" لاتنسـون النجمـة وقـرائة ممتعـة لكم ⭐️ "
والحيـن كلهـم متقابليـن امام بعـض وكـلٍ منهـم مصـوب السـلاح علـى الثانـي ..
وقـفت سيـارة ودقـت بـوري لـف نيّاف راسـه
وانطلقـت رصـاصـة مـن سـلاح واحـد منهـم ..
التفـت نيّاف لـ اتجـاه صـوت الطلقـه اللـي صـدرت مـن شخـص بـالسيـارة شخـص غـريب ولا يعـرفه نيّاف !
انحـاش مهنـد بس ماتركـه نيّاف ولحقـه لـين دخـل مهنـد وحـده مـن البنايـات ..
وقـف مهنـد وحـط يدينـه علـى ركبـه بتعـب يحـاول يتنفـس وتـوقع ان نيّاف ضيعـه
نيّاف اللـي طـلع وراه والمسـدس مصـوبه علـيه : مانـك معتـرف ؟
مهنـد : مـن انـت ! شـلون تعـرف عنـي وعـن رهـف
نيّاف طرحـه عالارض وصـار فـوقه والسـلاح على مهنـد ..
نيّاف : ذي ام عيـالك شـلون تسـوي كذا ؟
مهنـد : قلتهـا انـت ام عيـالي يعنـي مالك دخـل الموضـوع بيننـا
نيّاف : لا مو علـى كيفـك !
مهنـد بضحكـه : انـت شـدخلك فيـها ؟ رهـف لـي ..
وبـدأ ينطـق بكلمـاته البذيئـه ..
جمـع نيّاف اصـابعه داخـل يـده وبـدأ يلكـم بـلا وعـي منـه ومهنـد اللـي يتألـم ولا يقـدر يـقوم مـن الالـم ليـن نـزف خشـمه وفمـه
زفـر نفسـه نيّاف بـأقوى ماعنـده اللـي تعـبت يـده من الكمـات وجـلس عـالارض يطـالع مهنـد المتألـم
نيّاف : والله لـو عـاد اشـوف رقمـك متصـل فيـها انـي مااخليـك حـي ..
مهنـد تفـل دمـه اللـي بـ فمـه ويطـالعه وضحـك : ضحكـت عليـك الـ **** ؟ خلتـك تتعلـق فيهـا وتحبـها ! تـرا تسـوي كـذا مـع الكـل
نيّاف مسـك مهنـد مـع ياقـة ثـوبه وعطـاه لكمـة : انطـق بكلمـة عليـها بكـلامـك ذا و امـوتك هنـا لاعـاد تتكلـم علـى زوجتـي يـا **** ..
مهنـد عقـد حاجبـه : زوجتـك؟
هـداء نيّاف مـن نطـق كلمـة زوجتـي .. حتـى هـو ماتوقـع يقـولهـا
مهنـد : تـزوجتك !
نيّاف : جـوالها عنـدي كـل ليلـة لـو اشـوف رقـمك متصـل ولا اسمـع انـك اصـلا بـالديرة أقسـم بـعزه وجـلاله اللـي رفـع سبـع ونـزل سبـع ان مايصيـر لك خيـر
مهنـد اللـي بـان ارتبـاكه وسكـت ..
وخـذا نيّاف سـلاحـه ومشـى للسيـارة .. نيّاف ماهـو مخليـه كـذا ! لا هـو ببـاله شـيء ثانـي وينتظـر اللحظـه المناسبـه عشـان يفتـك منـه ولا يأذي رهـف .. حـتى اللـي طلـق عليهـم مايـدري من هـو
ركـب سيـارته وحـرك للبيـت و فتـح جـواله وشـاف اتصـالات كثيـره مـن فـزاع .. دق علـى فـزاع
ورد عليـه فـزاع
نيّاف : هـلا فـزاع
فـزاع : ويـنك !
نيّاف : جـاي للبيـت .. وشـفيـك
فـزاع : لـيه مقفـل جـوالك ؟
نيّاف : طـفى شحنـه وتـوي خذيـت الشـاحن
فـزاع : طيـب ارجـع انـا انتظـرك
نيّاف : طيـب
وسكـر المكالمـه ..
وشـاف رسـالة مـن رهـف ..
" نيّاف .. وش صـار ؟ "
رد نيّاف " مـاصار الا كـل خيـر مـاهو متعـرضٍ لك مـره ثانيـه تطمنـي "
ردت رهـف اللـي كـانت منتظـره رسالتـه علـى أحـر مـن الجـمر .. " الحمـدلله .. مشكـور يـاولـد راشـد مـاراح اوفـي لـك حقـك "
نيّاف " هـذا واجبـي يـا ام غسّان .. "
وسكـر جـواله وهـو يفكـر بكلمـته اللـي نطقـها " زوجتـي " ؟ استغـرب شـلون طلعـت الكلمـة مـنه
و توجـه للبيـت .. وقـابل فـزاع اللـي يتثـاوب بالصـالة ينتظـر نيّاف
فـزاع : جيـت .. ويـن كنـت فيـه ؟
نيّاف : عنـد الشبـاب
فـزاع : عنـد مـن بالضبـط ؟
نيّاف : معـاذ وفـارس مجتمعيـن
فـزاع : كلهـم ببيوتـهم .. قـول الصـدق نيّاف
نيّاف اللـي ماكـان يبـي اخـوه يشغـل بـاله قبـل العـرس : عنـدي شغـل بسيـط وحليتـه المهـم انـا بـروح ارقـد
فـزاع هـز راسـه بـ تمـام وسكـت لانه يعـرف نيّاف وحركاتـه ..
——————
ببيـت سـلمى الصـباح | 9:30 |
قـامت سـلمى ونـزلت لاهلـها وهـم يفطـرون
سـلمى : صـباح الخيـر
ابـو سـلمى : ياهـلا صبـاح النـور
عائشـه وام سـلمى ورهـف : صـباح النـور
سـلمى بـدت تفطـر معهـم
عائشـه : متـى حجزتـي الصـالون ؟
سـلمى : 11:30 الظهـر
عائـشه : تمـام باقـي ساعتيـن خلينـا نجهـز للـصالون
قـامت سـلمى بعـد ماافطـرت وخـذت لهـا شـاور وطلعـت وهـي تنشـف شعرهـا وتشـوف جوالهـا مرسلـه لهـا مـلاذ صـورة الكوشـة والقاعـة اللـي خلصـت تجهيـزاتها بـس باقـي كـم شـيء بسيـط ..
خـذت عبايتهـا ونـزلت لتحـت وشـافت اهلهـا كلـهم واقفيـن
ابـو سـلمى : يـلا ؟
سـلمى : يـلا خلصـت
توجهـوا للسيـارة ومشـوا للصـالون
وصـلوا ودخلـوا للصـالون وقعـدوا يتجهـزون ..
سـلمى اللـي كانـت قاعـده والارتسـت تحـط لهـا ميكـب رّن جـوالها وشـافتـه والمتصـل كانـت مـلاذ
سـلمى وجهـت كلامهـا للميـكب ارتسـت : دقيقـه بـس بـرد علـى اتصـال
الميكـب ارتسـت : خـذي راحتـك
ردت سـلمى : هـلا مـلاذ
مـلاذ : ويـنك فيـه ؟ دخلـت الصـالون
سـلمى : موجـوده بغـرفة الميكـب ارتسـت ..
مـلاذ : يـلا جايتـك
دخلـت مـلاذ وسلمـت علـى سـلمى
مـلاذ بضحكـه : وكيـف الأوضـاع فيـه توتـر ولا ؟
سـلمى بعبـوس : توتـر بـس ؟ شـوفي يـدي ترجـف
مـلاذ : عـاد يـلا هـانت صـرتوا لبعـض
فكـرت سـلمى بكلامهـا ولعـل خـف التوتـر شـوي
خلصـوا كلهـم مـن شعـر وميكـب
وكـان الـوقـت 2:45 العصـر ..
توجهـوا لـ البيـت طلعـت سـلمى فستانـها وابتسمـت .. ماتوقعـت يجـي هاليـوم ومعـاه ..
رتبـت الفستـان وشـالت اغراضهـا الباقيـه بالشنطـه
دخـلت ام سـلمى لـ غرفـة سـلمى : هـا كيـف وضعـك انشاءالله خـف التوتـر
سـلمى : الحمدلله خـف شويـات
ام سـلمى هـزت راسهـا بـ تمـام وطلعـت ..
وقعـدت سـلمى عـالسـريـر وحطـت يـدينهـا تخبـي راسهـا فيـهم .. وتنهـدت
أنت تقرأ
له فالحشا مجلس بدو مشرعٍ بابه
Romanceأتمنى تُنال أعجابكم كاتبة لكن اول رواية انشرهـا لـي .. الكاتبة : ميـّم ❤️
