🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
...هد النوع من الناس هما سبب وهم لي كينوضو الحرب الناعمة لي كتخلي الواحد يفكر فيك ويهضر ويقول اشياء وخا متكونش فيك اهم حاجه عندهم هي يخلوك تشوف فالأمر بشكل سلبي باش يرضو داتهم المغرورة.....
ربط ليها باها الحبل على أيدها اللور وكذلك على رجليها باحكام حط لها شال على فمها بالابيض وهزها مخرجها حطها فسيارة كتبكي وتحرك فراسها خرج نعمان وشكري واسماعيل ركبو فسيارة ...والاهلي تابعينهم من اللور مسافة طريق طويلة حتى وصلو حدا نفس النهر غير هو من بلاصة بعيدة على الضيعة محيت هد النهر ديال حداد الجوف اكبر نهر لي كيجمع بين بزاف الضيع وقف السيارة نزل شكري شاف فاسماعيل لي عينه مرغرغين بالدموع وانطق
شكري: خويا مترجعش شرفك هذا وانت لي خاصك تغسلو باش نرجعو كرامتنا قدام الناس
نعمان: اه اخويا سمعتنا انت لي تقدر ترجعها مترددش هي لغلطت
نزل اسماعيل قلبو مقبوظ عليه أيديه كيترعدو بلاصتهم حمل حواء بين ايديه لي كانت كتشوف في باها وعينه طابو بالدموع كتحرك رأسها كتحاول تفك رجليها وايدها ...تمشى حتى قرب من النهر نزلت دمعة من عينو كتجري شاف فالنهر والعمق ديالو غمض عينه وافتحهم وانطق
اسماعيل: سمحي ليا ابنتي مضطر
على إثر هد الكلمات رمها فالنهر ...طاحت غرقت لتحت قربو كل من نعمان وشكري من الجسر طلو مكيبان ليهم والو من غير طرحة لي كانت فوق راسها هزها ماء الفوق عنقو خوهم وبدأت الاهلي كيباركو لهم نقاء وصمت العار...
ركبو فسيارتهم راجعين للدار...مسافة طريق وقفو قدام القصر دخل شكري ونعمان واسماعيل لي مكسور من داخل ديالو قلبو مقبوض حالتو يرثى لها...شافتو صفية لي كانت كتنوح وضرب في رجليها ناضت حافية القدمين كتجري لعندو شداتو من الكول ديال قامجة كتغوت
صفية: هئ هئ صاااافي قتلتي ليا بنتي قتلتها رجعت شرفك وكرامتك الله يخد فيك الحق عمري نسامحك بنتي الوحيدة خديتها مني على قبل غلاط
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
