‏له فالحشا مجلس بدو مشرعٍ بابه

Part 6:

.. : يااااا ولـد !!!
لفو كلهم نظرهم للصوت ..
كان الجد ناصر ووراه فهد ..
اتجهت خطوات الجد ناصر لهم وقعد يناظر نيّاف اللي ينزل من خشمه ومن جنب شفته دم
وبعصبيه : وش السالفه ياتركي ؟
تركي سكت .. مايبي يقول ان البنات طلعو من دون مايعرفون
الجد ناصر بـ نبره صوت عاليه : ترركي! تكلم
تركي : كانو يفرفرون حولنا ..
رفع نيّاف أنظاره له ..
الجد ناصر : ياولد راشد .. ماقلنا لكم منطقتكم ماحنا بقاربينها ومنطقتنا لاتقربونها؟
نيّاف وهو يناظر خالد: الا .. بس لعلي ضيعت الدرب
الجد ناصر بنظره توضح شرارة عصبيته : اركب سيارتك و امش وراي
ركب نيّاف وخالد مع بعض
وتركي والجد ناصر مع بعض

خالد بتعقيد حاجب : وين مودينا هو؟
سكت نيّاف وهو يمسح الدم بكف يده ويسوق ..

عند النوري والهنوف ..
الهنوف فزت : ركبو سياراتهم .. وين رايحيين ؟
تتوقعين علم علينا
النوري : هنوف ماظنتي يعلم .. وخالي تركي بعد مابيعلم
الهنوف : اخ يالله .. الحمدلله ماشافنا احد
النوري : شكل اهالينا فقدونا
الهنوف لفت على النوري : اسمعي انا وانتي كنا عند جدي وخالي تركي تمام؟
النوري بتوتر : تمام
راحوا للخيمة ..
رفعة اللي ناظرت بنتها الهنوف باستغراب: الهنوف؟ وين كنتي!
الهنوف بتلعثم : كنت عند خالي و .. جدي
ابتهال مسكت النوري من يدها : بنت وين رحتو من اليوم ندور عليكم
النوري : كنا نسولف مع جدي و خالي وقاعدين عندهم
طالعت ابتهال النوري والهنوف بتشكيك وهزت راسها بـ تمام ..
الجده منيره : الهنوف النوري وين جدكم الحين؟
الهنوف : مدري راح مع خالي تركي لمكان
الجده منيره : غريبه ماعطونا خبر
الهنوف جلست : تلقينه نسى

————
بيت آل سعد ..
ملاذ اللي كانت تحاول تسوي شعرها
الريم دخلت الغرفه : شتسوين؟
ملاذ بتأفف : اف قاعده اسوي تسريحة شعري عشان اضبطه بكرا نفس اللي ابيها .. بس ماضبطت
الريم جلست : خلاص بكرا بنروح للصالون .. من اللي له خلق الحين بعد ماقشينا كل السوق
ملاذ اللي رجعت تلم شعرها : تكسررت المره الثانيه ماني رايحه للسوق
الريم : اقول ابي انام الحين عشان اصحى بدري
ملاذ : طرده ذي؟
الريم اتجهت لسريرها : اي يلا وطفي النور معك
ملاذ قامت بتطلع : زين
" وبنفس البيت بالمجلس "
كانوا نايمين على الأرض او بمعنى ثاني يحاولون ينامون
سعود : اقول عبدالعزيز
عبدالعزيز يناظر لجواله : هلا
سعود : بسألك سوال
عبدالعزيز وجه أنظاره له وطفى جواله : الله يستر من اسألتك
سعود : يعني ابوي غاصبنا نرقد بدري عشان نتوجه للعرب الصبح .. مالي الا اهرج معك
عبدالعزيز : يلا قول وش سؤالك ؟
سعود : قد حبيت؟
عبدالعزيز : شرايك تخمد بس
سعود بضحكه : لا بذمتك تعلمني ههههههه
عبدالعزيز قلب للجهه الثانيه وعطى سعود ضهره : ماني معلمك
سعود : ماودك تعلمني يعني
عبدالعزيز يتظاهر بالنوم ..
نواف اللي قام من نومه : سعود ياورع نبي نرقد
سعود : ارقد رقدت عليك ناقه