🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
في القصر تيراش حمدان جالسة جاهدة جنب نافدة وجهة رجع كل شوائب نفسيتها مريضة الولد الوحيد لي كان عندها فقداتو مبقا عندها امل فحتى حاجة دبا هلي رجعت كتحس بتأنيب الضمير حست بلي الذنوب ديال حواء وكذلك صفية هي لي خرجوا فيها لولا مكتبت ديك الرسالة لابراهيم كانت حواء بايمكانها تزوج هي وابراهيم ولو انها منشرت خبر مكانش ايوقع لوقع لولدها كان دبا حدها ولو انها ما تشفات في صفية لي كان قلبها محروق مكانش دبا ولدها تحت التراب ...
دخلت عندها نورهان حملة فيدها صحن فيه شوربة حطات حدها وانطقت
نورهان: كلي شوية راك اتمرضي بسبب هد الحالة لي انت فيها
جاهدة: انا سبب فموت ولدي محسيت به فكرت فراسي انا سبب انا انا اه انا انا سبب
نورهان حركت رأسها بقات فيها خرجت وقفلت عليها غرفتها ....
وصلت العشية تحل باب القصر دخل شهد الدين ومعاه الطبيب لي كان هد المرة حالق شعرو كامل مبقاش مشعت ...توجه لجليسة عيط على الأم ديالو وكذلك حواء لي غير سمعو كينادي عليها ورجع مركز عينه باش يشوفها
تقدمت زهرة نازلة من الدروج كذلك حواء غير شافتو وبلعت ريقها قربو منو طلب شهد الدين من ابراهيم يجلس انطق
شهد الدين: هذي الام ديالي
ابراهيم: اه عرفتها اول مرة متشرفين
زهرة : مرحبا بك اولدي
شهد الدين: وهذي زوجة ديالي
تصدم ابراهيم خرج عينه بقا شحال ساكت كيشوف فيها هلي نطق
ابراهيم: متشرفين
حواء حركت ليه رأسها ببتسامة متصنعة ...انطقت
حواء: انجيب لكم الشاي
مشات لمطبخ حطات فناجين اتكب فهم الشاي أيدها كانو كيترعدو ردات ليها موهجة البال
موجهة: بنتي حواء ملك
حواء: لا اخالتي والو
موهجة: علاش ايديك كيترعدو
حواء: اه هههه غير كضرني ايدي انخد لهم الشاي ونرجع نجهزو صفورة
حركت موهجة رأسها وخا كانت متأكدة بلي عندها شي حاجة شاغلها
كتفرق عليهم الشاي عطات لزهرة وكذلك شهد الدين لي بتسم ليها ...من بعد عطات لابراهيم لي قبل ميخد الشاي شاف فيها نضرة طويلة ونطق
ابراهيم: شكرا لك
شافت فيه بسرعة حدرت عينيها ...مشات لمطبخ تكمل توجاد مع موهجة بينما شهد الدين وزهرة مجمعين مع ابراهيم كيحاولو يتعرف عليهم
وصلت وقت العشاء تحولوا لطابلة العشاء لي كان مجموع عليها كل شي كيكلو ونفس الوقت كيتبدلو أطراف الحديث شهد الدين وإبراهيم واحيانا زهرة ...حواء بسبب التوتر مكانت قادرة تأكل استأذنت منهم ومشات طلعت لغرفة ديالها...ابراهيم بقا حضيها بعينه حتى دخلت لغرفة لي كانت فوق كطل على جليسة ...رجع كيكل شوية وهو ينطق
ابراهيم: ممكن دلوني على الحمام فين كاين
زهرة: طلع نشان الفوق تما اتلقاه قريب من غرفة الكبيرة لجنب بلكون
ناض ابراهيم طلع لفوق مرة مرة كيتلفت فهم بانو ليه مركزين مع الاكل دق فنافدة ديال الغرفة لي كانت فالاتجاه معاكس لحمام ...حواء كانت جالسة فوق نموسية كتفكر حاطة أيدها على رأسها حتى سمعت دقان فالنافدة ناضت فتحت غير شافتو وهي تصدم
حواء:(بعصبية:) شنو بغتي دبا يشوفك شي واحد
ابراهيم: خرجي بغيت نهضر معاك ضروري
حواء: سير فحالك بغي دير ليا مشاكل بحال كل مرة سييير فحالك عفاك خليني نعيش حياتي
ابراهيم: مغاديش نتحرك من هنا إلى مخرجتي نهضر معاك
سدات حواء نافدة حطات شال على رأسها خرجت لعندو بدون ميشوفها حتى واحد
دارت فالاتجاه لاخور لعندو
حواء: شنو باغي عندي اممم شنو كتقلب عطني تساع فحياتي
ابراهيم: فين هو ولدي ياك كنتي حاملة
في الاسفل كانو كيكلو نطقت زهرة ولدي شوف السيد ياك متلف عليه الحمام
حرك شهد الدين راسو ناض طالع لفوق باش يشوف براهيم لي تعطل ...يلاه ايدور مع الدورة وهو يسمع شي لي خلاه يوقف
كانت حواء كتهضر مع ابراهيم
حواء: اش من ولد اممم بعد مني كتفهم مبغاش نشوفك
ابراهيم: انا كنبغيك احواء وعارف بلي باقي كتبغني
الكلمة لي تسللت لمسامع شهد الدين وخلاتو يزير على ايدو كرز على سنانو يلاه ايتقدم فاتجاهم وتذكر صحة مو إلى عرفت شي حاجة شنو ممكن يوقع لها... وقف خلهم حتى سالو هضرتهم ...شاف ابراهيم راجع تخبى من وراء غرفة ديال محمود حتى دخل لحمام عاد رجع لبلاصتو...كيحاول يحافض على الهدوء ديالو جلس سولتو زهرة
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
