🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
حواء: لا احبيبة عادي الحياة ديما كتختبرنا ومن بعد كل اختبار كتخلينا نكون اقوى واهم حاجه هي منتعلموش نتقو فاي واحد محيت هد الثقة هي لي كتخرج علينا وكتخلينا نوصلو لاخر مرحلة فحياتنا وممكن نخسرو بزاف إلى ثقنا بزاف
سونا: فهمتك نخليك ترتاحي بشفاء
كان واقف جنب نافدة كيسمع لكلامها لي قدر يفهم منو شوي فقط ...غير سمع باب غرفة تفتح وهو يتحرك من تما كان قريب من واحد المكان لجنب الدروج كيطل على الضيعة كلها حط ايديه فجيابو كيسترجع كلامها على الثقة فهم بلي شوحد لي خان ثقتها ...ساعات وهو واقف كيفكر وكيتأمل سمع باب غرفة تحل من جهة الأخرى خرجت لبسة تريكو صوفي مكمشة أيدها مع بعضهم قربت من الجدار لي كان مزخرف كتشوف لبعيد
تمشى بخطوات بطيئة بدون متحس..وقف وراها انطق
شهد الدين: علاش غلطي
تلفتت عندو بسرعة شافت فيه واقف كيرمقها بنضرة عتاب ...بلعت ريقها وانطقت
حواء: مافهمت فشنو غلط
زاد قرب منها خطوة وحدة أخرى
شهد الدين: عارفة مزيان غلطك لوصلك لهنا
حواء كتحاول تفهم قصد ديالو
حواء:حضرة الاغا معرفت علاش كتهضر
شدها من أيدها مزير عليها بيدو متصلبة انطق
شهد الدين: شنو لخلاهم يرموك فالنهر هذا هو سؤال المناسب
شافت فيه حست بعينها رغرغو انطقت
حواء: عفاك طلق من ايدي قصحتني
كلامها يلاه مزاد خلاه يزير كثر ويقرب منها كيهضر قريب من خدها بي بحة خشنة صوتو غليض وخشن فيه نوع من جبروت
شهد الدين: واش كان ضروري تلوثي شرفك بذيك الطريقة اهممم
حواء:(كتحاول تفك أيدها منو نزلت دمعة من عينها) طلق من ايدي
فهد اللحظة وقفت زهرة شافتو شدها من أيدها بدك طريقة وحواء كتحاول تفك منو انطقت
يتبع...
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
