‏له فالحشا مجلس بدو مشرعٍ بابه

Part 4:

الهنوف بصرخه واقوى ماعندها : تناظروووون ليه ساعددوووني
فهد اللي ميت من الضحك : انتظري انتظري
ركبو عالسياره فهد وتركي وحاولو يقاطعون طريق الناقه
ركض الراعي ووقف الناقه
الهنوف وهي تحاول تلقط انفاسها : ا.. اوريكم
تركي بضحك : تستاهلين ولا كان قعدتي ب خيمه الحريم ولا جيتيها
الهنوف : مالت علي
توجهت الهنوف للبنات بالخيمة ..
غرام : يييووه طلعت حيييه
النوري : الحمدلله ههههههه
الهنوف اللي مو فاهمه : وش تقولون انتو
ابتهال : قاعدين نخمن واللي يكون صح كل واحد مننا يعطيه خمسين ريـال
الهنوف : اييوه؟ ومن فاز انشاءالله
اسيل : طبعاً انا
الهنوف : ومن توقع موتي ؟
غرام : انا
الهنوف : ووجع انشاءالله اختك انا اختك!
غرام : الفلوس اهم
الهنوف كشت عليها : كلبه صدق
ابتهال : خلاص اهجدو
حصه اللي جات من برا : يابنات ساعدونا وحده تقطع البصل وثلاث يقطعون الذبيحه والباقي يكنسون الخيمه
غرام : الله ذبيحه انا بقطعها
الهنوف : اي خليك عندها مابي اقطعها انا
النوري : يايي يالدلع
وجد : وين راس الخروف يابنات؟ هههههه
الهنوف : ياويلك ياويلك وجد
ساره : لا يابنت وجد لاتخوفينها
الهنوف : اي خاله شوفيها
الجده منيره : اقول ورا ماتساعدونهم اخلصن
تفرقو البنات للشغل
——
بالليل الساعة ١ خيمة البنات
قعدو يسوون فرشهم ويحطونها
غرام وهي ترتب الفراش : بنات دامهم نامو شرايكم نلعب لعبه ؟
النوري : وش هي ؟
غرام قعدت : جراءه وصراحه
الهنوف : يوه ياقديمه
غرام تكتفت يدينها : القديمه انتي والله
ابتهال : اقول جيبو اي علبه مويه
وجد : ماني لاعبه معاكم بخمد انا
اسيل : احسن
وجد : اسيل لاتخليني اقوم عليك الحين
ساره : يابنات اسكتو خلو جدتكم تنام
رفعه : ازعجونا الله يهداهم
سكتو
واشرت غرام لهم تقول يلا طلعنا برا
تبعوها البنات وقعدو جنب الخيمه
النوري : شرايكم ننادي خالي تركي يلعب معنا؟
الهنوف : صح يلا ناديه الحين ماجاه النوم
فزت النوري وراحت لخيمه الرياجيل من ورا الشراع ، وبهمس : تركي .. تركي
رد سلطان وهو فالخيمه : تركي ماهو هنا
مسكت النوري فمها ..
سلطان : تبين شيء ؟
النوري : لا بس .. كنت ابيه
سلطان وهو قام ويكلمها من ورا شراع الخيمه : انتي النوري بنت خالتي حصه؟
النوري بتوتر : ليه
سلطان : ليه عشان ايش بالضبط عشان مااعرف من انتي؟ ولا عشان ليه اسال
النوري وهي تمسك بطرحتها عشان لو طلع : ليه تسأل
سلطان : انتي اللي شفتها امس ؟
النوري : اقول ياولد ساره ورا ماتدخل وترقد بدال الاسأله
سلطان : من يومك ملسونه يالنوري ماتخلين حركاتك
النوري راحت وتركته ..
النوري : بنات مالقيت تركي
ابتهال : خلاص اقعدي
بدو يلعبون وحركو العلبه
توجهت العلبه ل اسيل والهنوف
اسيل تسأل الهنوف والهنوف تجاوب
اسيل : صراحه ولا جراءه
الهنوف : جراءه .. جوي الجراءه
غرام تغمز ل ابتهال وتضحك ابتهال اللي لقطت وفهمت معنى غمزاتها ..
اسيل : روحي عند خيمه العيال واقعدي اعّوي سوي نفسك ذيب
الهنوف بتردد : منجدك انتي .. سهله ذي بالنسبه لي تم
لحقوها البنات ويناظرونها من بعيد
الهنوف تبي تعوي بس ماقدرت من الضحك اللي باليالله تحاول تسكت
الهنوف : عوووو .. عوووو
قعدت تناظر البنات وهم يأشرون لها كملي
الهنوف : عوووو
البنات اللي انحاشوا وقعدو يضحكون
الهنوف بهمس : سلامات شفيهم ذوليَ
مسكها من لبسها فهد : عووو اجل؟
الهنوف اللي انصدمت وحست انها انغدرت من البنات : فهد امزح اخر مره والله .. هم قالولي اصلا
فهد : شجايبك هنا ورا ماترّقدين؟
الهنوف : هم تحدوني ونا سويت التحدي لأني قدها
فهد : قدها اجل .. روحي روحي ارقدي بس لاشوفكم هنا
الهنوف وهي تركض تدور البنات : والله مااخليكم كان علمتوني انحاش عالاقل
دخلت الخيمه لقتهم نايمين او .. يتظاهرون عشان ماتجلدهم
الهنوف وهي تجهز فراشها : دواكم عندي بكرّا
————
عند آل سعد في الصباح ..
كانو البنات يجهزون الفطور
دخلت سلمى الصحون ل المجلس الخارجي اللي كان جدها وعمها وابوها فيه وكانت ترتب الصحون وتسمع سوالفهم
هادي : يبه ماجاك ابو فارس
الجد سعد : لا وش قالك
هادي : قال يبي يتكلم معك بموضوع يخص الشغل
راشد : شغلنا ب عقارات المنطقه الشرقية ؟
هادي : اي نعم
الجد سعد : وش الموضوع؟
هادي : مدري ما قالي
طلعت سلمى اللي خلصت من ترتيب الصحون
وكانت تمشي بالممر لداخل البيت .. بس لفتها شخص كان ورا البيت واقف
ناظرت .. كان يكلم جت تبي تروح لفتتها كلمة!
..: احبها .. كل ماشفتها أحس قلبي مايثبت مكانه
رجعت تناظر سلمى الشخص اللي كانت تقدر تطالعه ..
سلمى بخفوت وهي مبتسمه : فزاع يقصدني؟
فزاع حس بصوت : يلا اكلمك بعدين
التفت للصوت ومشى باتجاهه
لف ولا شاف احد ..
راح للمجلس الخارجي عند جده
سلمى وهي تمسك قلبها من الركض : اخ ياقلبي الحمدلله ماشافني ..
رهف : سلمى .. شفيك
سلمى : مافيني شيء ، حطيتو الفطور؟
رهف : اي جايه اناديك تعالي
سلمى توجهت لهم وقعدت ..
————
المجلس الخارجي ..
عبدالعزيز : السلام عليكم
كلهم : وعليكم السلام
الجد سعد : يامرحبا ياعبدالعزيز .. ماعاد شفناك
عبدالعزيز بابتسامة : عندي اشغال طال عمرك
راشد : والاشغال خذتك مننا ياولدي
عبدالعزيز : تخسى الأشغال وهذاني عندكم
نواف دخل : السلام ..
الكل : وعليكم السلام
الجد سعد : قامو يجون دفعه دفعه
سعود : جدي شوفني ماني مثلهم انا معك دايم
الجد سعد : ومناشبني الله يهداك بكل وقتٍ وحين
سعود : الله يسامحك زعلت
الجد سعد : ياراشد هو غاديٍ لمن؟ " بمعنى هو يشبه من "
راشد : والله مدري يايبه ههههههه
هادي : الا سعود هذا محزمي
سعود بفزه : ابشر بسعدك
الكل قاعدين يضحكون ..