' الفصل الثاني '
قبل أسبوع ..
بعد اذان المغـرب نزلت وهي لازالت بجلال الصلاة وتمسح على وجهها بعد ١٠ ساعات نوم متواصله
ناظرت الصالة ثم السيب الي نهايته الباب الرئيسي .. رغم ظلال السيب الا ان النور الخافت من الصاله كان كافي يضيئه بشكل خفيف
خط دم من بداية الباب يمتد حتى داخل المطبخ كتمت أنفاسها من منظر الدم الي واصل لداخل المطبخ
تبعته بهدوء ودخلت المطبخ والدم منتشر بالمطبخ وتوقف امام الفريزر الأرضي وطرف كيس اسود خارج من الفريزر
بس .. هنا تأكدت ان بداخل الثلاجه جثة لا محاله من القاتل الي فاضي يفرزن جثة وبفريزرهم الي لسى ما اكمل العامعندهم ولازال جديد! صرخت بخوف من الصوت الملاصق لاذنها
: بو ... ضحك بصوت علي : خفتي ترا ذي الذبيحة الي بتطبخينها بكره ياحلوة
استندت بظهرها على الباب ويدها على صدرها وتتحسب عليه : طاق ميانه انت كل ساعه طاب بيتنا
رفع اكتافه بدون اهتمام وهو يفتح الثلاجه : والله لو امي ما ارضعتك مدري وش كنت بأسوي حمدلله بيت خالي واختي يعني ادخل على مزااجي
طلعت للمطبخ وجلست بالصاله ولحقها وبيده خياره يلتهمها جلس مقابل لها على الكنبة الأخرى
رعد وعينه على التلفزيون ويغير القنوات دون رؤيتها حتى : وين بتقضين الاجازه لايكون عند خالي عبدالله
ليـال باستهزاء : عندك شك ! اكيد بروح ٫ وين العيال ماجاكم سعود ؟
رعد هز راسه : لا ماجانا اخوك هذا من ديره لديره اما دحوم لهالحين في الشمال شكله معرس مايبغاكم تحضرون بس ماعليك لا تزوجت مابيزفني غيرك علشان لا تقولين حتى اخوي بالرضاعه نساني
قاطعهم صوت سعود الي نزل مع الدرج : نساك الموت قل آمين.. خارب بيت ماهر وجاي تخرب بينا
رعد : الحين انت تدعي لي ولا علي بعدين الله واكبر يابيت ماهر زوجته من الاول ماهي طايقته انا مجرد فاعل خير علشان تفتك
ليال انصدمت من وجود سعود كيف ماعرفت عن دخوله ورجوعه بالاساس! ادركت انها فعلًا بعالم ثاني
ضمت سعود الي سلم عليها وجلس بجنبها ويده على اكتافها .. سعود : وش عندك وعند ماهر
رعد قفل التلفزيون وناظرهم : حاط شغالة جدتي باسمي وكل شوي جايتني تطالب براتبها لها شهرينالدلخ مطلعها ايام وفاة المرحوم جدي يحسب بيتقاسم الورث معهم وما اخذ شيء وابتلشت انا
وقف سعود وهو يضحك وسحب ثوبه المرمي على الكنب ولبسه وهو يسحب رعد معه
: امش بس للمجلس خل عنك السوالف
