المغرب ..
الجد : نييّاااف نيييّاااف
نيّاف وهو يركض : لبيييه لبييه؟
الجد : ازهملي خالد وتعال انت وياه
نيّاف وهو رايح : ابشر
دخل الغرفه نيّاف ..
ويلتفت له خالد منخرع : شفيك انت ماتعرف تطق الباب؟
نيّاف : لا ، وش الي بيدك؟
خالد : مالك شغل سكر الباب
نيّاف : اتفاهم معاك بعدين المهم ابوي سعد ينادينا
" ينادون جدهم ( ابوي ) دايمًا "
خالد وهو يحط الصوره بالدرج : يلا جاي جاي
الجد : تعال ياولد انت وياه وراكم تتضاحكون
خالد وهو يضحك : اسأل نيّاف؟
نيّاف : خبل ذا لاتسمع له يبه
الجد : امرحو وتعالو
كلهم : سم
الجد : سنعتو الابل؟
نيّاف : اي ابشرك خلصنا امورها الصبح
الجد : شفتو عبدالسلام وش يبي من السوق؟
عبدالسلام الراعي حق الابل بمعنى " يرعى الابل "
خالد : اي يبيله شحن زين شريت له وعطيته
الجد : لااصبحت بروح للبل اشوف الوضع ، اليوم خلوكم بالبيت لاحتاجو امهاتكم شيءً ولا شيء ونتم عندهم
نيّاف : ابشر يبه تامر امر، تبي شي ثاني يبه؟
الجد : لا سلامتكم ياعيالي بروح امسي ونتو امسو بعد العشاء لااشوفكم قايمين
نيّاف وخالد : نوم العافيه
راح الجد بعد ماصلى ينام بالغرفه لانه من الصباح قايم ..
نيّاف بالمجلس بصوت خفيف : مرحبًا ياداعي الله .. عيياال الصلااه
فزاع : يلا قومو للمسجد لا نتأخر عالصفوف الأولى!
نواف : ملااااذ بنت
ملاذ وهي تركض : هلا شفيييك
نواف : غترتي وينها! حاطها هنا العصر وين اختفت
ملاذ : اصبر بسأل سلمى ولا وحده من البنات يمكن شالوها
عبدالعزيز : وعطيييني ثوبي على طريقك
ملاذ : يلا دقايق
سعود : وين راحو العيال
عبدالعزيز : ينتظرونا برا
ملاذ : عبدالعزيزمالقيت ثوبك!
عبدالعزيز : من الكلب الي خذااااه توه جديده!!
سعود : انا شعندك؟
عبدالعزيز : هذا هو الي عليك؟
سعود وهو يركض للعيال : ااايي
عبدالعزيز : اوريييييك
صلوا وخلصوا وراحو للبيت
فزاع ونواف سبقوهم
عبدالعزيز : ياعيال خلونا نمر السوق
خالد : شتبي فيه هااه؟
نيّاف : يبي المزز
عبدالعزيز: تظلموني كذا!
سعود وهو يضحك : لا يشيييخ؟
عبدالعزيز : وش الي لا يشيخ! بروح عندي شغله واخلصها معكم
خالد وهو يضحك : معليك منهم امش
—————
عند بيت الجد ناصر
تحديدًا المطبخ
الجده : الببخوووور البخووور يابنات
الهنوف : جده جعلني قبلك اقعدي حنا بنهتم بكلشي
نوره : اي ياجده كلنا نساعد بعض لاتتعبين نفسك
الجده وهي تقعد : الله يسعدكم ويوفقكم يابنياتي
وجد وهي حاطه يدها على خصرها : افا ياجدّيده وحنا؟
غرام : الغلا مهو لنا! ل نوره والهنوف
الجده : والله انكم غاليين عندي
ابتهال : الغلا للحفيده الكبيره دايمًا ياجده ولا؟
رفعه وهي جايه تضحك : خلو عنكم صغير ولا كبير كلكم نفس الحب يابنات
الجده : تعاونو ضدي يارفعه
اسيل وهي تركض لجدتها وتبوسها : افاا من الي عليك ياجده اوريهم انا!
الهنوف وهي رايحه وتاشر على غرام وابتهال : اخبر انهم هالثنتين ذولا هههههههه
حصه : خلو عنكم يابنات تعالو ساعدوني بالفرشات نحطها بالحوش
ابتهال : يمه خليها عنك بنشيلها حنا
ساره وهي تضحك : هذول بناتنا ياحصه الجيّدات يبيلنا بس نزوجهم
نوره : بنات! وش سمعت انا؟
حصه : اي والله ياساره قريب انشاءالله ههههههه
الهنوف : سوي نفسك ماتسمعين ههههههه
نوره وهي تاخذها على جنب : تعالي اقولك
الهنوف : شفيك؟
نوره : نبي نروح السوق امشي
الهنوف : مع من تستهبلين؟
نوره : مع خالو ترووكي تعالي المجلس
الهنوف : كانه اهلنا بيوافقون يعني لحالنا
نوره وهي تفتح الباب بقوه : طبعًا ، ترووووكي
الجد ناصر : شالعلم
تركي قعد يضحك
نوره : ابي خالي ياجدي
تركي : يبوني بمصيبه هالثنتين الله يستر
الهنوف : افا مايبينا ياالنوري
نوره : باختصار نبيك تودينا للسوق ناقصتنا اغراض
تركي : وش لي؟
الهنوف : لحول بخليك تكلم خطيبتك بجوالي نص ساعه
((( ملاحظه الديره عندهم عاده ممنوع يتكلمون المخطوبين قبل الزواج )))
تركي : ساعتين؟
الهنوف : نص ساعه
تركي : ساعه ونص؟
الهنوف : ساعه وانتهينا
تركي : استأذنتو من ابوي؟
نوره : اقنع اهالينا وبنزيدك نص ساعه
تركي : اركبو السياره
الهنوف ونوره يصارخون
راحو وتجهزو ومشو بس وش ينتظرهم؟
——————
ب سوق الديره ..
نيّاف : عيال انا وخالد بنروح من هالجهه بنتقابل بعدين
عبدالعزيز وسعود : يلا
خالد : بنمر محل خوينا فارس شفه قدامنا؟
نيّاف : اي امش
فارس : ارررحبوا
نيّاف وخالد : تبقى
فارس : تو مانور المكان
نيّاف : بنورك يالبى
فارس : شالعلوم؟
خالد : بخير والله واخبارك انت؟
فارس : طيّب الحمدالله ، عسى بتنورونا بعد بكرا انشاءالله للسهره؟
نيّاف : والله يافارس انشاءالله نجي تعرف انشغلنا هالايام
فارس : اييه صح ، اهم شي شوفتكم بس
خالد : تبشر والله
نيّاف : ها يالله توصي شي؟
فارس : ابد سلامتكم
نيّاف وهو طالع : ها شرايك نروح ولا؟
خالد : الي ودك اهم شي اذا متضايق من صقر بنقعد
نيّاف : لا سالفه ونسيناها معليك اذا ودك تروح لا اردك انا
خالد : ان كاني رحت بنروح سوا و ان كاني قعدت بنقعد سوا
نيّاف وهو يبتسم : لبى روحك
تلاشت ابتسامه نياف وبعدها خالد وهم يشوفون الي قدامهم
كأنه نيّاف يعرف هالطيّف والعيون
وكأن خالد تذكر روح قلبه!
التفتو لبعض فجاءه
نيّاف وهو متجه لها : آه ياخالد
خالد وهو يوقفه : ودنا يانيّاف ودنا بس شف تركي معهم
رجعو لمحل فارس للعود والعزف
نيّاف : فارس عطني عود
فارس وهو يبتسم : ابشر
نيّاف اخذه وقعد على العتبه ومعه خالد
تحمس فارس وقعد معاهم بيسمعون فن نيّاف العظيم بالعود والغناء
نيّاف وترديد خالد :
ما بقى غير طيفه داخل القلب طايف
طيف زين الوصايف والخدود النظيفة
الخدود النظيفة والثمان الرهايف
يوم جيته وجاني بالعباة الرهيفة
العباة الرهيفة فوق ذيك الردايف
واعنا قلبي اللي ما اهتنى في مصيفه
العباة الرهيفة فوق ذيك الردايف
واعنا قلبي اللي ما اهتنى في مصيفه
وللحظه التفو البنات سوا على الي يغني
الهنوف بصدمه : نـيـا .. نيـاف ؟
نوره : الهنوف ..
الهنوف بدت تدمع ..
الهنوف طلعت من المحل وهي تناظر نيّاف
نيّاف يردد بحزن : حال من دون شوفه مابقى غير طيييفه
نوره وهي تركض ورا الهنوف : الهنووف وقفي تركي بيلاحظ
الهنوف : شجاابه يانوره؟
نوره : امسحي دموعك واركبي ولاتهتمين
تركي : ياهلا خلصتو؟
نوره : اي يلا مشينا
تركي : وين اغراضكم
نوره : خلاص خلصنا
مشو للبيت والهنوف تنتظر البيت على احر من الجمر عشان تبكي بغرفتها ..
نوره وهي داخله : السلام عليكم
ركضت الهنوف للداخل قبل يشوفون دموعها
حصه وساره ورفعه والجده: وعليكم السلام
ركضت وجد للغرفه ووراها غرام وابتهال واسيل
دخل تركي : السلام ، وين راحت الهنوف؟
الجده شكت ان فيها شي : داخل شفيها؟
تركي : ولاشي بروحلها
دخل تركي الغرفه وانفجعو البنات من فتحه الباب القويه! ..
—————
آهلًا ذا اول بارت لي وانشاءالله تستمعوا بالرواية واذا فيه ملاحظات اكتبوها وشكرًا لكم ❤️
أنت تقرأ
له فالحشا مجلس بدو مشرعٍ بابه
Romanceأتمنى تُنال أعجابكم كاتبة لكن اول رواية انشرهـا لـي .. الكاتبة : ميـّم ❤️
