🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
داخل أعماق النهر لي غارق بزاف...شخص لبس ملابس الغواصة كيجدف برجليه لي حاط فهم حداء الغوص ولي على شكل ديل سمكة واضع على فمو قنينة اكسجين ومرتدي ملابس سوداء كيمرر الماء بيدو كيتفحص المكان بعينه لمح توب توجه فاتجاهو كان عبارة عن شال احمر بقا كيقلب وسط الماء حتى لمح جثة توجه بسرعة فاتجاها كانت فتاة مربطة بحبل لمس نبض ديالها لقاه مزال كيضرب طلعها كيحاول انقادها من الغريق ...نفس الوقت كيضرب بيدو وصل لواحد المكان قليل فيه الماء من جهة الضيعة المجاورة لضيعة ديالها خارجها حطها بعيد من نهر زول ليها رباط لي فيدها وعلى فمها كيغضط على صدرها باش يطلع الماء لي شربت بقا شحال كيدغط على صدرها مبغاتش ترجع نفس هبط على فمها نفخ ليها فيه...شهقات بدأت كتكح وتقيا فكمية الماء لي شربت ...كتنفس بصعوبة كمحاولة باش ترجع نفسها المفقودة واخيرا كتب لها ربي عمر جديد ...مشا فاتجاه رجليها حل الحبل بقا كيحك ليها على ضهرها باش طلع كاع ماء لي باقي فبطنها ...حست بامغاص فكرشها شاف دماء كثيرة خارجة من التوب ديالها هزها بالخف بين أيده كيجري بها من بعد محيد ملابس الغوص ....حطها فسيارتو لي كانت جيب الجيل القديم باللون الاحمر ركب مكسيري لأقرب مستوصف لي كائن فالمدينة قريب لهم ...
هزها بين أيده كينادي بأعلى صوت على الممرضين لي تما...شفتو ممرضة وطبيب حامل بين أيده فتاة كتنزف سارعوا فاتجاهو جابت ممرضة ناقلة لي كيوضعو فيها المرضى ...حطوها بالخف دخلها لغرفة العمليات لي كانت صغيرة الحجم ...في حين الشاب لقاء نضرة على أيده لي كان فيهم طباعي ديال الدم سول واحد ممرضة على الطواليط دلتو عليها ...غسل ايديه ورجع جلس جنب الغرفة لي دخلو ليها حواء ساعة ديال ماكنة خرج طبيب ....هد الأخير لي غير شافو وقف عندو شال الطبيب قفاز من ايديه والكمام على فمو وانطق
الطبيب: الحمد لله على سلامتها قدرنا نقدو المريضة لكن الطفل خسرناه مع الاسف محيت كان كيشكل خطر على حياتها
يتبع
أنت تقرأ
(قصة بالدريجة المغربية)...⚜️plunger_الغواص⚜️
قصص عامة⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
