🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
حراس شادين فشهد الدين لي مضروب فيدو ودم كيخرج ناضت حواء تشوف خرجت عينها شهقت نزلو بزوج شوفو شنو واقع
زهرة: شهد الدين!! شنو وقع لولدي
حطوه فوق الأريكة فاقد الوعي الدم كينزل ليه من كثفو
الرجل: زهرة خانو جات فيه قرطاصة فالغابة مني كان كيصيد وشي واحد اخور كان يصيد فنفس الوقت
حواء:نزلت دمعة من عينها ) شنو مكايناش طبيب
حارس: دبا انمشي نجيب طبيب جاء طبيب جديد لضيعة
حواء:(بخوف) سير جيبو دغيا
زهرة كتمرر أيدها على رأس ولدها دموعها نازلين خائفة عليه ...حواء كتحاول تهدنها وطمنها بلي ميوقع ليه والو نزلت سونا وحنان لي تخلعو على خوهم ...دقائق قليلة وصل الطبيب فهد الأثناء مشات حواء تجيب صنية فيها ماء لزهرة دخل طبيب مع واحد من رجال ديال شهد ...وقفت حواء غير هزات عينها من صدمة طلقت صينية فالارض ...كل شي حول نضرو ليها ابراهيم خرج عينه مني شافها بلع ريقو وهي كذلك بسرعة نزلت هزات الكأس لي طاح من أيدها ....قلبها مرفوع مخلوعة خائفة لينطق بشي حاجة رجعت لمطبخ حطات صينية شادة في بوطاجي حطة أيدها على قلبها لي ذقاتو متسارعة ...دخلت موهجة شافت اللون ديالها مخطوف نطقت
موهجة: غادي يتشفى ابنتي بلا متخلعي شهد الدين رجل قوي
حركت ليها حواء رأسها خرجت هازة صنية عطات ماء لزهرة لي خائفة كذلك أما شهد الدين فدخلوه لغرفة ديالو كيحاول ابراهيم أن يحيد ليه طلقة لي صابتو فكتفو...
من بعد دقائق خرج ابراهيم حامل فيديو حقيبة طبية شاف فحواء لي التوتر كان باين عليها من أيدها حول نظرو بسرعة لعند زهرة لي كتسنى يخبرها على حالة ولدها
ابراهيم:مكاين لاش تخافوا خرجت ليه الرصاصة ودبا بخير
(عطاهم ورقة فيها بعض الاديو) هد الدواء عطوه ليه فالصبا ح وفي الليل قبل الاكل وكل ثلاث ايام انجي نشوف جرح كيف بقا
خدات حواء الورقة من عندو أيدها كترعد
زهرة: الله يرضي عليك اولدي
ابراهيم: خليت لكم الراحة
قبل ميتحرك شاف فحواء لي كل نضرتها ليه كانت كره حدر عينه تحرك في اتجاه الباب ونفس الوقت كيفكر شنو جاب حواء لهد الضيعة وشنو كدير فبيت الاغا ...
يتبع
أنت تقرأ
(قصة بالدريجة المغربية)...⚜️plunger_الغواص⚜️
General Fiction⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
