‏له فالحشا مجلس بدو مشرعٍ بابه

Part 5:

بوقت العصرية بيت آل سعد
———
جاء نيّاف بيطلع لشغله ..
راشد : نيّاف
نيّاف : سم
راشد : على وين؟
نيّاف : عندي شغل قريب وبخلصه
راشد : وجدك؟ يبيك توديه بعد شوي
نيّاف اللي نسى تماماً : يووه راح من بالي والله
راشد : اترك شغلك ووده
نيّاف اللي رجع للداخل : ابشر
الجد سعد وهو يناظر التلفزيون وعلى قناة الصحراء ..
جاء نيّاف و حب راس جده : كيفك يايبّه؟
الجد سعد : الحمدلله طيب
نيّاف : نمشي للبل
الجد سعد قام : اي .. توكلنا على الله
خالد : ماتبوني معكم
راشد : اقول اهجد مافي روحه
الجد سعد : خله يجي يستانس
خالد بضحكه لابوه : يلا جاي
ركبو السياره وتوجهوا للبل
وخلال الثلاث ساعات اللي مرت وصلوا على وقت الغروب  ..
وقف السيارة ونزل الجد سعد وقال : يلا ياولدي الله يستر عليكم انتبهو للخط
نيّاف : ابشر يايبه سعد بمر على الحلال واشوفه قبل اروح
اشر له الجد سعد ب تمام ووقفو عند البل
نيّاف : يامرحبا اي والله
خالد بمناداة للـناقة نجـد محبوبه نيّاف : نجـد ..
توجهت بـ رفق الناقـة نجـد واللي ماميزت اللي بالسياره غير خالد ..
التفت نيّاف وناداها و ميزت نيّاف واسرعت بخطواتها
نيّاف بابتسامة : دنيـتي نجـد
دخلت راسها نجـد ف شبـاك السيارة من جهه نيّاف ..
ونيّاف اللي بس يضمها ويبوسها
خالد : يوه عاد اشتاقت لك جداً.. كم لك ماجيتها
نيّاف اللي قعد يمسح على راسها : ولا عاد بقاطع جياتي للبل عشانها

———
عند آل ناصر ..
الهنوف اللي كانت جالسه تتمكيج بفضاوه
اسيل : شتسوين
الهنوف : طفشانه وقاعده اتمكيج
غرام : حطي الكحل البني داخل عيونك يجنن
الهنوف اللي مسكت الكحل وبدت تحطه وناظرت نفسها لوهله وقعدت تتأمل نفسها ..
وجد : يوه نست نفسها ذي
الهنوف : اي أتأمل خلقه ربي لي ياحلوي
ابتهال : ههههههه ايوه تدلعي كذا خليك بنوته
الهنوف وهي تأشر على ابتهال: انعديت منها بنات ههههههه
النوري : حنا يالله متحملين وحده تجينا الثانيه ههههههه
ابتهال اللي ضربت النوري بخفه : وجع
الهنوف : اقول بنات شرايكم نسرق مفتاح السياره ونتمشى بالبر؟
النوري اللي فزت : اي هذي الافكار اللي احبها
غرام : سلامات تبون يقفطونا
ابتهال : اي والله انقفطوا لحالكم
اسيل : يوه لا حر مالي خلق
وجد : ونا مابي اروح
الهنوف كشت عليهم كلهم : ماش مافيكم روح المغامرة
النوري تمسكت بذراع الهنوف : ياحليلي انا وعشيرتي بس
الهنوف اللي مشت هي والنوري وراحو يسرقون المفتاح من فهد ..
دخلت الغرفه الهنوف وشافت المفتاح تحت المخده
بدت تدخل يدها بشويش لين وصلت له وجت تبي تسحب
وخرشها صوت فهد اللي بدا يتحرك وهو نايم ويتمتم بكلام غريب : يمه شفيه ذا
سحبت المفتاح وطلعت برا الغرفه
الهنوف مدت يدها لفوق وتقول : لقيييته لقيته
النوري : كفو اخ ياذكيه انتي ياحلوه ياكلشيء بالحياه حلو
الهنوف بدت ترفع كفها لفوق وتحت بمعنى زيدي بالكلام الحلو
النوري سحبت المفتاح منها وانحاشت متوجهه للسياره
الهنوف : النوري ووجع تعااالي بسوق انا
النوري وهي تضحك : اي يصير خ ..
استوقفها اللرجال اللي قدامها ومعطيها ظهره
تركي وهو يكلم بالجوال : اي ياقلبي انتي
النوري برفعه حاجب وبهمس : هو يكلم منى؟
" منى خطيبه تركي وعمرها ٢٧ مخطوبين هي وتركي من سنه وللحين يخططون لزواجهم اللي بيصير قريب "
الهنوف سحبت النوري وبهمس : بنت شتسوين تبينه يلاحظنا؟
النوري : شسوي ماشفته
الهنوف سحبت المفتاح منها : عشان كذا بسوق انا لاني اكبر منك
النوري بتكشيره : اكبر مني ب سنه بس
الهنوف والنوري توجهوا لل سياره وشغلوها
سمع تركي صوت سياره بس مااهتم ويحسبه واحد من العيال وبدا يكمل كلامه مع منى
تركي : ياروحي كل شوي اخذ جوال وحده من البنات عشان اكلمك .. تعبت والله متى نتزوج؟
منى بضحكه خدرت مسامع تركي : ياعيوني ابوي كلم أبوك واتفقوا على بعد ٧ شهور
تركي بتحلطم : مطوليين شكلنا
منى : كلها سبع شهور قول الحمدلله انها مو سنتين
تركي : لو ماحاولت في ابوي وابوك كان شيبت ولا تزوجنا