(قصة بالدريجة المغربية)...⚜️plunger_الغواص⚜️

17

🌾°°°°°الـــــغــــواص°°°°°°🌾

☘️أصابتك لعنة الشرف ياحواء ☘️

🌻تأليف: عواطف الشويع (بالحفيض)🌻

زهرة: الله يرضي عليك ازهرة رضي لبال لولادنا ومتخلهمش يتفرقو ولا شملهم يتشتت لأي سبب كان أمانة فرقبتك

حركت زهرة رأسها ودموعها على خدها وانطقت

زهرة: كنوعدك بلي انكون فجنبهم ديما ومنخليش حتى حاجة تفرق بينهم

بدا عبود كيكح بجهد شاد على قلبو كيطلع نفس بصعوبة ...البنات كيبكو ونادوا باسم بابا زهرة وقفت خائفة كتحك فضهرو اما محمود فنزلت دمعة من عينو لكن ماشي اي دمعة هو من النوع لي قاصح ماشي كيجي ويبكي إلا إلى حس بالفقدان أو ضعف لأقصى درجة ....رفع عبود سبابة ديالو شهد بصوت متقطع وخرجت رحو ....الكل بقا مصدوم زهرة كتحرك فيه بجهد

زهرة:عبود نووض عبوود فتح عينك ه‍ئ هئ عبووووود

شد محمود فمو لي كانت فأواخر انهيارها شافيها بعينه المدمعين وانطق

محمود: مااات صافي ماات

زهرة عنقتو ولدها كتبكي ...أما سونا وحنان فكيبكو على جثمان ديالو حطة حنان ايدو على خدها وكتبكي...جيران سمعو الصراخ والغوات دخلت جوريا لقصر هي وبنتها ناريمان اتصدمو ونفس الوقت حزنو على موت الأغا...

بسرعة انتشر الخبر في الضيعة ولي خلا الكل يحزن أما بعض الاخرين كانو خايفين من الحاكم الجديد ولي طبع ولدو وخصوصا أن ولدو صعب المنال وشخص غير متسامح عكس الاغا عبود ... بداو كيجو ناس القصر باش يعزو فزهرة ولادو .. الكل كان كيتسأل على غياب ديال شهد الدين ولي مفقود ليه الأثر ....

سائق سيارة الجيب ديالو عاقد حواجبو وعينه لي شكلهم بحال ديال الذئب كيخوفو شاف فيها من مرايا ديال سيارة كانت غارقة فالنوم أو بالأحرى باقي البنج مأثر عليها...كتبان بحال شي ملاك وهي نائمة كيتسأل شنو قصتها ...سمع هاتف ديالو كيرن مجاوبش قطع الخط دخل جهت الاتصال وهو يحدف الرقم ...شاف بزاف الابيلات من خوه زير عليه قلبو بشكل مفاجئ دوز ليه الخط غير سمع شئ لي خبرو به وهو يكسيري تخللت دمعة لعينو نزلت من جنب الموگ ديال عينو ...مسافة قصيرة وقف قدام باب القصر دخل كيجري خلا حواء ناعسة فالسيارة ناس كيدخلو ويخرجو من القصر ...

  "روح أنقدت وروح رحلت الى دار الفناء في يوم واحد"
يتبع