🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
الحارس: سيدي البنت لي كانت فسيارة فقدت الوعي مني حاولت تنزل
شار ليه بيدو باش يمشي ...استأذن شهد الدين خرج لقها مرمية هزها بين أيده دخلها من باب واحد اخور طلع بها لوحد الغرفة لي كانت قريبة من سطح كانت ديال ختو حنان حطها غطها وخرج ...
يوم جديد
من بعد الليلة الماضية لي كانت طويلة بالنسبة لعائلة عبود عبد الملك لي كانت كلها حزن وبكاء ونحيب وفقدان من طرف عائلتو ....
هازينو فثابوث غادين به فاتجاه المقبرة لي كانت خارجة على الضيعة شوية باش يكملوا مراسم الدفن ويرقد فالمكان الصحيح لي كل شخص منا غادي يجي ليوم لي يرقد فيه وللابد...ساعات طويلة وهما فالمقبرة كيردمو الاغا عبود الكل الاهالي حزنين للموت ديالو ...من بعد ماكملو الدفن تقدموا بالتعازي لشهد الدين وكذلك لمحمود ...نطق واحد من الأهالي في حديث خفي مع شخص اخور
نجاتي: دبا فنظرك شكون ايكون الأغا الجديد
جودات: اكيد شهد الدين عبد الملك خصنا نوجد راسنا غادي نرجعو نبوسو يد واحد قد قدنا فالعمر
نجاتي: الله يسلك شهد الدين شخص صارم بزاف ومعندو رحمة ماشي بحال الاغا عبود
جودات: الله يكتب لينا الخير وصافي
راجعين لدار ...مسافة طريقة شبه طويلة دخل محمود وكذلك شهد الدين...شهد الدين كيشوف فالكرسي ديال باه وكفاش خلا بلاصتو كبيرة بزاف وكفاش القصر ولا كيبان مضلم كثر من القياس ...ناضت زهرة وقفت مسحت دموعها تمشات بخطوات متتاقلة حتى تقادت مع ولدها شهد الدين شداتو من دراعو تمشات هي وياه حتى جنب الكرسي وهي تجلسو نادات لوحد المساعدة كتعاونها فاشغال القصب فالطبخ والتنظيف جات حاملة فيدها واحد صندوقة خشبية... شدات من عندها زهرة صندوقة كان فيها ختم من الأحجام الكريمة كبيرة خداتها لبستها لولدها وانطقت
زهرة: من اليوم انت الاغا جديد كل أمر أو نهي ايكون تحت امرك
قبل شهد الدين أيدها بدلتو قبلة على جبينو...تقدموا خواتاتو كيبوسو ليه ايدو وكذلك خوه والحرس والخدامة اي شخص فالقصر إلا وكيهنؤ بالاغوية ديالو....
في حين حواء كانت نازلة مع دروج لي كانو مصنوعين بحجر المزخرف شادة فراسها لي عطيها الحريق...فهد اللحظة لمحتها سونا لي خرجت عينها مستغربة شكون هذي ومنين جات انطقت
يتبع.....
أنت تقرأ
(قصة بالدريجة المغربية)...⚜️plunger_الغواص⚜️
General Fiction⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
