" لاتنسـون النجمـة وقـرائة ممتعـة لكم ⭐️ "
دقت ابتهـال على اخوهـا عبدالله و رد
ابتهال : عبدالله شصايـر وش ذا الطـلق ؟ انتو بخيـر؟
سرعان مابانـت الصدمة على وجه ابـتهال : ايييشش ؟!!
الـهنوف : وش!! تكلمـي
- عند الرجـال
ركض فـزاع لـ نيّاف : وش فـيييكم !!
نيّاف اللي سادح تركـي علـى ركبـه عشان يتنفـس : مافـي شيء .. مايتنفس زين به ربـو
الجـد ناصر : تركـي ! تنفس يابوك تنفـس
فهـد اللـي ركض للسيـارة يجيب بخاخ الربـو حق تركـي
نيّاف : اعجـل علـي ياولد!!
فهـد اللـي جابه وعطاه نيّاف ..
بداء نيّاف يبخ البخاخ على تركـي اللـي بدا يشاهـق وكـأنه رجـع من المـوت ..
تنهـد نيّاف و أرخى جسمـه اللي تعبـه التوتـر
ابو فـارس : مابه شيءٍ انشاءالله طيب الولد طيب
الجـد ناصر : لحـول ولا قوةً الا بالله
تركـي اللـي كانت عيـونه مو مستقره لا هـي فتحت ولا هـي تسكـرت
نيّاف : جدي ناصر انا باخـذه للمستشـفى اتطمـن اكـثر
الجد ناصـر : طيب يابـوك انتبه عليـه
ونيّاف اللي مسـك تركـي وخلاه يرتخـي على كتـوفه
فـزاع اللـي للحـين قلبـه مو مرتـاح : نيّاف .. الطلقات من اللـي طلقهـا ؟
نيّاف : مـب حنـا .. الطلقـات كانت بـ هذيك الصـوب
توجـه فـزاع وعبـدالعزيـز للمكـان اللـي قاله نيّاف لهم وكانت الرؤية ماتساعدهـم بالشـوف سمعوا ونّه شخـص يتألم ..
فـزاع اللـي توجـه للصـوت : فـي احد؟
ماكـان يسمع الا الونّـات شـاف شخـص طايـح عالارض
..: فـ.. فـزاااع
فـزاع بتعقيد حواجبـه : .. سعـود ؟!!
ركض لـه فـزاع وشـافه جـريح والمسدس عالارض .. اصابت الطلقـة رجـله اليمـنى ..
عبدالعـزيز : وشصـارر لك !!
سعـود المتألـم : بـ .. بـدر
عبـدالعزيـز اللـي انحـرق قلبـه على اخـوه اخـذ المسـدس وراح يـدور بـدر !
فـزاع اللـي شال سعـود وركـض به للسيـارة حطـه بـالخلف وركـب قدام ودق علـى نـواف ..
نـواف : هلا فـزاع
فـزاع : رح دور على عـبدالعزيز وامسكـه لا يتمشكـل مع المهبـول بـدر
نـواف اللـي كان يسمـع ونّات احد يتألم : ليـه ؟ وش صايـر ؟
فـزاع : بعلـمك .. بس انتبـه لتعابيـر وجهـك قدام النـاس لحـد يـدري
نـواف : طيب
فـزاع : بـدر طلق علـى سعـود بـ رجله
نـواف اللـي مسك اعصابـه وكـان جده يناظره : طيـب عطني خبـر فمان الله ..
الجـد سعد : وش السالفـه ؟
نـواف : ولا شـيء .. راح فـزاع مع سعـود يتمشـون وبيرجعـون للبيـت
الجـد سعـد : طيـب
قـام نـواف يـدور على عبدالعـزيز وعـارف انه بيعـاني معـاه لأن عبدالعـزيز شخـص عصبـي ولا يمسـك عصبيـته ..
أما عنـد فـزاع اللـي كل شـوي يلـف راسـه لـ سعود : سعـود ..
سعـود اللـي صرّ على اسنانـه من الألم : هـاه
فـزاع : لاتغفـى فتح عيـونك !
سعـود اللـي كان يحـاول ويحـاول
وصـل فـزاع مستشفى الطوارى ولبـّق سيارتـه امام المستشفـى
السيكورتـي : لوسمحـت السيـارة !
سحـب على السكيـورتي وشـال سعـود المتألـم اللـي نص غافـي ونص صاحـي ..
دخـل فـزاع و بأعلى صوت : الدكتووور!
شـاله الممـرض علـى سـرير الطوارىء واخـذه للداخـل بغـرفة حـاولوا الممرضيـن يخلونـه قدر الإمكان قايـم عـلى مايجـي الدكتـور ..
أنت تقرأ
له فالحشا مجلس بدو مشرعٍ بابه
Romanceأتمنى تُنال أعجابكم كاتبة لكن اول رواية انشرهـا لـي .. الكاتبة : ميـّم ❤️
