ပန်းဖြစ်ရုပ်ကြွင်း {ပန္းျဖစ္႐ုပ္ႂကြင္း}

[၉] လိပ်ပြာ လာဗင်ဒါ/ လိပ္ျပာလာဗင္ဒါ

Spanish / French Lavender

ကင်းဗတ်စ်ပေါ်တွင် အာရုံ​ဝင်စားနေချိန်မှာ တစ်ယောက်ယောက်က တံခါးကို လာခေါက်တာကြောင့် သီအိုသည် ပြတင်းပေါက်ဘေးမှာ ထိုင်ရင်း ပုံဆွဲနေရာမှ ထ လိုက်ရသည်။ တံခါးကို ခပ်သွက်သွက် ဆွဲဖွင့်လိုက်တော့ တံခါးရဲ့ တစ်ဖက်ခြမ်းမှာ မတ်မတ်ရပ်နေသော လင်းဗရိုစ်ကို တွေ့ရပါသည်။

လင်းဗရိုစ်ရဲ့ လက်ထဲမှာ ပန်းအိုးသေးသေးလေးတစ်ခု ကိုင်ထားပြီး အဲဒီပန်းအိုးလေးထဲကနေ ရှည်သွယ်သွယ် အကိုင်းအလက်လေးတွေ ခပ်စောင်းစောင်းလေး ညွှတ်ကျနေ၏။ ရိုးတံရဲ့ ထိပ်ဖျားဆီမှာတော့ ခရမ်းရောင်ပန်းကလေးတွေ လှပစွာ ဖူးဝေနေသည်။ ရနံ့က ထုံသင်းစွာ မွှေးပျံ့နေပါသည်။

"ကိုယ် အခန်းထဲ ဝင်ခဲ့လို့ ရမလား"

သီအိုက ခပ်လေးလေး ခေါင်းညိတ်ပြလိုက်ပြီး တံခါးကို အဆုံးအထိ ဆွဲဖွင့်ပေးလိုက်သည်။ သူက လေးလံသော ခြေလှမ်းများဖြင့် အခန်းထဲသို့ လျှောက်လာပြီး ပန်းအိုးလေးကို ပြတင်းပေါက် ဘောင်ပေါ်သို့ တင်လိုက်သည်။

"သီအို့အတွက်ပါ"

သီအိုက ဘာမှ တုံ့ပြန်မှုမပေးဘဲ ငြိမ်သက်စွာဖြင့်ပင် ကုတင်ပေါ်သို့ ထိုင်ချလိုက်သည်။ အမှန်တကယ်က စကားမပြောမိအောင် ထိန်းချုပ်နေခြင်းဆိုလျှင် ပိုမှန်မလား။ သူ လင်းနဲ့ ဝေးရာမှာ နေချင်ပါသည်။

လင်းဗရိုစ်က သီအို ခုနက ထိုင်နေခဲ့သည့် ကင်းဗတ်စ်အရှေ့မှာ ဝင်ထိုင်လိုက်ရင်း အံ့သြသလို မျက်လုံးတွေ ပြူးကျယ်သွားသည်။ သီအိုဆွဲထားသည့်ပုံက ဆေးသားထူထူသုံးထားသည့် ဆီဆေးပန်းချီ။

"စပိန်လာဗင်ဒါတွေ ... "

သီအိုက ခေါင်းတစ်ချက် ညိတ်လိုက်ပြီး ...