الرجاس

البارت السابع

بسم الله الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
___________________________
ريم

حددوا موعد العرس وبدينه بالتحضيرات
البنات ينضفن بالبيت
جابوا غرفة نوم لأحمد جديده رگبوها وبدينه أني ونرجس وسارة
نرتب بيها حطينه الفرشه اني ونرجس رتبناها على الچربايه

وأحمد واگف يرتب ملابسه وسارة تساعده
باوعت للعطور والساعات صايرات هوسه

تقدمت يم أحمد وگتله
_ هاي العطور والساعات اصفطهن

هز رأسه وهوَّ يگول
:– اي ريم فدوة رتبيهن بهاي الجرارات

هزيت راسي وبديت أرتب بيهن ونرجس وياي
خلصنا اخر شي رشينه معطر وطلعنه خلينه احمد يتصل على مريم

ساعدنه البنات بالبيت ما طولنه رأسن خلصنه
الولد مخبوصين بـ حفلة الحنه
يتفقون على الملابس ومنو يعزمون وشنو الأغاني الي يطلعونها ومنين يجيبون الدي جيات

عفناهم گاعدين بـ الاستقبال يتفقون واحنه خلصنه تنظيف وكلمن راحت لغرفتها

دخلت لغرفتي طلعت ملابس ودخلت للحمام سبحت بدلت وطلعت تمددت تعبانه
ريحت جسمي ربع ساعة وگمت طلعت

حضرنه العشه وگعدنه وي الولد نستمع الهم

تُليد : هسه انتم عليش تتعاركون وواحد يجر بطول واحد بالعرض اني اقسم الشغل

علي أنته شغلتك تحضر الأغاني وتجيب الدي جيات

همام أنته تعزم الولد اصدقائنه
وأحمد يعزم اصدقائه الي احنه مانعرفهم

كرار تروح وي علي تجيب الدي جيات
ومن تخلص تروح تحجز الكيك

محمد تروح أنته وآدم للطباخ تشوفونه شنو يحتاج من مواد تشتروهن وتودوهن اله

محمد : تعذروني اني باچر راجع لكربلاء

كمز احمد وهوَّ يصيح
:– شنو شنو وين راجع وعرسي شنو تعوفني تريد

محمد : لا راجع شبيك بس عندي صديقي قبل لا نجي لهنا اشتره سيارة مني وگالي لح يسافر والسيارة تضل عندي بالمعرض على مايرجع من السفر يجي يأخذها والصبح خابرني يريدها محتاجها

واني كتله باچر العصر ارجع من البصرة واخذك للمعرض تأخذها
اروح اسلمهيا وأمر على البيت اجيب كم شغله محتاجها وارجع انشالله باليل عدكم