‏له فالحشا مجلس بدو مشرعٍ بابه

Part 2:

دخل تركي : السلام ، وين راحت الهنوف؟
الجده شكت ان فيها شي : داخل شفيها؟
تركي : ولاشي بروحلها
دخل تركي الغرفه وانفجعو البنات من فتحه الباب القويه! ..
كانت الهنوف تبكي بس سكتت لوهلة لما انفتح الباب
تركي قعد ساكت شوي وهو يناظرها : بنات اطلعوا
طلعو البنات وحده ورا الثانيه الا نوره
تركي : انا قلت اقعدي؟ اطلعي
طلعت نوره وسكرت الباب وراها
قعد تركي عالسرير جنبها كانت عيونها تناظر تحت
مسك تركي بأيده دقنها ورفع راسها لفوق : ماعاش من يبكيك .. ماودك تقولين لي شفيك؟
الهنوف وهي تمسح دموعها : مافيني شيء
تركي : يعني ماودك؟
الهنوف أرتمت لحضنه وقعدت تبكي تعتبره أبوها وأخوها وسند لها بكت بكل مافيها ماهو شيءٍ هين عليها هالموضوع ..
تركي قعد يحب راسها وهي بحضنه اغلى ماعنده الهنوف ونوره غير عن كل بنات خواته ..
اسيل : بنات تسمعون؟
وجد : تبكي هنوف ياعمري انا
حصه : بلا لقافه وتسمع يابنات!
إبتهال : هذي حياتهم يحبون التسمع
اسيل وهي تتسمع واذنها عالباب : اسكت ..
طاحت عالارض يوم انفتح الباب ناظرت لفوق طلع تركي ناظرها بحده : الهنوف نامت خلوها لحد يدخل عليها
راح لطريقه وهو يفكر ومعصب من الي بكى اغلى ماعنده؟
الجده : تركي يمه وين رايح
تركي وهو يمشي : لبيه يمه طالع انا شوي وارجع
فتح باب السياره بأقوى ماعنده وهو شاك بواحد ومشى ..

———
نيّاف وخطواته للبيت تنهد : آخ بس
خالد : بسم الله على قلبك من الآخ
نيّاف التفت له : ياخالد تعب قلبي والله بعد ماسافرت للحساء لاجل الدوره العسكريه ونا افكر فيها بس
خالد : هذا الشيء الوحيد الي كنت مفكره بيلهيك عنها بس حتى هناك؟
نيّاف : وقفني الضابط بسبب هواجيسي بالتدريب قالي روح غازل الشجره لين ترد عليك اذا ردت أرجع للسكن
خالد وهو ميت ضحك : وش فادتك الحين هواجيسك؟ ههههههه
نيّاف : والله يالضابط ذا متحملني وصابر علي
سمعو صوت سياره وراهم
نقزو للطرف الثاني من الشارع بسبب السياره الي جاتهم مسرعه وكانت ناويه بتصدمهم
وقفت السياره
ركض نيّاف بيهاوش : صاحي ان..
خالد : تركي؟
تركي : ايييه ياولد راشد
نيّاف : رح الله يحفظك ماحنا بناقصين محارش
تركي نزل من السياره : تدل دربك ياخالد؟
خالد فهمها بس انه ماابتعد عنهم قعد يناظرهم عشان مايتمشكلون نفس كل مره
نيّاف : شعندك؟
تركي : أركب السياره
نيّاف تردد لين تكلم تركي : اركب ، بس كلام
ركبوا ، تركي : أسمع انا ماجيت لأجل مشاكل ولا غيره بتكلم معك كلمتين وهالكلمتين! خلها بعقلك
ماسمع رد من نيّاف بس يناظره تكلم تركي :
ابتعد عن الهنوف الماضي راح وفات لاتحاول ترجع كلشي ياولد راشد الي بين ابوي و جدك شي مستحيل ينسى بهالسهوله
نيّاف سكت شوي : خلصت كلامك؟
هز راسه تركي ونزل نيّاف من السياره ..
مشى تركي و نيّاف للحين يفكر بكلامه
خالد : شقالك؟
استغرب خالد وهزه لين استوعب نيّاف : هلا؟
خالد : شفيك؟ اقولك شقالك؟
نيّاف دخل البيت :  بروح انام
خالد عرف انه متضايق لكن وش بيده؟
استقبلته امه بترحيب وهي بايدها القهوه : ياهلا بحبيب امه تعال عندنا فارشين فرشتنا بالسطح
نيّاف : لا يمه مابي بروح لغرفتي انام
امه طيبة : نيّاف ونا امك لاتزعلني تعال معنا لو دقيقتين خواتك واخوانك متجمعين وحنا مسوين حلا وحركات
نيّاف مشى لإرضاء امه مايحب يزعلها لو بأتفه الأشياء
دخل عليهم وهم يضحكون
سعود : والله انك صادقه ياحبي لتس ياملاذ
الريم تتصنع العصبيه : ونا! ماتفكرون الا بالكبيره بس
نيّاف : خليك منهم انا احبتس انتي
الريم ركضت تحضن نيّاف وتقهر اخوانها وهم يضحكون
عبدالعزيز : وينكم داجين بأخر الليول يالسرابيت؟
نواف وهو يضحك: عشانهم سحبو عليك مسوي تنصح؟
كشر عبدالعزيز وهم فيهم الضحكه
خالد : حول الحاره
تنهد نيّاف وهو يتذكر
نواف ناظر امه الي تسولف مع فزاع وعبدالعزيز
وخالد سعود الي ينكتون على الريم وملاذ استغل انهم مو منتبهين وهمس ل نيّاف : امش معي المجلس
قامو وراحو للمجلس : شفيك تتنهد؟ في شي مضايقك؟
نيّاف : لا بس فيني نوم و جاي غصب عشان امي
نواف : ان كانها كذا رح نام
نيّاف : وين ابوي سعد؟
نواف : راح مع ابوي وعمي واهله للابل بينامون فيها واذا اصبحو جو
نيّاف هز راسه وراح لغرفته انسدحت عالسرير وهو مايبي يفكر بس يبي ينام وينسى
—
الصبح | 6:00 | بيت الجد ناصر