" لاتنسـون النجمـة وقـرائة ممتعـة لكم ⭐️ "
طاحـت عـلى ركبـها وهـي تبكـي بصـوت خافـت !
فـتح نيّاف البـاب كامـل وناظـر باللـي قاعـده تبكـي .. عقـد حواجبيـنه مـن الكـلام اللـي سمعـه ومـن اللـي قـدامـه !
كـانت رهـف ! وتتكلـم بالجـوال وصّـاده عـن الـباب
رهـف : انـا قلـت لـك اهـلي لاتجيـهم .. مشكلتـك معـي انـا مـو معاهـم
وسكـرت المكالمـة وهـي ماهـي قـادره تتنفـس
نيّاف منـزل عيـونه : فيـك شـيء ؟
الـتفتت رهـف علـى اللـي كـان يناظـر بالارض : شـلون؟ شـلون دخلـت ووش تبـي
نيّاف : اسمعـي يابنـت النـاس انتـي طايحـه بمشـكلة ؟
رهـف جـت بتطلـع .. سكـر نيّاف البـاب لأجـل ماتطلـع
كـانت خـلاص بـلا حيـلة لـدرجة نسـت انهـا مـو متغطيـه
رهـف اللـي نزلـت دموعهـا اكثـر : شفيـك انـت! ابـي اطلـع
نيّاف حـاول ماينـاظر لـها بـس ماقـدر مـن محاولاتـها انهـا تطلـع كـان حاط ضهـره علـى البـاب وهـي تبـي تـبعده ..
نيّاف : اسمعـي ! مانـك طالعـه ليـن تقـولين وش اللـي سمعتـه ؟
ناظـرت لـه بعيـونها الدامعـه وتحـاول تكتـم بكـاها وشهقاتهـا : مالـك د.. دخـل بعـد عـن طريقـي
مسـك اياديهـا اللـي كانـت تبعـده ونـاظر بهـا : انتـي ماتفهميـن ؟ الـكلام اللـي سمعتـه وش ! مـن اللـي كـان يكلمـك
رهـف فكـت بكـاها مـن سمعـت اخـر جمـلة ..
طاحـت علـى ركبـها عـالارض وهـي تخبـي دموعهـا بأيـدينهـا
انصـدم نيّاف ولا كـان عـارف يـهديها ..
نيّاف نـزل بركبـته لـ مستواهـا : اسمعـي يابنـت الحـلال قـولي لـي اللـي صـار والله مايجيـك شـيء وانتـي بوجهـي ! فـي احـد مهـددك
رهـف بشهقـاتها : مـ .. مهـند
نيّاف بتعقيـد حاجـب : مهنـد ؟
رهـف ناظـرت لـه بعيونهـا الذبلانـه من البكـي : ايـه .. طليقـي
نيّاف : شمسـوي ؟
رهـف : بـس امـانه لاتعلـم احـد ولا حتـى اهلـي انا بوجهـك ..
نيّاف : مايصيـر بخاطـرك الا طيّب يـا ام غسّان
رهـف : كـان يـهددني لـو مارجعـت لـه بيـذبـح فـارس اخـوي .. وكـان متعاطـي مـن تـزوجته للحيـن انـا خايـفه علـى اخـوي مـنه هالمتعاطـي انـا خـايفه يصيـر لأهـلي شـيء ولا لعيـالي ..
نيّاف : وش يبـي منـك ؟
رهـف : يبينـي اقابـله عـلى اسـاس نتفاهـم .. ويبينـي ارجـع لـه كـزوجـه .. تكفـى يانيّاف ابـي منـك أمـان
نيّاف اللـي اشتـدت اعصابـه وخـذا جوالهـا وكتـب رقمـه و رنّ علـى رقمـه
نيّاف ناظـر لهـا : ذا رقمـي اذا رجعتـي دقـي علـي وانتبهـي لحـد يسمعـك ! الحـين انتـي لاتتضايقيـن ولا تبكيـن .. انتـي فـي أمـان الله وفـي وجهـي وفـي شنبـي .. مايكـون ذا الشنـب علـى رجـال ان ماخليـته يعـضّ الارض عـضّ !
مسـك الشـّال حقـها وغطـاها فيـه وفتـح قفّـل البـاب وطـلع قبلـها ..
و رهـف اللـي توهـا استوعبـت انـها بـلا شـّالها كـل هالمـدة ومسحـت دموعهـا ورتبـت نفسهـا عشـان تـروح للـحريـم الاكيـد انهـم فقـدوها ..
نيّاف اللـي طلـع وراح بـالحـوش وتحديـداً ورا البيـت واخـذ زقـارته اللـي كـان مـوقف يدخـن لأجـل صحتـه واهلـه بـس ماتحمـل وكـان يبـي يُثـار عـن عصبيتـه بـ زقـارتـه وعيـونه اللـي كـانت حمـراء مـن شـدة العصبيـة .. كيـف قـدر يسـوي بـ بنـت كـذا ؟ وهـي طليقتـه و أم عيـاله
طـلع الدخـان مـن انفاسـه : الله يـلعنه
لـف مـن سمـع صـوت غسّان يـدور عليـه ويناديـه : نيّااف
شـال الزقـارة مـن فمـه وطيحـها تحـت و داس عليـها
لقـاه غسّان : نيّااافي
نيّاف بابتسـامة : وش وش قـلت ؟
غسّان بابتسـامة بانـت غمازتيـه : نيّاافي
وتـذكر نيّاف غمـازه رهـف وهـي تبكـي وتشـرح لـه ..
نيّاف : يـفداك نيّاف وروح نيّاف ودنيـا نيّاف
خـذاه للـداخـل ..
—————
عـند الشبـاب بـالدكـة | بالمـغرب ..
فـزاع اللـي كـان يضحـك عـلى لعـب الشبـاب بـ البلـوت
معـاذ : انـت بـدال لاتضحـك تعـال العـب !
فـزاع : ياشيـخ اجـي واجلـدكـم
سعـود بضحكـه : ياويييلكـم مـنه ههههههه
فـارس بضحكـة : العـب العـب لاتورطنـا يامعـاذ
جـلس جـنبهـم وقعـد يلعـب ..
مـعاذ : بكـره عرسـك يـاولد مـانك متوتـر ؟
فـزاع زفـر انفـاسه مـن ذكـره ..
عـبدالعزيز اللـي كـان جالـس علـى جـواله : وليـه يتوتـر ؟
مـعاذ : شـوفه مستانـس ولا همـه عـرس ولا غيـره الـواحد يتوتـر لـو شـوي
تجـاهل كلامـه فـزاع ..
سعـود : اكرمنـا بـ سكـوتك معـاذ الحيـن يتوتـر منـك
خـالد اللـي شغـل اغنيـة بالـمسجـل وكـان طـول الـوقت يضبـط بالمسجـل واشتغلـت الاغنيـة!
وعلـى اغنيـة عبـدالله السـالم " فـزيت يوم أطريـت "
استكنـوا الشبـاب عالاغنـية .. وللحظـات طـل مـن الدريشـة جارهـم الـجد هـذال المُسـن وطـلع عصـاته وقـال : يـاولد انـت ويـاه طفـو الاغانـي لا اجيـكم بالعصـا!
خـالد : ابشـر .. المسجـل شغـل لحالـه مالنـا دخـل
نـواف بضحـك : بـالله اشتغـل لحالـه ؟ ههههههه
خـالد بهمـس : اص انـت لا يسمعنـا والله ان يجلـدنا اللـيل كلـه
فـارس : وش مسـوي لـك ذا الشايـب
خـالد : يـاولد شكـله حـاقد علـي كـل مايشـوفني يمسكنـي مـره ينصـح مـره يهاوشنـي
عبـدالعزيـز : الله يعيـنك ههههههههههههه
قـام فـزاع واخـذ مفتاحـه : يـلا انـا بـروح للبيـت بـرقـد
معـاذ : بـدري!
فـزاع : وراي اشغـال الصبـح وتجهيـزات العـرس
معـاذ : فمـان الله
التفـت فـزاع لاخـوانه : وانتـو استعجلـوا وارجعـوا للبيـت ورانـا قومـه الصبـح
هـزو روسهـم بـ تمـام ..
ركـب سيـارته وحـرك للبيـت
———————
آل نـاصـر | وقـت العشـاء
صـلت الجـدة منيـرة وانتهـت مـن صلاتهـا دخـل الجـد ناصـر الصـالة : السـلام
الجـدة منيـرة : وعليـكم السـلام والرحمـة
الـجد نـاصر : كيـف الحـال
الـجدة منيـرة : الحمدلله
الـجد ناصـر : بكـرة عـرس ولـد سعـد وحنـا معزوميـن خليـهم يتجهـزون بـكرة عالمغـرب انشـاءالله
الـجدة منيـرة : ابشـر انشاءالله
طـلع الجـد ناصـر .. ونـاد الجـدة منيـرة علـى البنـات
غـرام : لبيـه ياجـده ؟
الـجدة منيـرة : بكـره عـرس ولـد سعـد خليـهم يخلصـون امورهـم من اليـوم وتجهـزو بـدري
الـنوري : بكـره!
الـجدة منيـرة : ايـه
فتحـت غـرام غـرفة البنـات وقـالتلهـم
اسيـل : ولـد سعـد ؟ غريبـة ماكانـوا متـهاوشين
ابتهـال : الحمدلله ان الامـور هـدت بينهـم الله يصلـح اللـي بينهـم
الـهنوف تنهـدت : طيـب والحـل وش نلبـس ؟
الـنوري : تعالـو نشـوف الفساتيـن ونختـار
وبجـهه اخـرى بالمجلـس ..
تركـي اللـي كـان طـارد العيـال مـن المجلـس عشـان يكـلم مُـنى ..
انسـدح ودق علـى رقمهـا : هـلا بعييونـي
مُنـى بخجـل : كيـفك
تركـي : بخيـر يابعـدي ، شـلونك ووشـلون الاهـل
مُـنى : بخيـر ياقلبـي
تركـي : اخ قوليهـا مـره ثانيـه ؟
مُـنى : ياقلبـي !
تـركي : ياحظـي دامنـي قلبـك ..
مُنـى : تركـي الحـين انـت تدق علـي برقمـك مايصيـر دق علـي برقـم احـد من البنـات
تركـي : هالبنـات يستغلـوني عشـان ساعه مـن صـوتك الحلـو .. عـادي سمينـي عنـدك تـوتو
ضحكـت مُنـى ..
وشـاف فـي احـد مسـك اذانيـه لـف : يـاورع ..
شـاف الـجد ناصـر ..
تركـي : يبـه
الـجد ناصـر : وحطبـه هـات الجـوال هاتـه
مُـنى اللـي شهقـت بخفـه وضحكـت وحطـت يـدها علـى شفايفـها لاتضحـك
الـجد ناصـر : الـو؟
مـاردت مُـنى جـاها خـوف وضحـك بنفـس الوقـت ..
الـجد ناصـر : توتـو اجـل ؟
تركـي : شفيـك يبـه امـزح مـع خـويي
الـجد ناصـر : مُـنى يابـوك هـذا ورع مايصـلح تكلمـون بعـض قبـل الـزواج .. لا دق عليـك سكـري بوجهه الجـوال
ردت مُـنى بكـل هدوء : ابشـر
وسكـرت المكالمـة وقعـدت تضـحك علـى تركـي ..
الـجد ناصـر : ماشاءالله عليـك ياتـوتو ! طـارد عيـال خواتـك بـرا عشـان تاخـذ راحتـك بالكـلام!
تركـي : يبـه الله يهـداك وش هالكـلام مـن اللـي قالـك
ولـف عـلى البـاب وشـاف عيـال خواتـه كاتميـن ضحكاتهـم و أشر لهم بمعنـى ياويـلكم ..
الـجد ناصـر : والله ياتركـي لـو تـدق عليـها لا اكـسر يدينـك ! وافسـخ خطوبتكـم ..
تركـي : لا والله يبـه خـلاص توبـه
تنهـد الجـد ناصـر وطلـع مـن المجلـس ..
وركـض تركـي للـعيال بيجـلدهـم وكـل واحـد انحـاش بـ طريـق
راح يلحـق فـهد اللـي كـان متاكـد انـه هـو اللـي معلـم عليـه
فـهد وهـو ينحـاش : تركـي والله مـب انـا ههههههه
تركـي : بـالله ؟ ماعـرف حركاتـك يالبـزر
فـهد وقـف : اشش توتـو! سلطـان اللـي معلـم عليـك
تركـي برفعـه حاجـب : تـوتو ؟ يبيـلك دعـس انـت
وبجـهه اخـرى سـلطان اللـي انحـاش للـ غـرفة الضيـوف ودخـل بـ دولاب ..
ولحظـات ويسمـع صـوت خطـوات وعـلى بـاله تركـي .. كتـم انفـاسه وضحكـه
كـل شـوي تقـرب الخطـوات للـدولاب غمـض عيونـه
وانفتـح الـدولاب علـى سـلطان وسمـع صـوت صـراخ .. فتـح عيـونه وشـاف الـنوري ! اللـي طـارت المـلابـس مـن أيـدها ..
الـنوري : يمـه!!
سـلطان حـاول يتماسكهـا لاتطيـح وتتزحلـق : بسـم الله
ودزتـه وطـاح علـى ضهـره وتألـم
الـنوري بملامـح خـوف : شتـسوي يامـريض!!
سـلطان : آخ وخـري عنـي بـس
الـنوري قامـت بعصـبيه : شـيل الملابـس اللي طيحتـها وحطـها بالـدولاب
ودخـلت للـداخل
سـلطان بهمـس وهو للحيـن متإلـم : شفيـها ذي مجنونـه!
قـام ورتـب المـلابس نفـس ماقـالت وهـو ساكـت ومستغـرب
———————
رجعـت رهـف للبيـت ونـومت غسّان وريـان
ودقـت علـى رقـم نيّاف اللـي كـان مـو مسجـل ..
رنّ الـجوال وهـي متوتـرة ..
رد نيّاف : رهـف ؟
رهـف : ايـه
نيّاف : كلـمك الزلابـه عـن اخـر مره ؟
رهـف : يتصـل ولا ارد عليـه
نيّاف : ردي عليـه
رهـف عقـدت حاجبها : شـلون!
نيّاف : ردي عليـه وقولـي لـه بقابـلك وخليـه يحـدد المكـان وارسلـي لـي المكـان .. انتـي لا تروحيـن انـا اللـي بـروح
رهـف : تمـام
نيّاف : اسمعـي .. سجـلي تسجـيل صـوت للمكالمـة كـاملـه
رهـف تنهـدت : طيـب
وسكـرت المكالمـة ودقـت علـى مهنـد ..
رنيّن الجـوال يرّن بأذانيـها وهـي كلـها خـوف وتوتر
ماهـي الا لحظـات و رد عليهـا ..
مهنـد بضحكـه استهـزاء : هالحيـن رديتـي ؟
رهـف بصـوت خافـت : كـنت مشغـولـه
مهنـد : شـوفي صـورة اخـوك .. كـانت نفسيتـه مـاش اليـوم علـى غيـر العـاده ياتـرى وش السـبب ؟
رهـف رجـف صوتـها : شتبـي فيـه ؟ ليـه تلاحقـه!
مهنـد : ماابيـه هـو ! ابيـك انتـي
رهـف : بقـابلـك
مهنـد فـز مـن سدحتـه : بتقابلينـي صـدق ؟
رهـف : اي .. حـدد المكـان والوقـت وبجيـك
مهنـد اللـي ابتسـم بخبـث : طيـب بـرسل لـك ولاتتاخـرين بكـره!
رهـف : لا! اليـوم ابـي
مهنـد بضحكـه : شكـلك مشتـاقه لـي ؟ ههههههه
رهـف سكتت لوهـله
مهنـد : طيـب بـرسلك وبتوجـه للمكـان ولا تتاخـرين
رهـف : طيـب
وسكرت المكالمـه ودقـت على نيّاف ..
نيّاف : حـدد ؟
رهـف : اي حـدد
نيّاف : ارسلـيه لـي
رهـف : تمـام ..
نيّاف : وانتـي نامـي وارتاحـي ولا يشغـل بالـك شـيء!
رهـف : نيّاف ..
نيّاف : هـلا
رهـف : امانـه انتبـه لنفسـك
نيّاف : ابشـري يـا ام غسّان
وسكـر المكالمـة ..
وتوجـه لغرفتـه واخـذ مسـدسـه وعبـاه رصـاص وحطـه ورا ضهـره وطـلع بـرا البيـت وركـب سيارتـه وشـاف المكـان المحـدد وتوجـه لـه ..
وبينمـا وهـو بالسيـارة يسـوق .. جـاته رسـاله مـن فـزاع " ويـنك ؟ "
قفـل نيّاف جـواله وراح للموقـع ..
وفـزاع اللـي كـان مستمـر يـرسل لـ نيّاف ولا جـاه رد نغـزه قلبـه وتعـوذ من ابليـس .. نـزل يشـوف غرفـه نيّاف فتـح الغـرفة ولا شـاف احـد فيهـا !
تنهـد وراح لغرفـته ولبـس ثـوبه ونـزل لـ سيارتـه وولا شـاف سيـاره نيّاف هنـا زاد شكـه ..
مشـى ولا يـدري ويـن يـروح بـس يبـي يـدوره بأي مكـان
وأمـا عنـد نيّاف اللـي ابليـس احتـل افكـاره وحـلف انـه مايـرحمـه ..
وصـل للمـوقـع وقـف سيـارته بعيـد .. كـان المـوقع عنـد بيـوت توهـا تنبنـي وشـارع مظـلم .. شـاف ذاك الشخـص اللـي واقـف ومعطيـه ضـهره ويكلـم بالجـوال .. مشـى نيّاف بشـويش لاينسمـع لان المكـان كلـه هـدوء
طـلع مسـدسه مـن ورا ضهـره واخـذه يعشّـق السـلاح .. و خطـواتـه الهاديـه و أول ماقـرب لـ عنـد الشخـص مسكـه من ورا رقبتـه بـ يـده اليسـاز والسـلاح مصـوب عليـه بـ يـده اليميـن ..
نيّاف وبصـوت عالـي : يالنـذل!!
.. : آخ .. مـن انـت !
نيّاف : ماتـذكر اللي تهـددهـا طليقتـك ؟
.. ضحـك ضحـك هستيـري : نـزل سلاحـك ذا اللـي مافيـه ولا طلقـة
شـد نيّاف السـلاح عليـه و طّلـق بالسمـاء رصـاصه : والحيـن فيـه ولا مافيـه يـا مهنـد ؟
مهنـد : وعـارف اسمـي ههههههه
كـان واضـح علـى مهنـد انـه تـوه متعاطـي ..
نيّاف طـلع جـواله وسجـل تسجيـل صوتـي : اعتـرف باللـي سويتـه والابتـزاز والتهديـد
مهنـد : تحسبنـي غبـي ؟
نيّاف اللـي رمـى طلقـه ثانيـه فوق : مـاودك يعنـي ؟
وبلحظـه فـك مهنـد يـد نيّاف منـه وطلـع سلاحـه موجـه لـ نيّاف .. والحيـن كلهـم متقابليـن امام بعـض وكـلٍ منهـم مصـوب السـلاح علـى الثانـي ..
وقـفت سيـارة ودقـت بـوري لـف نيّاف راسـه
وانطلقـت رصـاصـة مـن سـلاح واحـد منهـم ..
——————
توقعـاااتكـم حبـايبي ! البـارت الجـاي بيـكون عـرس سـلمى شكثـر متحمسييين ؟ 🩶
أنت تقرأ
له فالحشا مجلس بدو مشرعٍ بابه
Romanceأتمنى تُنال أعجابكم كاتبة لكن اول رواية انشرهـا لـي .. الكاتبة : ميـّم ❤️
