بسم الله الرحمن الرحيم
اللهم صلِ على محمد وآل محمد
بقلمي الكاتبه حوراء
الرجاس
________11/6/2024_________
"يتعافي المرء بنفسه في غرفته، ومعهُ ربهُ فقط"♥️
________________
كان يا مكان
في قديم الزمان
هُناك ثلاث بنات
وثلاث اخوان شقيان
يعيشون في بيتٌ فخمٌ للغايه
اجمل بيوت المنطقه
يحبون بعضهم كثيراً
كبيرهم لسانهُ معسول
وصغيرهم لسانهُ مفلوت
كمزت اركض بعد ما اريج (اختي الصغيره) تركض وراي
ضحكت بصوت عالي واني احتمي بأخوي الچبير الي كان هلكان ضحك على قصتي هوَّ وباقي اخواني وخواتي
وكفت اريج مقابيلنه وهيَّ تصيح على محمد (الاخ الاكبر) وتگول
_ محمدد انطينياهَ بداعة الاخوه بيناتنه انطينياهَ
لزمت تشيرت محمد من الخلف واني اگوله
_ لا محمد بداعة ابوي اني دخيله عندك
زادت ضحكاتنه واريج تريد تلزمني واني محتميه بضهر محمد
وزادت اصواتنه ارتفاع من اخواني بدو يشجعون اريج حتى تلزمني
واني أصيح عليهم لأن صاروا ضدي
صرت اركض بالحديقه واريج تركض وراي
ولازال صوتنه عالي بين صياحي وصياح اريج الي تريد تلزمني وصياح اخواني
سكتنه واحنه نسمع الباب يندگ بقوه وصوت جيرانه يصيح طلع محمد فتح الباب وهوَّ استلم محمد رزايل على صوتنه الطالع
رجع محمد وهوَّ مختنك من الضحك حابس ضحكته ما يريد يضحك مقابيل جيرانه اول ما كعد طكيناهَ ضحكه كل احنه
رجعت لبدت وره محمد من اريج اجت تريد تلزمني
محمد بضحكه وعيون دامعه
_ كافي اريج ريمه صارت بحمايتي
اريج :يا حمايتك دطينياهَ اريد اشوفهَ ام لسان مفلوت شتسوي
ريم: هسه اني قصدت عليچ شبيچ بابا شبيچ
اريج : محمد حلفتك بخوتنه انطينياهَ
محمد: عذريني خوتنه خوه بس الدخيل يختلف
تأفأفت اريج ورجعت كعدت وهيَّ تهدد وتگول
_ اني ام لسان مفلوت الزمچ لو ما الزمچ وين ترحين ام لسان مفلوت
_ ديلا خانوم اُسكتي
غمتني وتقلد كلامي
طلعت من وره ضهر محمد وكعدت بصفه واني ادفع ب حسن (الاخ الثاني) واگوله
_ وخر وخر سويلي مجال خل اكعد بيناتكم
حسن : ااخ رجلي شبيچ مو ايد حديد
كمزت اريج من مكانهَ وهيَّ تگول
_ لا عاب حلگك حسون صدك مو ايد حديد
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
