🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
حواء بدأت كتحرك فعينها كتحاول تفتهم كيبان ليها تغشغيش... شادة رأسها كيحرقها انطقت بصوت خفيف
حواء: شنو وقع ليا
جلست زهرة جنبها
زهرة: سخفتي ابنتي واش كضرك شي حاجة كلتي ليوم
حواء:(كتوجع من ألم رأسها) راسي كيحرقني بزاف مقدرة نحركو
شافت زهرة فشهد الدين بنضرة عتاب مخنزرة فيه ...هد الأخير لي هز حاجبو وانطق
شهد الدين: شنو ياك ما انا لي سخفتها
زهرة: اجا معايا شوية (تلفتت فحواء) ارتاحي ابنتي دبا تجيب ليك سونا حبة ديال رأس شربها ورتاحي
حركت حواء رأسها خرجت زهرة تبعها شهد الدين وقفو على برا ...زهرة معصبة منو انطقت
زهرة: شهد الدين شفت شنو وقع البنت بسببك
شهد الدين: انا مدرت لها والو فقط حاولت نعاقبها بش مرة جاية متغلط
زهرة: ولكن ماشي بهد طريقة انك تخليها تصبن فالشمس مفكرت إلى وقع ليها شي حاجة ايبقا ذنب عليك برقبتك
شهد الدين: هديك موقع ليها والو كون ايوقع لها كن وقع محيت ...
سكت تفكر بلي توحد معارف قصة انطقت زهرة
زهرة: محيت شنو
شهد الدين: ماما بركا انا عارف شنو كندير
زهرة: الله يهديك اولدي انت راك اغا ماشي اي شخص فكر مزيان قبل متصرف
تخطاتو زهرة مشات باش تجيب حبة ألم لحواء...بينما هو بقا واقف تعصب كارز على ايديه
جات سونا خدات حبة من عند زهرة عطاتها لها جلست حدها وانطقت
سونا: ممكن نسولك ؟
ابتسمت حواء وانطقت
حواء: سولني
سونا: فين هما عائلتك
هد سؤال فتح ليها جرح تفكرت كفاش كانت كترغبهم باش ميقتلوهاش تفكرت كفاش مها كانت كتبكي عليها بحرقة وباها ايديه مربوطين بسبب ما يسمى بالعادات ...نزلت دمعة من عينها وانطق
حواء: انا معنديش عائلة تقدري تقولي بلي ماتو
سونا: اكيد فكرتك فشي حاجة لي ألمتك سمحي ليا
يتبع
أنت تقرأ
(قصة بالدريجة المغربية)...⚜️plunger_الغواص⚜️
Художественная проза⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
