🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
زهرة: فين ابراهيم
شهد الدين: شوية ويجي
زهرة: ولدي ملك شفتك مغير
شهد الدين: غير راسي كيضرني شوية
زهرة : الله يشافيك من بعد العشاء خد لك حبة لرأس
حرك راسو رجع كيكل كيفكر فشنو غادي يدير ...دقائق نزل ابراهيم رجع لبلاصتو هد الأخير لي خنزر فيه وانطق
شهد الدين: ياك متوضرتي
ابتسم ابراهيم ليه
ابراهيم: لا القصر زوين عجبني
زهرة: هد القصر اولدي قديم بزاف ديال الأجداد ديال شهد الدين عندو قيمة وأهمية كبيرة بالنسبة لينا وعراقة ومكانة خاصة في قلوب كل واحد منا
ابراهيم: الله يطول فعمر الاغا أن شاء الله ( مسح فمو انطق) غادي تسمحوا ليا الوقت تأخر كنشكركم على العزيمة كنت سعيدا بالتعرف عليكم والأكل كان شهي
شاف فيه شهد الدين طول شوفة وانطق راسم ابتسامة على ثغرو
شهد الدين: حتى حنا سعدنا بالتعرف عليك وباش نكمل الشكر ديالي لك بغيت نوصلك حتى الدار
ابراهيم: حضرة الاغا هذا لطف كبير منك مي بلا منعدبك معايا دار قريبة
زهرة: لا اولدي انت جيت ضيف عندنا خليه يوصلك
ابراهيم:(ابتسم لها ) وخا مدام طلبتي من خسرش لك خاطرك (وقف قبل لها أيدها) تشرفت بمعرفتك زهرة خانو
زهرة: وانا كذلك
شهد الدين:(شار ليه بيدو) تفضل نوصلك
سبق ابراهيم تبعو شهد الدين لي غير ملامحو لعصبية خارجين بزوج ركب فسيارتو ابراهيم ركب حداه وانطق ...غادين فالسكات حتى انطق شهد الدين
شهد الدين: قبل متجي لهنا شنو سميت الضيعة لي جيت منها
ابراهيم: كنت ترسمت فواحد الضيعة قريبة من هنا من بعد جاني قرار باش نترسم هنا من وزارة
شهد الدين: امممم مزيان
رجع شهد الدين مركز مع الطريق ...ابراهيم كان كيفكر فحواء والندم ديالو وخوف لي كان خايف حتى خلها هي دبا رجعت لواحد اخور ...شاف ابراهيم الطريق لي سالك شهد الدين شاف فيه وانطق
ابراهيم: الاغا شهد الدين ماشي هذي هي الطريق لي كتودي لدار المستوصف
الاغا شهد الدين:(شاف فيه شوفة غامضة) مالك خايف
ضحك ابراهيم : هههه مناش انخاف
رجع شهد الدين مركز في حين ابراهيم كيشوف تصرفاتو الغريبة وكذلك سكوت ديالو المطول ...وقف شهد الدين بسيارتو الجيب جنب الغابة لي كلها أشجار شامخة عالية وانطق
شهد الدين: نزل
ابراهيم:(باستغراب) شنو ؟ اش كنديرو هنا فهد الوقت
شهد الدين:(بنفاد صبر) قتل ليك نزل
خنزر فيه هبط شهد الدين خبط بي باب سيارة توجه لباب لي فجهت ابراهيم لي كان مفاهم والو فتحو ...جرو من الكول ديال قميجة خبط بالباب دفعو حتى كان غادي يسقط أرضا...جبد شهد الدين السلاح لي كان من النوع سوفياتي القديم ولي كيتميز بفوه ذات 6 طلقات وجهو جهت راسو وانطق .
شهد الدين: بغي تلعب ومعارف بلي اللعب معايا بحد ذاتو ممكن يشكل خطورة عليك
ابراهيم مبهوض مفاهم والو
ابراهيم: شنو الغلط لي درت معاك احضرة الاغا
شهد الدين:(قرب منو ضربو بمؤرخرة سلاح لحاجب بعنف) كلب مزال كتسول الحيوان امممم جيتي تقابل حبيبت القلب القديمة فقلب قصري مفكرتيش فالعواقب ولا بغي تردني دمدومة
ابراهيم: (وقف ابراهيم جهت حاجبو كينزف) انت فاهم الموضوع غلاط خليني نشرح ليك
شهد الدين تعصب رمى السلاح قرب منو بدأ كيعطيه فالكروشي حتى سخفو
شهد الدين: غادي نقتلك غادي نربيك باش تعلم تلعب مع الكبار
مشا شهد الدين فاتجاه الكوف ديال سيارة خرج وحد الحبل ...جر ابراهيم لي كان طايح فالارض كيحاول يتكلم ويبرر ليه ...وقفو مع الشجرة وهو يربطو باحكام ....شد ليه فك ديال سنيه مزير عليه
شهد الدين: غادي نقتلكم بزوج
ركب شهد الدين في سيارتو معصب اعصاب ديال راسو مزيرين عاقد غوبشتو ديما راجع القصر مسكيري ...مسافة طريق وقف قدام القصر نزل دخل كان الكل ناعس ...طلع في اتجاه غرفتو فتح الباب بجهالة كانت جالسة بالقرب من نافدة كتخمم حتى تفتح باب بجهالة ...تهز قلبها شافت فيه
يتبع....
أنت تقرأ
(قصة بالدريجة المغربية)...⚜️plunger_الغواص⚜️
Художественная проза⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
