:– وشنو جوابه
_ اءء هاي گال افكر ونرد خبر
حطيت ايدي على وجهي واشهگ
حسيت بأيدين بعدت ايديه عن وجهي
باوعتلها رفعت ايديها مسحت دموعي لزمت ايدي بين ايديها تعصرهن دنگت راسها وگالت
:– حور تُليد يريد يحچي وياچ
بلعت ريگي اباوعلها ما مصدگه
:– شيريد
رفعت راسها باوعتلي ورفعت أكتافها بمعنى مادري
:– مادري هوَّ بس گالي اريد احچي وياها
درت وجهي اباوع لگدامي عاضه شفتي ودموعي تنزل مرت فترة والتفتت على صوتها
:– اصيحله تحچون ؟
گلبي نبضاته مسموعه أحسه لح يطلع من مكانه فرگت وجهي بحيره سكتت لدقايق افكر
لحد ما قررت اشوفه شيريد
:– صيحي
هزت راسها وگامت تريد تطلع صحت وراها
:– سارة ومرته وين
_ طالعه وي عمتي للسوگ.
هزيت راسي وهيَّ طلعت گمت لبست حجابي ومسحت دموعي ضليت افتر بالغرفة مادري شبيه متوترة
اندگت الباب أخذت نفس ماريد أضعف گدامه
فتحته رأسن دخل وهوَّ يتلفت خاف واحد يشوفنه
سديت الباب والتفتت اباوعله عاگده حاجبي بعصبية
هزيت راسي واني احچي
:– شنو تريد
فرگ وجهه بحيرة نزل ايدة وكورها بعصبية
:– زواج ما تزوجين
كتفت ايدي ورديت
_ ليش بله
ضرب الحايط بأيدة المكورها ورد بعصبية
:– حور زواج ما تزوجين افتهمتي
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
