🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
خنزرت فيها وانطقت
زهرة: ست موهجة نفدي كلامي
حركت موهجة رأسها خرجت رجعت لعندهم
موهجة: حضرة الاغا زهرة خانو مبغاتش تكل قالت بلي مغادي تحط الأكل فمها حتى توافق على زواج
شهد الدين ضرب ايدو مع طابلة حتى كل شي قفز ناض معصب غادي في اتجاه غرفتها...دخل
شهد الدين: ماما شنو هادشي كديري
زهرة: متهضرش معايا إلا فحالة قبلت طلب ديالي
شهد الدين: مغاديش نغير رائي بخصوص زواج
زهرة:(شافت فيه بتحدي) حتى انا مغاديش نغير قراري وخا نعرف نموت
سمعها قالت هكا قرب ليها جلس على ركبة شاد فيدها وانطق
شهد الدين: ماما ميكونش راسك قاسح زيدي تفطري
حطات زهرة الخيط من أيدها شدات ايدو بحزن
زهرة: علاش مبغي تلبي ليا طلبي فاي لحظة ممكن نموت ونلحق الأغا عبود شنو فيها إلى تزوجتي وفرحت بك
شهد الدين غمض عينه وافتحهم انطق
شهد الدين: غادي نفكر فالموضوع يلاه زيدي تفطري
شافت فيه رجعت كتخدم فالشي لي بادية وانطقت بعيناد
زهرة: سير فطر مبغاش نكول
شاف فيها حتى شبع عصباتو وقف وانطق
شهد الدين: خاطرك
خرج رجع الطابلة كيكل كيمضغ بالغدايد هز عينو خنزر فحواء عيونو كأنها عيون ذئب شرس هي غير شافتو كيشوف فيها بديك النضرات حنات رأسها متنكرش بلي نضرتو كيخلعها محيت فعلا شبيهين بنظرات ذئب...كمل فطورو استأذنو البنات ومشاو فاتجاه غرفة الام ديالهم بغو يفهمو منها شنو واقع ...في حين شهد الدين ناض خرج ركب فسيارتو وتبعه رجال دولو شادين وجتهم لساحة الضيعة ...
في الوقت لي كانت أم كتحاول تقنع ولدها بزواج كذلك كاين اب واقف مع ولدو بمكان اخر كيحاول يقنع ولدو باش يتزوج ...
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficção Geral⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
