الرجاس

البارت 10

بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
_________________________
ريم

التفتت اباوعله وحچيت بنرفزه
_ خير شو اليوم هنا شجابك

:– اجيت اشوفچ

صفنت بوجهَ لثواني ابتسمت ورديت
_ الضابط والرتبه اجو مخصوص يشوفوني چا شگد عظيمه اني
حچيتها ورجعت نفسي على الكرسي

خزرني ورد
:– شبيچ مصدگه اجيت اشوفچ
_ ليش ما صدك سيدي معجبيني هوااي عبالي أنته هم معجب

كملت كلامي وضحكت بأستهزاء

:– شگد صلفه
_ وافتخر بصلافتي

:– لسانچ ماكو واحد يگصه
_ للأسف لا ههههه

صفن بوجهي ثواني ابتسم ورد
:– اني اگصه
_ ليش انته منو

:– الرجاس

حچاها وگام طلع من الكوفي صفنت على كلامه  والإسم الرجاس هزيت راسي نافضه الأفكار كملت اگلي وطلعت

ضليت اتمشى بالجامعة وحدي اليوم صديقتي ما مداومه وترتيل بمحاضرتها
فكرت اروح لإخواني وبالفعل تمشيت لقسم محمد
وصلت قريب القسم
گلبت عيوني بأزعاج من شفت محمد والضابط راجس واگف يسولف وياه

تقدمت وگفت يمهم وحچيت
_ سلام

ردوا اثنينهم السلام ومحمد گال
:– ريم عرفتي الضابط راجس

باوعت للضابط وبأبتسامه لعوبه رديت
_ يا ضابط راجس نسيته

رفع حاجبه ماعاجبه ورد قبل لا يرد محمد
:– اني اذگرچ بيه من تعاركتي واخذتچ للمركز ورجعتچ هذا اني نفسي الضابط راجس

_ اهااااا تذكرتك أهلاً وسهلاً شعجب منورنه اليوم
:– عندي شغل هنا

بقه يسولف وي محمد على الجامعة واني واكفه منتظرتهم يخلصون أشيل رجل واحط رجل تعبتت وهمَّ يسولفون
وأخيراً سكتوا رأسن التفتت على محمد
_ حبيبي تعال اشتريلي عصير

:– ريمه لازم تتعلمين على الازدحام وتشترين

_ حبيبي مساع لو مو جوعانه فلا اوكف واشتري شنو هل هوسه وتعال انتظر دوخه واني خلگي گصير
اروح اتعارك وياهم ..

:– استغفر الله امشي ..

ضابط راجس اتفضل ويانه عازمك على عصير

::– مشكور اخوي ماردك محتاج عصير على هل دوخه

ضحكوا ومشوا گدامي اتبعتهم لحد ما وصلنا گعدنه اني وراجس ومحمد راح يشتريلنه