🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
جاهدة: واخيرا انزوجهم ونولو عائلة وحدة فرحانة
شهيناز: مبروك علينا
جاهدة : اهم حاجه هي يكون ولدي الوريث ديال عائلة وهكا كلمتي اترجع مسموعة وكل شي تحت سيطرتي
شهيناز: أن شاء الله اختي وانا هد شي لبغيت.. يلاه عونني نقد طابلة ديال العشاء ..
جهزو طابلة باشهى المأكولات ...انضمو الضيوف الطابلة كملو سهرتهم في جو من المرح واخد أطراف الحديث ...من غير صفية لي كانت كتحس بالملل وكل دقيقة كتفكر في حواء وكفاش فقدت بنتها وايدها مربطين...سلو العشاء توادعو معاهم ومن بعد رجعو القصر ...
في الصباح الباكر
واقفة حواء في المطبخ كتصلح الشاي ونفس الوقت كتقاد الفطور في الصينية باش تخدو فوق الطابلة ...دخل شهد الدين بغا الماء شاف فيها وانطق هد الأخيرة لي توترت وهربت عينها
شهد الدين: بلا متفرحي بزاف لهد الزواج
حواء: انا اصلا ما موافقاش عليه على قبل زهرة خانو
شهد الدين حس بالصد ليه شرب من كأس الماء من بعد حط الكاس بالجهالة حتى قفزت من بلاصتها ...خرج طلع الغرفتو في حين هي خرجت الفطور كتقادو فوق الطابلة....دقائق نزلو سونا وحنان لي كيهضرو بينهم ويتغامزو بشوية ....
نزلت زهرة شادة فيها موهجة..جلست فالطابلة انطقت سونا
سونا: ماما كيف بقتي شوية
زهرة: الحمد لله ابنتي بخير
سونا: ماما بغيت نقولك شي حاجة
زهرة: (شافت فحنان لي كتنغز فيها) شنو واقع هضري
سونا: بغيناك تقولي لخويا يخدنا المدينة بغينا نشرو شي حوائج جديدة راك عارفة دبا غادي يتزوج خاص نكونو بلباس جديد وزوين
زهرة: اه عندك الحق ومنها يخد حتى حواء دور شوية وياخد لها حوائج
حواء كانت واقفة حتى سمعت هادشي بتسمت انطقت
حواء: الله يطول فعمرك ازهرة خانو لكن بلا متعدبو راسكم
زهرة: مكائن حتى عداب انت اتولي مرات الاغا شهد الدين عبد الملك لهذا خاصكي تكون متأنقة ومكانتك اتولي عالية
فهد اللحظة نزل شهد الدين قبل يد مو ابتسمت ليه جلس فرأس الطابلة يالله اتحط ليه حواء فنجان الشاي وهو ينطق
يتبع
أنت تقرأ
(قصة بالدريجة المغربية)...⚜️plunger_الغواص⚜️
Fiksi Umum⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
