بسم اللّٰه الرحمٰن الرحيم
اللهم صلِ على محمد وآل محمد
بقلمي الكاتبه حوراء
الرجاس
——————————————
عن حال راجس :
يگول منتظر ذاك اليوم
والحد لما موت
لو حضنچ احضى بيه لو حضن تابوت
محمد ...
ما گدرت انساها واعشگ من جديد
روحي بيها وماكو اليشبهونهه
گلبي حبها وچنت رايدها بحلال
ونيتي چانت ابيض من سنونهه
چنت عابر بلعشگ فوگ الحدود
حتى اهلهه بگدي ميحبونهه
————————————
ريم
بلعت ريگي احس الغصه ابلعومي رفض محمد صدمه وقهر
صح اني چنت متردده بالموافقه بس هسه احس خسرت شي غالي عليه
هزيت راسي عفتهم وصعدت لغرفتي احس النفس گوه اسحبه قفلت الباب وگعدت متچيه ضهري عليه
دموعي جمر تنزل حطيت ايدي على شفايفي اكتم شهگاتي رجفت ايدي من اندگت الباب وصوت محمد يگول
:– ريم افتحي الباب
گمزت امسح بدموعي بردان التشيرت حاولت أبين مابيه شي
فتحت الباب وابتسامه خفيفه على وجهي امحي ملامح الحزن
– هاا عزيزي
طال النظر بعيوني واني احس بعد حتى وگفه ما اگدر اوگف على رجليه من الرجفه الصابتني
:– عندي كلام وياچ خل ندخل
ابتعدت عن طريقه دخل سديت الباب ودخلت وراه
هزيت راسي بـ معنى شكو
فرگ وجهه دخل اديه بجيوب بنطرونه واردف بكلمات خلتني صافنه بوجهه
:– ليش جذبتي عليه ؟
رديت وشفايفي ترجف
_ ما مجذبه عليك
:– ليش نكرتي علاقتچ براجس
بلعت ريگي ورديت
_ما عندي علاقه وياه
فزيت من صيح
:– لا تجذبييين
رجفت شفايفي واحس عيوني امتلت بالدموع
_ محمد
تقدم يمي بكل عصبيه لزمني من اكتافي يهز بيه
:– ولچ ريم اني تالي عمري يجيني واحد يگلي اختك بالمطعم وي ضابط
اني يجيني واحد يگلي اختك يوميه گاعده وي ضابط بالجامعة لچ ريم ليييش ليييش
ليش تنزلين راسي لييييش بيمن قصرت وياچ بيمن
هاي مجازات تعبي مو اني حاسبچ تؤامي ليييش خذلتيني
نزلتي راسي ريم نزلتي فشلتيني گدام العالم حرت وين انطي وجهي من المستحه
ولچ ما صدگت جذبتهم گتلهم هاي ريمتي هاي تؤامي مستحيل تنزل راسي تالي صديقي ولچ صديقي اجاني يگلي الزم اختك الجامعة كلها صارت تعرف الضابط يجي الها
أنت تقرأ
الرجاس
Randomفي احد بيوتِ كربلاء عائلة تحاوطها الحنية من كُل مكان سراً ينكشف صدمةً للأولاد يفقدون امانهم ويعيشون المأساة حباً اصبحَ عذاب قلوب ذائبة بتفاصيل الحبيبات معاناة الحب تمر على كُل الحبيبان مشكلةً اجتمع بها عاشقان خطفٌ شجاعةٌ معاناةٌ دموعٌ تسيرُ ع...
