الرجاس

البارت الرابع

بسم الله الرحمن الرحيم
اللهم صلِ على محمد وآل محمد
بقلمي الكاتبه حوراء
الرجاس
__________________________
"سأحَميك دون علمك بـ كلمة ،
أستودعتك الله كـل حَين وكل ثانـية♥️".
__________________________

ريم

مرت الأيام وأبوي صحته بدت تسوء أكثر وكلنه انتبهنه عليه حتى أهله حاولوا ياخذونه للمستشفى بس ما قبل انطى محمد علاجه ونام

بدينه نجهز غراضنه للرجعه

واليوم نرجع لكربلاء لبيتنه
شگد حاولوا ويانه نبقى بس اصرينه نرجع

تعبنه من الحجاب ما متعودين نلبس حجاب طول اليوم واشتاقينه لحياتنه لاصدقائنه
لملمنه غراضنه وجهزنه نفسنه الصبح ننطلق لمحافظتنه
التمينه باليل بالصالة الفوگ البنات والولد
سوينه كيك واشترينه حلويات وعصائر الولد جابولنه فتحنه البلازما الموجود بالصالة ربطنا على اليوتيوب وفتحنه فلم هندي

نباوع ونحشش على الابطال

علي : شوفي هذا البطل شلابس عبالك چرچف نغطي الغراض الزايده بي

ضحكنه على تقليده وهوَّ كل ساعه يذبله حچايه يخلينه نخرب ضحك

كمزنه على صوته وهوَّ يصيح
_ شوفو الخصر بويه گطن گطن بگد چف ايدي

ضربه محمد على رأسه وگال
_ ادبسززز منا البنات

لزم رأسه علي يفرگ بي ويضحك
رجعنه نباوع ونصيح على الفلم والأبطال
حسن ومحمد عافونه وراحوا ينامون بعد ما وصونه ننام من وكت

خلص الفلم ردنه نروح ننام مارضه علي وگال
_ خلونه اليوم نسهر للصبح بما انو اليوم اخر يوم الكم ويانه

وافقنا وبالفعل ضلينه سهرانين
قررنه نلعب دومنه راح احمد جابهه وطلعنه للحديقه
والتمينه على شكل دائره واثنين يلعبون
بده احمد وعلي يلعبون
وعلي خبصنه بالصياح

والولد ويا يصيحون لحد ما احمد فاز
زاد صوتهم وهمَّ يتشمتون بـ علي

كمزت وگتلهم
_ اني اريد العب فدوة حبابين

وافقوا واليلعب وياي كرار ابن عمو ابو تُليد
اني اعرف العب دومنه لأن دائماً اني واخواني من نلتم نلعبها

بدينه نلعب والبنات يصيحن يشجعني
والولد يصيحون يشجعون كرار

واستمرينه باللعب واخر شي اني دومنت صفگن البنات وهنَّ يصيحن ونعيب على الولد
سمعنه صوت جدي يصيح
_ منو هذوله اليصيحون
اطافرنه لبدنه بالحديقه واحنه حاصرين ضحكتنه گوه
طلع جدي وضل صافن محد موجود
گعدت بالأرض ميته ضحك على معاني وجهه
شلون صافن ويباوع بالمكان ضل يستغفر ورجع دخل قبل لا نطلع طلع علي وأشر النه ما نطلع