" لاتنسـون النجمـة وقـرائة ممتعـة لكم ⭐️ "
أنهى كـلامـه وعيـون الـهنوف مغـرقه دمـوع ..
مسكهـا بيحضنـها و تـرددت وهـو حـس على نفسـه و نـزل ايدينـه ..
نيّاف : لا يـدخلك شـك ولا خـوف .. انـا ماخـذك ماخـذك لـو اللـي يصيـر يصـير
بعـدت الـهنوف وقـالت بكـل جمـود : انـا انخطبـت ..
كـانت لحظـة صمـت و تعـابيره اللـي تبدلـت لـ خيبـة امـل كـان سـاند يدينـه علـى الجـدار و محـاوطهـا ضـرب بيـده علـى الـجـدار و هـذا اللـي خـوف الـهنوف اللـي غمضـت عيونهـا و شهقـت و شـدت علـى يدينهـا ..
نيّاف كـان نظـره متـوجه على عيونهـا ..
نيّاف بكـل جمـود : مـن هـو ؟
سكـتت الـهنوف ولا ردت
مسـك دقنهـا و لـف راسهـا لـه يبيهـا تطـالع بعيـونه نيّاف اللي عقـد حـاجبينه : طـيب مانـي سألـك عنـه .. بـس ابـي جـواب واحـد!
سكـت لوهلـه و الـهنوف اللـي حطـت عيونهـا بعيـونه تنتظـر السـؤال ..
نيّاف : بـتوافقيـن ؟ ..
عضـت شفتهـا ماتبـي تـطلع دموعهـا ..
مسـك يـدها البـارده و دخـل اصابعـه بـيدينهـا المستسـلمة كليـاً قـرب منهـا قـريب و بعـد خصـلاتها الطايـحه
نيّاف بـملامحه الذبـلانه : لا صـح ؟ .. قـولي لا يـالهـنوف
بعـدته بيدينهـا بـس ماقـدرت مـنه و مـن جسمـه الضخـم مقارنـة فيهـا ..
نيّاف حط يـده علـى خـدهـا : لا تحـرقين قـلبـي زيـاده ! انـا تعبـت و انـتي تعبتـي .. خليـنا نـوقف اللـي قـاعد يصيـر
الـهنوف بغصـه ووجهـا العـابس : شـلون ؟
نيّاف : اسـمعيني ارفضيـه .. ارفضيـه و انـا بصـالح بيـن الشيبـان والله بصـالحهم و بنتـزوج بـس اسمعـي كـلامي يـالـهنوف لا تتعبينـي ! والله مـاياخـذك لو يصيـر اللـي يصيـر
الـهنوف شـدت على اسنانهـا : لا تجننـي نيّاف و رهـف اللـي بتخطبهـا !
بعـد نيّاف عنهـا و مسـك جبينـه مـن كثـرة التفكيـر ..
الـهنوف ضحكـت بإستهـزاء و قهـر : مـاتقـدر صـح ؟ طيـب
لـفت بتمشـي و مـسكهـا مـع مـعصمهـا : اقـدر .. انـا بـلياك مـو نيّاف يـا طهـر المـاء ..
ارتخـت يـدين الـهنوف و لـفت عليـه ..
الـهنوف : طـهر المـاء ؟
ابـتسـم نيّاف .. و ضحـكت بخفـه الـهنوف مـن اسـتـوعبـت
سـمعت صـوت غـرام تنـاديهـا ..
الـهنوف نـاظرتـه بـ ابـتسامتهـا : بـدخل انـا
مسكهـا نيّاف : تعـالي
و سنـد ضهرهـا عالـجدار
تـألمـت الـهنوف بخفـه مـن ضهرهـا ..
نيّاف مسـك شـاربه : شـفتي ذا ؟
الـهنوف عقـدت حاجبهـا : ايـه
نيّاف ابـتسم : مـايكـون علـى رجـال لـو مـاخـذاك
بعـدته الـهنوف و عقـدت حاجبينهـا و ابتسمـت : شكـثر تتباهـى فيـه
و سحبـت شـاربه و تألـم ..
نيّاف عقـد حاجبينـه تمثيلا للعصبيـه : أعقبـي !
دخـلت الـهنوف و سكـرت البـاب وهـي تضـحك وابتسامتهـا اللـي خـلت نيّاف يضـحك ولا اعتقـد بينـام اللـيلة منهـا ..
سكـرت البـاب الـهنوف و دخـلت للـداخـل و صـدى ضحكاتهـا بيـن الممـرات ..
غـرام بأستغـراب : ويـنك فيـه انـتي ؟
الـهنوف : ازرع .. ليـه
غـرام : الـوقت تـأخـر ! فـيه احـد يطلـع بـرا بـهالوقـت
الـهنـوف : مـا انتبهـت ..
غـرام وهـي تسـحب بطانيتهـا : تـرا اليـوم بـننام بـغرفـه البنـات مسـوين فعاليـات ..
الـهنوف الـي بـلا تـردد راحـت تـاخـذ بطانيـتها لـغرفـة البنـات ..
الـهنوف بـابتسـامتها اللـي مااختفـت : اييييوه وش فعالياتكـم ؟ لا تـقولون لـي قـصص رعـب و حـب انـا راسـي تـعب من اسيـل مايتحمـل اكثـر من كـذا
اسيـل دخـلت و بـرفعه حـاجب : لا والله ؟ هيين يـا الـهنوف
الـهنوف اللـي حسـت انهـا تـورطـت : امـزح والله .. فـي احـد يمـل مـن كـلامك و قصصـك !
عبسـت اسيـل بـوجهها و ابتسمـت ..
ابتهـال بـدلع : الـصراحـه امـوت بقـصص الحـب
وجـد مسكـت راسهـا : عـارفييـن والله درينـا فهمنـا
ابتهـال بتكشيـر : مخـربة احلامـي اسكتـي الله يعافيـك
كـانت بتتكلـم وجـد بـس جاتهـا مكالمـة .. واللـي كـان " سـلطان " ردت ..
وجـد بصـوت عـالي : هـلا شتبـي
سـلطان : سـلامـات اكلـم ولـد انـا
وجـد : سـلطانـووه !! بتتكلـم ولا كيـف
فـزت الـنوري مـن سمـعت اسمـه و رجعـت كشـرت
سـلطان : وحـده منكـم تسـوي لـي اكـل الله لا يهيـنكم
وجـد : تـقصد ميـن بالضـبط ! مـاعرف اسـوي شـي انـا .. غـلطان اخـوي اتصـل بغيـري
وجـت بتسكـر و وقفهـا صـوت سـلطان ..
سـلطان : وووجـد
وجـد بتـأفف : ياخـوي هـلا اشغلتـني
سـلطان : ابـو خالد لا تسـوي فيهـا علينـا ! اخلـصي سـوولي اكـل انـا والعيـال جـوعانيـن
وجـد : انـت طـول عمـرك جـوعان مـا استغـرب
ضحكـت الـنوري مـن كلامهـا و سمعهـا سلطـان ..
سـلطان بأستغـراب : مـن اللـي تضـحك ذي
وجـد بـلا تـردد : الـنوري اللـي تضـحك
شهقـت الـنوري و مسكـت فمهـا تكتـم شهقتهـا و تتـوعد بـ وجـد
سـلطان ابتسـم : بـالله هـي ؟
وجـد : ايـه .. تبـي شـي ولا اسكـر
سكـر سـلطان بوجههـا
وشهقـت وجـد : قـليل الادب !
اسيـل : شـسوى
وجـد : سكـر بوجهـي
غـرام : تسـتاهليـن اجـل هـذا اسـلوب
الـهنوف : وش يبـون هـم ؟
وجـد : يـبون اكـل
جـات رسـالة لـ الـهنوف مـن رقـم غـريب ..
" طهـر المـاء .. شـرايك تفكيـن البـلوك مـن رقمـي الثـاني ؟ "
ضـحكـت بخفـه و عـرفت انـه نيّاف .. فـكت البـلوك و ارسـلهـا " تـراني جـوعـان .. لـو تسـويلـي اكـل مـن ايـدينـك بكـون اسـعد مخلـوق على الأرض"
عضـت شفتهـا و ابـتسمـت ..
دقـت وجـد الـنوري و تـأشـر بحـواجبهـا علـى الهيمـانه الـهنوف ..
الـهنوف بأبتسـامه : حـرام اكيـد جـوعانيـن خـلونا نسـوي لـهم و لـنا
وجـد : وش اللـي خـلاك تقـولين كـذا
الـهنـوف وهـي تنـاظر المحـادثه : فـكـرت بـ خـالي تركـي اكيـد مـا اكـل كثيـر بالعشـا اسـتحى ياحليـله
البـنات عقـدو حـواجبـهم مسـتغربيـن ..
وجـد : الـهنوف ! .. لـيه يستـحـي خـالي تركـي ؟
عقـدت حواجبهـا الـهنوف و رفـعت نظـرهـا لـهم : ليـه يـستحـي ؟
الـنوري اللـي ضـحكـت لمـا عـرفـت انهـا ماتقصـد تركـي اصـلاً
غـرام : حـنا اللـي نسـألـك ليـه
الـهنوف قـامت : اقـول خـلو عنـكم .. احـد بيـساعدنـي ولا ؟
و فعـلاً قـامـت الـنوري و اسيـل والبـاقي قـعدوا ..
و بـ الجـهه الثـانيـة عـند العيـال اللـي مشغليـن الدفـايـة
نيّاف اللـي عليـه فروتـه : شـلون قـمتو بـهالسرعـة كلهـا سـاعه ونـص نمتـو فـيها
فهـد لـف علـى عـبدالله : أخبـر واحـد كـان بـ أخـر المـجلس فجـاءه القـاه جنبـي يرفسـني ليـن قمـت
ضـحك نيّاف و تـركي اللـي لـف عليـه ينـاظـره يضـحك .. و ابتسـم
عـبدالله : انـا قـايل انتبـهوا كـان رقـدت بالكنـبه يعنـي مـشكلتـك
سـلطان : والله انـا قـمت مـن الـجوع
نيّاف : خـلونا نـفطر وبـعدها بتجـي نووومـه صـح
تـركي متلحـف ببطانيـته و تـرجف اسنـانه مـن الـبرد : يـاشيـخ بـررد بـرد مـاني قـادر انـام زي الاوادم
فهـد يبي ينرفـزه : ادفيـك يابعـد عمـري ؟ تـخيـلني منـى
قـام تـركي عنـد فهـد بـدأ يصفقـه و فهـد بمحـاولات هـروب منـه ..
امـا نيّاف اللـي يضحـك عليـهم جـاته رسـاله .. نـزل نظـره لـ جـواله اللـي كـان بحضنـه و شـاف اسمـها المسـمى " ❤️ " و ابتسـامتـه الـعريضـه مـن شـاف الاسـم .. كـانت كاتبـه " مسـويه لـك بيتـزاء عشـانك"
تـركي بأبتسـامه يأشـر بحـواجبه علـى جـوال نيّاف : مـن ؟
نيّاف : الـوالده
تـركي ضـحك وقـال : قـلب الأم .. لازم تشـوف قـرارك للـزواج لـو مـاحصل نصيب خيـره اكيـد
نيّاف تـكى على الكـنب و أبتسـم : اي والله خيـره
و عـند البنـات اللـي جـهزو الـباستـا اخـذت الصـحن الـهنوف و حطـت الباستـا ..
اسيـل بضحكـه : تتـوقعون يعـرفون ذي وش ؟
ضحـكت الـنوري اللـي صـفقت بيدينـها بـوسط ضحكـاتهـا : مـستحيل مستحيـل هههههههههه
الـهنوف بأبتسـامه : بالأكل ماظنـي يعـرفون هالباسـتا
اسيـل بـوسط تجهيـزهـا للـعصيـر : اعـرف اخـوي هالـغبي سـليطيـن مانـه عارفهـا .. اهم شـي بطنـه
الـنوري : يـعني عبـود بيعرفهـا ؟ والله كلـهم دلـوخ
الـهنوف شـالت البـاستـا : يـلا يـلا .. امشـو نحطـها عـند البـاب .. جـيبي الـسفره الـنوري
اسيـل بحـذر لا يطيـح العصـير : دقـيقه ..
نـزلت الـهنوف الصينيـه .. و طـاح شعـرهـا علـى اكتـافهـا مسـكته كـله و حـطته علـى جنبـها الايمـن
الـهنوف لـ اسيـل : حـطـيها قـدام الـباب
نـاظرت اسيـل بـاب العيـال الـي مـسكـر حـطتـه و راحـو للـداخـل .. و سـلطان اللـي خـذا الاكـل و دخـل : يـالبيييه مكرونـيه
نـزل الصينيـه ..
عـبدالله بأستغـراب : ذي مكرونيـه ؟ ماهـي نفـس حقتنـا ياخـي
تـركي : لـيه لـونها كـذا
نيّاف برفعـه حـاجب : و تتشـرطون بـعد ؟ اكـلو بـس
سـلطان تـربع : والله جـوعااان
فهـد : اللـي يـشوفك يـقول اننـا مجوعيـنك
بـدو يـاكلـون و نيّاف اللـي يتـلذذ بـالباستـا ..
نيّاف غمـض عيـونه بتـلذذ : ااخ حـلوه حـلوه
لـف و شـاف الـبيتزاء المـحروقه ضـحك .. انتبـه سـلطان و لـف ينـاظر البيتـزاء : وش ذي البيتزاء المحروقـه
عصـب نيّاف و عقـد حاجبينـه و سحبهـا منـه : هـاتها بـس هاتهـا
فهـد : لقينـا مشـفوح ثانـي غـير سلـطان ههههههههه
و قـعد نيّاف يـاكلهـا كـلها مـع ان البيتـزاء قاسـيه و تـوجع اسنانـه بـس لازال يـاكل لأجـل الـهنوف .. كـان طعـمها مقبـول بـس هـو كـان صـامل انـها حلـوه ..
ارسـل لهـا صـوره البيتـزاء مخلصـه و رسـاله
" الـبيتزاء خـلصناهـا من كثـر مـا هـي حلـوه تسـلم أيـدينك "
شـافتهـا و ضـحكت عـليـه " عـاجبتك البيتـزاء الـمحروقه ؟ حـاسه مـاهي حلـوه "
نيّاف بـلا تـردد كـتب " والله حـلووه .. انشاءالله تسـوينها لـي ببيتنـا "
كـتبت وهـي منهـاره ضـحك " مـو انـا اللـي مسـويتهـا و لاعـاد تـكذب مـره ثانيـه ههههههههه "
رفـع حاجـبه نيّاف اللـي بـدا بـطنه يعـوره .. وكـاتم ألم بـطنه ..
أنت تقرأ
له فالحشا مجلس بدو مشرعٍ بابه
Romanceأتمنى تُنال أعجابكم كاتبة لكن اول رواية انشرهـا لـي .. الكاتبة : ميـّم ❤️
