الريتانين " متراس الدرزياء "

_ الغُـرزة 46 || رُبما نفترق ؟

﷽ 

روايـة  :  الريتانين   " مِتـْـراسِ الدَّرْزِيُّــاء  "
الڪاتبـه  :  تاليـن     

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪  
"   غيـدة    "

انبعث من موبايلي صوت اشعار بوصول رسالة
ڪمت جبته ورجعت لمڪاني ڪعدت ودانـة ڪبالي متمددة من شفت اسمة انتعش گلبي باعثلي رسالة
محمد  ::- حبيباتي اثنيهن مجتمعات سوا   ؟
ابتسمت وڪتبتله  ... اي دانـة سوت زيارة لخالتها واخذتها وفتنا لغرفتي نلعب
::- شدتلعبون ؟
_ لعبة ام الداي 
::- اووو مفضلتي هاي اللعبة شرايج نلعبها اني وياج
_ هاي لعبة مال جهال ابرياء مو مال واحد شلاتي مثلك 
::- يعني ما تريدين نلعبها   ؟
_ لااا اني بنية بريئة ما العب هاي اللعبات
::- بريئة الصبح وبالليل يطلب الوضع عندج البوس والحضن
_ محمددد لا تخليني اتندم من اشتاگلك اريدك وياي
::- اذا لعبنا هاللعبة راح تعجبج حيل وتڪومين انتي تريدين ڪل ساعة نلعبها
_ ترااا راح احظرك اعرف العيب واسڪت
::- تحظريني من المواقع اجيج بالواقع
_ بالواقع ما تجي الا اني الح عليك
::- دخل اطيب الا يوميا بالليل تلڪيني ابابڪم
_ لعد طيب بسرعة وخلي اشبع شوف منك

ذبيت الموبايل عالجرباية ورجعت العب دانـة
::- هاااي وين رحتي ؟
_ دالعب دانـة يمڪنها غارت لان داحاجيك شو ضاجت وڪامت تتنحس
::- انتي تغارين منها هي ما تغار بس تريد تضلين تلعبيها
_ ديلااا لعد اروح العبها وانت احاجيك بعدين
::- هاااا تحاجيني بعدين !! مو بعدين تندمين
داحاجيج لان هي مو يمي من ترجع بعد ما تحصليني
_ اممم واني مستغربة ليش متواصل وياي طلع لان دانـة يمي وما عندك وحدة تلتهي ويااهاا
::- انتي مو يمي التهي وياها انوب اثنينڪم مو وياي بيش اتلهى واصبر گلبي
_ تتصبر بسوالفك ويانا هسة اني وياها ڪاعدات متونسات مع بعض وهسة اشبڪك ويانا

خليت دانـة بحضني واخذت صورة الي والها
ودزيتها اله
::- اوووويلاااااه شلون اثنين اعشگهن بصورة وحدة
وبگلب واحد
_ صورة وحدة اي بس گلب واحد لااااااا
ماڪو بگلبك بس اني ولا احدددددد غيري
::- شهالغيرة التملُڪية ولچ
_ هاي غيرتي عالاحبه بعد ، ترصالك غيرتي وتتحملها فنبقى على حُبنا ما ترضالك ڪول حتى اشيلك واشيل حُبك من گلبي
::- حتى اشيلج واشيل عشيرتج من الحياة
_ يعني شڪلت ؟
::- ما اڪول غير اني أحبج

قريتها وما تحملت ڪمت ارافس عالجرباية الابتسامة شاڪة حلڪي عيوني تتناثر منها قلوب ... يا ويلي ويااا ناري
خطية دانـة تباوعلي خايفة من حالة الحُب الصابتني
تباوعلي مصدومة دنڪت عليها ابوسها
_ خااالاااتي من تڪبرين وتحبين واحد مثل عمج
التعشگة خالتج فراح تڪومين ترافسين وتساگطين مثلي وتصير غيدة الفراشة الگيوته المگيته اترفرف
بطنج من السعادة والحُب