بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
———————————
حور ....
المن عاشرت وشبيه حبيت
ورضيت بلا وعي بگلبي وقراره
چنت حاسب الدنيا شلون ما چان
ما مستوعب الحب وانكساره
اليمشي برأي گلبه هواي خسران
راي العگل گالوا مو خساره
بس اني اختلف عن اليحبون
عگلي وگلبي مضروبات شاره ...
ريم ...
يسألون اريدك لو ما ريدك
ما يدرون اني روحي معلگه بأيدك ...
" حوراء"
—————————————
ريم
عدلت گعدتي اباوعله
:– ريم
_ هاا
:– انتي موافقه على راجس ؟..
فرگت عيوني عبالي سمعت غلط وصحت
_ شنو
ابتسم بخفه ورد
:– انتي موافقه على راجس ؟
صفنت بوجهه من استوعبت الكلام
دنگت راسي خجلانه وامرد بأصابعي
اخذت نفس ورديت
_ أنته شنو قررت اني وياك .
رفعت راسي اباوعله
هز راسه مرر لسانه على شفايفه التفت يباوعلي ابتسم ورد
:– موافق
نزلت راسي عضيت شفتي اخفي ابتسامتي
مسد على شعري وهوَّ يگول
:– شلون بيه لح افارگ بناتي اثنينهن
اختفت ابتسامتي باوعتله مبرطمه شفايفي
حضنته عيوني مدمعه ضحك بخفه وهوَّ يگول
:– ولچ خنگتيني
ضحكت وابتعدت مسح عيوني وگال
:– هسه ما گتيلي موافقه
_ اني گتلك أنته شـ تقرر اني وياك
هز راسه وگام رفع أيده يعدل شعره
:– هسه موافقه
اخذت نفس مستحيه كلش بالشافعات همست
_ اي
هز راسه وطلع سديت الباب ودخلت اكمز بالغرفة وأخيراً وافق
مسحت عيوني ماريد دموعي تنزل
گعدت على الكرسي واحچي بداخلي
شسويت بيَّ يا راجس خليتني اكمز من وافق محمد على زواجنه واني الچنت ما اقبل حتى اشوفك
ابتسمت وگمت أرتب بالغرفة
خلصت ورجعت تمددت اريد انام بس وين هيهات انام
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
