🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف بالحفيض🌻
شكري: البنات لي مربين ماكيبقو برا حتى يظلام الحال هادشي عمرو كان فعائلة تيراش حمدان
وقف اسماعيل مراضيش بالكلام لي قال خوه قرب بخطوات مهيلة حتى تقاد مع حواء لي غير شافتو وحنات رأسها
اسماعيل: شنو كنت كديري برا حتال هاد الوقت احواء
حواء: كنت غير ..
فهاد اللحظة خرجت امرأة بقا شابة... في وجها نقات سوداء شبيهة بالنمش حاطة شال صغير على شعرها بالرغم الانكماش لي جنب عينها إلا أنها بقا محافظة على شبابها قاطعت كلام حواء بسرعة
صفية:انا صيفتها لعند اسمهان محيت كانت مريضة
تلفت اسماعيل فاتجاه صفية وانطق
اسماعيل: كان عليك تصيفتي معها عمران خوها ولا ولاد عمها حمدي إلى شافها شي واحد ماداخلا حتال هاد الوقت شنو ايقول علينا الناس ...عائلة تيراش بناتهم دايعين في نصصات ليل ..
احنات صفية رأسها تلفت عند بنتو وقال
اسماعيل: اخر مرة يتكرر هاد شي
حركت رأسها ودخلت لغرفة ديالها ...تبعتها صفية دخلت وقفلت الباب
صفية: شنو درتي المصيبة اممم قلتيها ليه غادي يجي يسترك هضري
حواء: فالاول رفض لكن من بعد وعدني بلي ايجي لعند بابا
جلست صفية شادة رأسها خائفة من الشوهة ومن فضيحت بنتها تكشف
صفية: غادي تخرجي علينا ... سمعتنا اطيح بسبب فعلتك إلى ماشو عمامك حتى عرفو عتبري راسك ميتة
حواء: (بخوف) ياك اماما مغاديش يعرفو لا هو غادي يجي ونتزوجو انا مستحيل نخلي شي واحد يعرف
صفية : سكتي مبغيتش نسمع حسك ماخليتي ليا وجه باش نتعنا ونقول بنتي تربتي لك ضربتها فالزيرو (وقفات صفية) نوضي الطابلة العشاء واجدة جلسي بلا ماتبيني حتى حاجة تصرفي على طبيعتك الله يدوزها على خير وصافي
خرجت صافيا كان الكل مجموع على طابلة العشاء عمامها وزوجات ديالهم وأولادهم وباها وماها ولد عمها حمدي لي مني كتجلس كيتقابل معها والكل عارف عشقو الهوسي لها ..بدأت صفيةو نورهان كيحطو لهم العشاء فالصحون والفطائر والخبز ..باشرو بالاكل فصمت حتى كسرت حواء هاد الصمت فاش حست بالاستفراغ ناضت كتجري مشات الحمام ...صفية بلعت ريقها حسات بالدوخة فراسها والعرق كينزل من جبينها أما نورهان وجاهدة زوجة شكري وزوجة نعمان بداو كيشوف فبعضيتهم بالعنين انطق اسماعيل
اسماعيل: واش حواء مريضة
صفية: ءءء اه اه قالت ليا قبل العشاء بلي كضرها معدتها
جاهدة كتمضغ بتمايع بطريقة مستفزة
جاهدة: علاه لي كضر المعدة كيشوف الماكلة وكيجيه الردان
صفية:(بعصبية) شنو بغتي تقولي بلي هي كتكدب
فهاد اللحظة نطق نعمان مخنزر فيهم
نعمان: واقلة رآه حنا كاينين هنا
ناضت صفية مشات عند حواء اما جاهدة فضربت الطم ورجعت كتاكل مرة مرة كتشوف في نورهان لي شارت ليها بعينها باش تبعها ...
دخلت نورهان لغرفة جاهدة جبدتها من أيدها
نورهان: شنو واقع هنا علاش قلتي لصفية هكاك
جاهدة: علاش كدري راسك مكلخة فكري شوية بعقلك مشفتيش صفية كفاش تغير لونها والعرق بدأ كينزل معها وتخضار وتصفار فاش ناضت حواء
نورهان: اه بصاح باين بحال توترت زعمة شنو يقدر يكون
دارت جاهدة كضحك بشر عاجبها الحال
جاهدة: هذي هي فرصتي باش نتخلص من الام وبنتها ويولي سوارت العائلة بين ايديا
نورهان:(بعدم فهم) شنو كتقصدي؟
جاهدة: حواء اكيد متأكدة بلي حاملة
شهقت نورهان حطات أيدها على فم جاهدة وانطقت
نورهان: سكتي دبا يسمعوك غادي نمشو فيها مخصكش تهمي الناس بلا حجة
بعد جاهدة يد نورهان بتأكيد
جاهدة: واش حماقيتي مشفتيهاش كفاش غير حطات لقمة فمها وناضت نفسها كتلعي زعمة انت كاع مكلخة لهد درجة
نورهان: جاهدة حنا ممأكدينش حرام طعني فشرف البنت
جاهدة:(كضحك) نطعن فشرفها هههههه هي لي نزلت من قيمتها وانا شفتها بيعني لي غادي ياكلهم الدود مع الطبيب لي جاء جديد شحال من مرة إذن علاش انطعن في شرفها إلى هي وسختو بلا ميرجف لها جفن
يتبع...
أنت تقرأ
(قصة بالدريجة المغربية)...⚜️plunger_الغواص⚜️
Художественная проза⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
