🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
بعض منهم لمح بنت فسيارة وكيتسألو شكون هي إلا أن حتى واحد مقدر يهضر ....شاف مو كتبكي منهارة وكذلك ختو هد الآخرين لي غير شافوه ناضو كيتجرو لعندو والدموع فعينهم عنقوه بكل جهدهم وكأن هو الحامي ديالهم من بعد وفاة الأب ديالهم ....عنقهم مغمض عينه كيحاول يكون قوي قدامهم أما داخل ديالو بحالو بحالهم أو أكثر منهم لأن من هنا القدام اتكون مسؤولية كبيرة على كتافو انطقت سونا
سونا: خوياا بابا خلانا ومشى
حضنها بيد وحدة وانطق بصوت غليض فيه بحة خفية
شهد الدين: شوووت انا معاكم
قلبو مكسور شاف فمو طلق منهم وتوجه لعندها نزل موستواها قبل أيدها دوز ايدو على وجها مسح ليها دموعها وانطق
شهد الدين: ماما بابا خدا المفروضة مبغيت نشوفكم كتعدبوه بدموعكم حتى وحد ميبكي فين الاغا
انطق محمود لي لا يقل حزنا
محمود: غسلوه ودبا فالبيت لي حدا باب
وقف شهد الدين كيتمشى بخطوات كلها خوف عمرو محس بهد الخوف كانت أول مرة ...رجليه كيترعدو كيحاول فنفس الوقت يقوي قلبو دفع باب الغرفة غمض عينه وافتحهم تنفس الحرقة لي فداخل ديالو ...شاف جثة الأب ديالو مكفنة والعون ديالو لي علمو بزاف الأمور من طفولتو حتى رجع رجل شهم قوي لا يكسر ..تقدم لعندو هبط على ركبتو حط ايدو على جثة ديالو كيمررها انطق بصوت حزين فيه بحة رجولية خشنة
شهد الدين: عمري انسى المبادئ لي ربتني عليها غادي نحاول نكون قد المسؤولية غادي نخليك تكون رافع راسك وانت فقبرك الله يرحمك
نزل لعند راسو لي كان باقي باين طبع قبلة عليه بدون ميشعر خانتو دمعة كانت نتيجة تراكمات ...مسحها دغيا وخرج ...
فسيارة لي قدام القصر ...بدأت حواء تستعيد وعيها كتحاول تفتح عينها بتتاقل كيبان ليها الضباب كضرب برموشها كتحس بالحريق فكرشها ...دورت عينها فالمكان لي هي فيه كيبان ليها رأسها فسيارة قدام قصر ناس ها الداخل هالخارج من القصر كتحاول تفتح باب سيارة يلاه حطات رجل الاولى والثانية وهي تفقد الوعي طاحت مغمي عليها...دخل واحد من حراس لي واقفين جنب باب لابسين لباس تقليدي عادي هزين بندقيات فيدهم قرب من شهد الدين لي كان واقف كيتلقى التعازي من الأهلي قرب من ودنو
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
