🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
حواء: خصك تأكل باش تخد دواء
شهد الدين: لا ماباغي منك حتى حاجة
حواء: لا ضروري تاكل ماشي على قبلي على قبل ماما زهرة لي وعدتها اني نهتم بك
شهد الدين: دبا كتأمري عليا غير بلاتي حتى نتشفى وانتحسب معاك على هضرتك معايا وجرأتك زائدة
حواء:(ابتسمت ليه لأول مرة ) شوف دبا خصك تأكل باش تبرأ بسرعة وتحاسب معايا إلى مكلتي متبرش بسرعة ومتقدرش تحاسبني ولا لا
رمقها بنضرتو القاسحة أعداء حاجة عندو هو الاستفزاز أو لسان السلط لي كيتجاوب معاه
جات عاونتو حتى جلس جلست بالقرب منو يلاه اتعطيه يكل وهو يشد منها الملعقة
شهد الدين: مابغيتش دين الماكلة حتى هو يبقى فرقبتي وتبداي تحاسبي معايا عليه
يلاه ايكول وهي تكب شربة لي فالملعقة على حوايجو..ابتسمت بجنب وانطقت
حواء: متقدرش تكل باليد اليسرى محيت كلنا عارفين بلي اليمنى باش كنكلو
خطفت الملعقة من ايدو بدأت كتعطيه مدات ليه شاف فيها شحال هلي خدا من عندها ...كتعطيه ملعقة وراء ملعقة حتى حس براسو شبع
شهد الدين:براكا عليا
بعدت حواء الصنية جابت دواء عطاتو ليه من بعد غطاتو وتكا...
في الضيعة الأخرى كانت الطبول والأغاني والرقص والاحتفالات خارجة من قصر تيرش حمدان بمناسبة زواج حمدي وألفت ...جاهدة كترقص بفرح وكذلك ألفت لي كانت فأبهى حلة من جمالها صفية جالسة كتحاول تبتسم فوجوه الناس أما لداخل ديالها عالم به غير الله الأخوة شكري ونعمان كيرقصو فرحانين وكذلك اسماعيل جالس كيهضر مع احمد شادين أطراف الحديث نورهان لي كانت كترقص كذلك ...أجواء فرحة زواج ولدهم لي كان فالغرفة ديالو قافل عليه حط قدامو صورة قديمة ديال حواء ماسك سلاح فيديو دمعات نازلين على خدو
حمدي: خداو ليا عشق ديالي خدو ليا قلبي معاهم فداك نهار مني قررو يبعدوك عليا بسبب العادات والتقاليد المقرفة لهذا قررت نجي لعندك احواء انت في ملكي وخا خنتني انت راك ملكي انا لوحدي وانا ملكك منقدرش نعيش مرتاح مع عذاب وانت مكايناش قدامي انا جاي لعندك احواء جاي
فهد اللحظة حط السلاح على راسو غمض عينه وطلق رصاصة تسمعت فارجاء القصر شئ لي خلا كل شي يوقف والكل يتصدم من صدى الطلقة لي تسمعت الكل وقف الرقص شاف شكري فاتجاه غرفة ديال حمدي خرج عينه وداز كيجري فتح الباب مصدوم من المنظر لي قدامو
يتبع
أنت تقرأ
(قصة بالدريجة المغربية)...⚜️plunger_الغواص⚜️
Tiểu Thuyết Chung⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
