‏له فالحشا مجلس بدو مشرعٍ بابه

Part 7:

" لاتنسـون النجمـة وقـرائة ممتعـة لكم ⭐️ "
ام سلـمى حسناء : خلاص أجل خليك لين يوصلون واناديك
سلمى اللي قعدت عالسرير : تمام ..
نزلت ام سلـمى لتحت تتأكد إن الترتيبات كل شيء جاهز من ديكور ومن الكوشـة والورود ..
جات رهف اللي كانت لابسـة فستـان مـوڤ منفوش لتحت الركبة بشوي وفاتحـه شعرها القصير اللي كان لحد كتفـها
وجـت عائشه وراها وكانت لابسـة فستـان زيتـوني طويـل و ماسـك على جسمـها ورافعـه شعرها لفـوق وخصلتـين على الجنب ..

ام سلمـى حسناء : بنـات المعـازيم قربوا .. كل شيء جاهز ؟
عائشه : اي خلصـنا كل شيء
ام سلمـى حسناء : طيـب
دق الجـرس وراحـت عائشه تفتـح البـاب ..
عائشـه : ياهلا ومرحبا
ام غزل : مرحبا بـك
ام سلـمى حسناء : حيـاكم ادخلو
كانـت وراها غـزل اللي لابـسة فستـان ساتان ماسك عالجسـم باللـون الذهبـي و فاتحـة شعرهـا
عائشـه : يامرحبا بـغزل
غزل بخجـل : يامرحبا بك ياعيوني
كانـت معاهم ام فـارس واخـت فارس نجـوى
" ام فارس صديقـه الخـوات حسناء و طيبه .. وولدها فارس خوي نيّاف .. نجـوى اللي عمرها 24"
رحبوا فيهم ودخلو وجاو المعازيـم ..
انطـق الباب وفتحـت الباب ام سلـمى
ام سلـمى اللي سلمـت على ام نيّاف اختها : يامرحباا ومسهلا نورتـوا .. حيـاكم
ام نيّاف : النور نـورك ياروحـي
دخلو وراها ملاذ و الريـم
ومـلاذ اللي كانـت لابسـة فستـان وردي قصير من قـدام وطويـل من ورا ويسحـب وعليـه ورود ورافعـه شعرهـا
و اما الريـم اللـي كانت لابسـة فستـان كحلـي ماسك عالجسـم وطويـل وعلـيه ورد منفوش من فـوق وكانـت وفاتحـه شعرها الطويـل ومسويـه ويفـي ..

————
عند الرياجيـل ..
بعـد ماسلمـو وجلسو يتقهوون
هـادي ابو سلـمى : هذي والله السـاعه المباركـة اللي تناسبـنا فيها يابـو فـزاع
فـزاع اللي كان معاهـم ولا كنـه معاهم يفـكر وقطـع حبل افكـاره نيّاف وهو يقول : فزاع المأذون جاء
فـزاع اللي رفع انظاره لهم وقام وسلم على المأذون
وجلسـوا شوي يتقهوون
وبدأ جـوال فـزاع يطـلع رنّه رسايـل ورا بعض
و اتصالات شـاف المتصل وتنهـد .. جـمان
قفل جواله وهو متثيقل البيت والناس بكبرها ووده يطلع
المأذون : الشهود موجوديـن ؟
نـواف و نيّاف : نعم
المأذون : بسـم الله .. ان الحمد لله نحمده ونستعينه ونستغفره ..
ألتفت المأذون ل ابو سـلمى : قـل زوجتك ابنتي سلمى
ابو سلمى : زوجتك ابنتي سلمى
المأذون : على كتاب الله وسنه رسوله صلى الله عليه وسلم
ابو سلمى : على كتاب الله وسنه رسوله صلى الله عليه وسلم
والتفت المأذون ل فـزاع : قـل قبلت بـ هذا العقد
فـزاع بتنهد وهو يستجمع نفسه : قبلت .. بـ هذا العقد
المأذون : وقبلت هذا الزواج ورضيت به
فـزاع : وقبلت هذا الزواج ورضيت به
المأذون : بارك الله فيكم .. أبي اسمع موافقه البنت
———
عند البنات فـ الجهه الثانيه
راحت ام سلمى لـ فوق وفتحت باب غرفة سلمى ..
سـلمى اللي التفتت : وشصار ؟
ام سلمى : المأذون يبي يسمع موافقتك .. كلميه
المأذون : السلام عليكم
سلمى : وعليكم السلام
المأذون : انـتي موافقه يا بـنتي على الزواج من فـزاع ؟
سلمى : نعم
المأذون : باختيـارك ولا مجبـوره ؟
سلـمى : باختياري
المأذون تمام يابنتي باقي البصـمه بصمـي والله يبارك لكم ويجمع مابينكم في خير
سلمى بـ خجل : الله يبارك فيك
جابت رهـف البصمـة وبصمت سلمـى ..
ام سلمى بـ فرح لبنتها : يلا الحين بتنزفيـن
سـلمى اللي قعدت ترتب نفسها ومتوتره : يارب .. بسم الله
ام سلمى قعدت تقراء على بنتها الاذكار ..
ودقت على عائشـه : عائشـه الحين بتنزف سلمى .. حطي الـزفه
عائشه : تمام
توجهت سلمى و أمها للـدرج
و اشتغلت الزفـة :
لا إله إلا الله .. لا إله إلا الله صلـو على الهـادي محمد ..
أقبلت بالـزين سـلمى والمسـاء بالورد عابـر
يـوم ملكـتها تجلـت نورهـا للكـون آسـر
القصـيد اليوم زان وابتسـم وجـه الزمـان
والقـلوب تهنـي سلـمى والسنـا يملا المكـان
-
وسـلمى اللي تنـزل من الدرج برفق وهدوء وكـانت تستمع للزفـه ..
نـزلت وقعـدت عـ الكوشـة بهدوء وبابتسامة هاديـه
سعود اللي دق على ملاذ : فـزاع بيـدخل قولي لهم يتغطـون
ملاذ : تمام .. يابنات تغطـو فـزاع اخوي بيدخل
الكل تغطى
تغطـو البنـات والحـريم .. وسلمى اللي من سمعـت أسمه قعدت ترجـف من التوتـر
عند باب المـدخل مسـك الجد سعد فـزاع : اسمع .. سلمى حفيدتي واغلى ماعندي .. لاتكشر بوجهك وامدحها وسولف معها ولا تكسر بخاطرها ياويلك يافـزاع لو عرفت بس انها زعـلانة !
فـزاع اللي ابتسـم ابتسامـه تسليـك لجده : ابشر
ودخـل فـزاع وكان منـزل عيونـه بالأرض
مسكتـه امـه طيـبه وبهمـس : فـزاع أقعد معها عالكوشـة شوي ونجيـب الخواتم تلبسها وتلبسك وبعدها تحب جبينها وتمسك يـدها طيب ؟
فـزاع بهمس : يمـه مو ضروري .. بس البسها الخاتم واطلع
امـه طيبه : فـزاع ! اسمع كلامـي وبس
فـزاع بتنهد : طيب
كانـت سلمـى تناظر له وتنزل عيونها تحت من الخجـل ..
قعـد فـزاع عالكـوشة ونـزل عيونه تحت .. مايبي شوفتها ولا يبي انه يحـس بخيانـته ل جمـان
جابـت طيبـه الخواتـم ومدتها ل فـزاع و سلمـى
قامـوا ومسـك يـدها اللي كـانت ترتجـف رفـع أنظـاره لهـا وشافـها لأول مره بعـد سنيـن .. كبـرت وصـارت ملامحـها أحـلا واحـلا
استغـربت جمـوده ورفعـت نظرهـا لـه .. كان ينـاظرها .. او يتـأملهـا بمعـنى أصـح ..
والـريم اللي هـزت كتف فـزاع التفت عليها
الريـم : لبسها الخاتم شفيـك ؟
ملاذ بـ همس : شكله يتـأملهـا ههههههه
الـريم تدق ملاذ تبيها تسكت لا يتوترون زياده ..
حـس على نفسـه ولبسـها الخـاتم ومسكـت يده ولبسته
و كانت الزفـة مـع لبسـهم للخواتـم ..
-
الله يتـمم هـناهــم دوم ويحـقق منـاهـم
سـلمى وفـزاع اللـي جيـنا هالمسـاء نفرح معـاهم
جـينا الليـلة نبـارك فـرحة المـلكة ونشـارك
الله يتـمم هـناهــم دوم ويحـقق منـاهـم
-
تذكر كـلام امه بعد تلبيس الخـواتم و حـب جبينـها
وسـلمى اللي ماتوقعـت انـه يسوي كـذا ابتسمـت ابتسـامه واضحـه وكـانت عيـون فـزاع عليـها وعلى ابتسـامتها ولا هـو قادر يشيـل عيونـه عنـها
جـت ام فـزاع طيـبه وهمسـت : فـزاع انت و سلـمى روحوا للغرفـه
فـزاع عقد حاجبه : ليـه ؟
ام فـزاع : شـلون ليـه ؟ روحـو خذو راحتـكم بالسـوالف
فـزاع : بـس يمـه ..
قطـعت كلامـه ملاذ وهي تقومـه : فـزاع الناس يشوفونا اخلص روحـوا الغـرفه .. وامسك يدها
قـام فـزاع مسك يـد سلـمى واتجهت خطـواتهم للغـرفة