الرجاس

البارت 22

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
———————————

ريم

خوف ، توتر ، خجل ، رعشه بجسمي ما تركتني ،

اطگطگ بأصابعي متوترة رفعت راسي اباوع من انسدت الباب واگف الجگاره بأيده سند جسمه على الباب والإبتسامة مرسومه على وجهه

اخذ نفس من الجگاره رفع راسه لفوگ زفره

تقدم بخطوات بطيئة قبل لا يوصل الي شمر الجگاره بالگاع داس عليها مكمل خطواته تجاهي

وگف مقابيل أخذ نفس بحيل صدره طبع بوسه بخدي وهوَّ يحاوط خصري

همس قريب اذني بكلماته المعتادة
:– مصيبتي

اخذت نفس ابعد الخجل مني ملت راسي على صدره محاوطه رگبته
_ عيونها

:– احبچ

بلعت ريگي اوضاعي متخربطه فزيت من حسيت أيده على ظهري يفتح بـ سحاب البدله رجعت لورة لازمتها

التفتت على الجنطه وبصعوبه طلعت ملابسي بأيد والثانية لازمه البدله بيها
سمعت ضحكته من وراي

يضحك على ضياعي وتوتري ابتسمت وركضت للحمام جهزت نفسي وطلعت مستحيه من ملابسي
أخذ ايدي بين ايديه السجادات ممدودة على الگاع

لبسني چادر الصلاة بيده ما يقبل اني البس وگفني على سجادتي باسني براسي وتقدم وگف على سجادته
صلينه اثنينه 

خلصنه التفت يباوعلي اشر على رجله وهوَّ يگول
:– ريمتي تعاي نامي على رجلي

بدون نقاش تقدمت نمت على رجله حط أيده على راسي وقرة بصوت عالي

:– ربي استودعتك ريمتي لا تجعلني هماً لها ولا تجعلني وجعاً لروحِها ولا تجعلني كسراً لقلبها  واجعلني يا ربي زوجاً صالحاً لها ولا ترني يوماً مشؤماً بها
واجعلها زوجةً صالحةً لا تأذيني في لسانها ولا تأذيني بأفعالها واجعل حياتنا تسير على نهج رسولناً محمداً (ص)
اجعلها ياربي فاطماً لي واجعلني ياربي علياً لها
وعلى حب علي لفاطمة نبدء حياتنا .

دنگ باس راسي كل هذا واني ساكته دموعي نزلت من وحدها رفعت راسي اباوعله ودموعي على خدي رفع أيده مسحها وباسني بين خدي وخشمي مكان الدموع

أخذ ايدي گومني نزعني الچادر لم السجادات واخذني گعدنه تعشينه خلصنه غسلنه