‏له فالحشا مجلس بدو مشرعٍ بابه

part 17:

" لاتنسـون النجمـة وقـرائة ممتعـة لكم ⭐️ "
و مسـك فكهـا وقـرب منهـا و باسهـا وانغمـس فيـها و سـلمى اللـي ماتوقعـت ولا قـدرت تستوعـب حتـى ..
بعـدت عنـه وهـي معقـده حواجبهـا وكـان واضـح عليهـا الاشمـئزاز .. اول شـيء فكـرت فيـه ان لـو كـان بايـس جُمـان قبلهـا فركـت شفايفهـا بأيـدها بكـل عـنف
وهـو كـان ينـاظر لهـا مستغـرب من فعلتهـا مـو علـى أسـاس تحبـه ؟ لـيش سـوت كـذا اجـل
قـامت و توجهـت لـ دورة الميـاة " الله يكرمكم "
و سكـرت البـاب وقفـلته و اتكـئت علـى المغسـلة تنـاظر نفسهـا بالمـراية ونـزلت انظـارهـا لـ شفايفهـا بقـرف و رجعـت فركـت شفايفهـا بـأقوى ماعنـدهـا
و الـدمعـة بعيونهـا و اخـذت منـديل وكمـلت .. و وقفـت بكـل تعـب شـافت شفايفهـا الحُمـر تنهـدت بـ تعـب و مسكـت غصـتها مـا تبـي تضـعف قـدامـه
حسـت انهـا هـدت اخـذت نفـس عميـق تكبـت غصتهـا و فتحـت البـاب و طـلعت .. شـافته منسـدح و نايـم علـى بطنـه وجهـت نظرهـا للـبلكونة اللـي كـان بابـها نصـه فاتـح اتجهـت بخطـواتهـا لـها وهـي ماعليهـا الا فستـان الـنوم جـت تبـي تسكـر البـاب لـفح الهـواء البـارد بوجههـا وقـفت ساكنـه لـثوانـي و ابتسمـت .. رفعـت يـدها تفـك شعرهـا و تنـاثـر شعـرهـا و شكلهـا بـ فستـان الـنوم وشعـرهـا اللـي يحـركه الهـواء كـان منظـر مُغـري .. هـي بـس جاتهـا رغبـة بهالشـيء بـس من لفـحه هـواء بـارده ! كـل هـذا تحـت أنظـار المتظاهـر بالنـوم فـزاع .. ضحكـت بهـدوء خـايفه لا يقـوم فـزاع و سكـرت بـاب الـبلكونـة و جـات بـتلف لـ جـهة الـسريـر بكـل هـدوء ارتـاحـت انـه مـاقـام .. انسـدحـت تحـاول تنـام ..
——————
آل نـاصـر | 2:30 العـصر
كـانوا حاطيـن الغـداء ..
رفعـه : الـهنوف ..
التـفتت الـهنوف لأمهـا : لبيـه
رفعـه : اليـوم العشـاء بيجـونا عـرب عـشانـك
أستغـربت الـهنوف : عشـاني ؟
الجـدة منيـرة بنظـرة : يخـطبونك .. شـفيك مستغـربه ؟
عقـدت حاجبينهـا وسكـتت لوهلـه ..
الـهنوف : ماني مستغربـه
رفعـه : جهـزي فستانـك و تكشخـي ..
هـزت راسهـا بـ تمـام و قـامت لغرفتهـا
حصـه : اقعـدي ماكليتـي !
الـهنوف : بـس مـاني مشتهيـه والله
دخلـت لغرفتهـا و سكـرت البـاب
وانسـدحت عـالسريـر .. الدنيـا ضـايقه فيهـا ..

—————
آل سعـد | 4:00
كـانوا آل سعـد كلـهم جالسيـن جلسـة بـالـمجلس ..
نيّاف اللـي كـان مرتكـي عالـمركى : فـزاع وصـل ؟
ام فـزاع : ايـه وصـلوا امـس الليـل
سعـود اللـي كان يصـب قهـوه لـ جـده : ارسـلو لكم شـيء
الـريم : لا للحيـن ماقامـوا ظنـي .. بس يـحمممس ابـي اشـوفهم بـ لنـدن
مـلاذ بعبـوس : ايييه ابـي اروح لـندن بعـد
ابـو فـزاع : لا تـزوجتـي رحتـي
مـلاذ بعقـده حاجـب : سلامـات مانـي متـزوجة انا
خـالد : كلكـم تقـولون كـذا ليـه
مـلاذ : بصيـر سـيدة اعمـال ياحبيبـي
ضحك الجـد سعـد : انتـي سيـدة اعمـال بقلبـي .. خلاص رضـيتي ؟
مـلاذ اللـي حضنت جدهـا : يابعددد روحـي انت .. بـس لا مانـي متـزوجه
ابـو فـزاع بضحـك : بتـروح حياتي ونـا ازوجـكم كلكـم
الـريم : بسم الله عليـك لاتقـول كذا
سعـود : يبـه بتـزوجني بعـد فـزاع صـح ؟
نـواف : ولـد اهجـد
ابـو فـزاع : لا انـت بـالذات اخـر واحـد .. اول شـيء نـواف ..
نـواف : لا يبـه تعـرف انـي مانـي مستعجـل
ابـو فـزاع : خـلاص اجـل اول شـيء عـبدالعزيـز وبعـده نيّاف وبعـده خالـد و انـت
عـبدالعزيـز اللـي شـرب قهوتـه كلهـا مـن الونـاسه وحـرقت لسـانه وبصرخـه : يالله .. اخ لسـاني عطونـي مـاء
قـامت الـريم ركـض تجيـب له مـويـه
ضحـك سعـود : يـوم سمـع طـاري الـزواج شكلـه
ضحـك ابـو فـزاع ..
و الـجد سعـد اللـي كـان يفكـر بـ مـوضوع نيّاف
نيّاف : هـا ياجـدي ؟
الـجد سعـد التفـت بنظـراته وعقـد حاجـبه لـه بـ معنـى وش ؟
نيّاف ابتسـم : بـ مـوضوعـي .. ان كانهـا تـم خلـهم يسمعـونهـا الحيـن
الـجد سعـد : مـابعـد فكـرت .. بعطيـك اجابتهـا بعـد صـلاة المغـرب
ابتسـم نيّاف و سكـت
ام فـزاع : وش مـوضوعه
نيّاف : مـوضوع خيـر انشاءالله
عـبدالعـزيـز قـام : تـامرونـي بـشـي ؟
ابـو فـزاع : علـى ويـن ؟
عـبدالعـزيز : بـروح لـ فـارس مـواعدنـي
الجـد سعـد : بحفـظ الله
نيّاف : دقيقـه بـروح معـك
الـجد سعـد بصـوت عـالي : نيّاف ..
التفـتو كلهـم للـجد سعـد ..
نيّاف : لبيـه ؟
الـجد سعـد : اقعـد بتصـلي مـعي المغـرب
نيّاف : مانـي مطـول بجيـك لمـا اخلـص من فـارس
الـجد سعـد : وش قـلت انـا ؟ قـلت اقعـد صـح ؟
نيّاف اللـي تفـشل وقعـد : ابـشر
و طـلع عـبدالعـزيز لـ بيـت فـارس وهـو بأسعـد حالاتـه  ..
قـامت مـلاذ للـغرفة ووراهـا الـريم اللـي كانـت تبـي تـاخذ شـاور
دخـلت الـريم لـ " دورة الميـاة الله يكرمكـم "
و انسـدحت مـلاذ علـى سـريرهـا بـ كـل مـلل ..
فـزت تـاخـذ لابتوبهـم المشتـرك اللـي كـان تحـت السـريـر و اللـي كـان مخصـوص فقـط للـدراسـة ..
مـرت لحظـه تفكـر فيهـا و بـلا تـردد كتبـت عـالبحـث " تـويتـر " دخـلته .. سجـلت دخـول لـحسابهـا الـمُعتـاد و قعـدت تكتـب الـقصايـد اللـي حافظتهـا دايـم مـن كتـاب الشعـر حـق نـواف ..
" أنتظرتـك عمـري كلـة و انـت حلـم
  أنتظـرتـك بيـن أرصـفـة الـرحـيـل
و فـي مـحطات الـقـدوم صك شبـاك التـذاكـر
   و امـحـى حبـر الخـتـوم و مـا لـقـيـتـك "
« مـن قصـائد بـدر عـبدالمحسـن رحمـة الله عليـه »

غـردتهـا و قعـدت تبحـث عـن قصـايد و تحـط لايـك كـل مـا أعجـبهـا شـيء ..
ليـن وصـلت لهـا رسـالة .. " الـسلام "
أستغـربـت و دخـلت الحسـاب وكـان مـا عليـه أسـم
ردت الـسـلام و تجـاهلتـه ..
جـات رسـالة ثانيـة " مـلاذ ؟ "
خـافت و كتـبت " انـت ميـن ! شـلون تعرفنـي ؟ "
و رجعـت تكتـب " تـرا والله اعلـم اخـواني لاتحسـب بتلعـب علـي "
رد عليهـا و كتـب " بـسم الله عليـك .. اسمـك مكتـوب انتـي كاتبتـه " تفـشلت و ضـربت راسهـا بغبائهـا ..
كـتبت " طيـب وبعديـن ؟ شتبـي "
رد عليهـا " انـا بنـت .. حطيـتي لـي لايـك و جيـت اتعـرف عليـك "
شـافت مـلاذ الـرسالـة و فكـرت وش بتخسـر لـو صـارت صديقتهـا ؟ و فعـلاً كتبـت لهـا
" شسـمك ؟ "
و ردت " شـذى .. "
بـدت مـلاذ تسـولف معهـا و مـع السـوالف عـرفت ان عمرهـا 20 و بنفـس ديرتهـا و تـوهم ناقليـن ..

و عنـدهم تحـت بالصـالة ..
الـجد سعـد : أذن ياعيـال امشـوا صـلوا
قـامـوا فعـلا للـمسجـد و نيّاف يـده علـى قلبـه خـايف جـده يعطيـه الاجابـه رفـض ..
سـلموا مـن الصـلاة و كـان قـاعد جنـب جـده .. التـفت لـه : جـدي .. وش الاجابـه ؟
الـجد سعـد : مـانك ماخـذهـا يانيّاف
عقـد حاجبينـه نيّاف : كيـف مانـي ماخـذها ؟ جـدي انـا جايـك عشان اخـذ رضـاك بالـذات
الـجد سعـد : ونـا مانـي راضـي !
نيّاف : ليـه ؟
الـجد سعـد : مانـك مـاخذ مطلقـه
قـام نيّاف بعصـبيته و تـوجه للبيـت بخـطواته ..
فـتح بـاب البيـت بقـوه و دخـل لغـرفته ياخـذ مفتـاح سيـارته و حـرك لـ بيـت تركـي ..
وقـف و نـزل طـق البـاب .. فتـح لـه تـركي
تـركي بابتسـامه : هـلا والله ابـو راشـد ادخـل
نيّاف دخـل : هـلابك ..
تـركي : كيـف الحـال ؟
نيّاف تنهد : والله مـاش
تـركي : افـا ليـه ؟
قعـدوا بـالمجلـس
ووقتهـا كـانـت الـهنوف متجـهزه و رايحـه لخـالها تركـي تـبي تسـولف معـه .. لـين استوقفهـا صـوت وكـلام شخـص تعـرفه زيـن !
نيّاف : جـدي .. رفـض يخـطب لـي رهـف
تركـي بأبتسامه : تبيـها ؟
نيّاف : اي والله ابيهـا ..
تركـي : وهالحيـن وش الـحل ؟
نيّاف : مافـي حـل عنـدي .. طلعـت مـن البيـت معصـب ولا لـي نيـه ارجـع للبيـت
تركـي : طّـع شـوري و ارقـد هنـا ليـن تفكـر بكـره ..
تنهـد نيّاف و سكـت
تركـي : تـم ؟
نيّاف بأبتسـامه : تـم
كـل هـالكلام كـان علـى مسـامع الـهنوف ..

_____________

انتهـى البـارت .. عطـوني رايـكم ؟
توقعاااتـكم ؟ 🩶