الرجاس

البارت 19

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
———————————

هُدى ...
غيرك دللوني ونفسي ضلت بيك ..

حور ...
مو الي شمالني اتراجف عليه ..

——————————
ريم

خلص العرس وصار الوقت نزفهم للفندق دخل همام لبسها البرگع وغطاها ، لزم أيدها وطلعوا ..

صعداها بالسيارة وصعد بصفها ، رحنه صعدنه بالسيارات وبدت الزفة

الكـُل راح لبيته ما عدا احنه العائلة رحنه للفندق وأصدقاء العريس .

الأغاني والرگص على طول الطريق لحد ما وصلنا للفندق
دخلنه چانت بدايته حديقه ومكان لوقوف السيارات

وگفنه السيارات بالمكان المخصص الهن استقبلونه أصحاب الفندق يرحبون بينه ..

نزلوا الشباب ونزلوا همام وياهم جابوا الدي جي وگفوه على جهه
واحد من أصدقاء همام ، رفع همام وخلاه على أكتافه يرگصون

والشباب كلها ملتمه على همام يهوسون وياه
نزع سترته يفر بيها والبقيه رافعين سترهم ويفروها وياه

احنه وگفنه على جهه نباوعلهم ونضحك لعبوا لعب بالرگص
لحد ما صاح عليهم جدي ياله سدوا الدي جي تسالموا وي همام وباركوله وسلموا على جدي وعمامي وراحوا

رحنه اني واريج وحور نزلنه ترتيل من السيارة
اخذها همام من أيدها ودخلوا للفندق رحنه اني وحور وياها شايلين غراضها

وصلناهم للغرفة ودعناهم ورجعنه
صعدنه بالسيارات ورحنه للبيت وصلنه تعبانين

كلمن راح لغرفته
دخلت للغرفة طلعتلي ملابس مسحت المكياج ودخلت سبحت بدلت بملابس خفيفه

شمرت نفسي على الچربايه ونمت بتعب ...

—————————

ترتيل

رجفت جسمي واضحه تقرب عليه بهدوء لزم ايدي رافعها طابع بوسه عليها

همام : ليش ترجفين
:– خايفه

حضني لصدرة مطمني
:– منين خايفه مني خافي من الكُل وامني يمي .

بعدني عن حضنه مبتسم مسح على خدي وهوَّ يگول
:– يلا حبيبتي بدلي خلي ناكل تره اني لهسه ما تعشيت گتلهم اكل وي مرتي