🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
حواء: اغا شهد الدين ياك لباس
واقف شاد في رتاج ديال باب كارز عليه... كيرمقها بنظرة عتابية انطق بكل هدوء
شهد الدين: اجي معايا ديري فولارك وتبعني
حواء: باستغراب... فين انمشي ؟
شهد الدين: منعودش الهضرة نوضي طلقي راسك
وقفت حواء مستغربة من تصرفو حطات شال ديالها تبتتو بالمقابض في شعرها وخرجت... نازل وهي تابعاه خرج ركب فسيارة فتح ليها باب السيارة ركبت حداه كسيرا
حواء:(كدور عينها فارجاء مكان لي كان مظلم) فين غادين فهد الليل
شهد الدين: صبري شوية واتعرفي
سايق كان الصمت سائد...في حين حواء قلبها تقبض عليها وكأنها حاسة بشي عاصفة ...وقف شهد الدين بسيارة جنب شجرة لي كان مربوط فيها ابراهيم حاني راسو ... فاقد الوعي تلفتت حواء في شخص لي حاني راسو وجهو مواضحش خرجت عينها وانطقت
حواء: فين كاينين حنا وشكون هذا لي هنا ؟
تلفت فيها شهد الدين مخنزر فيها فتح باب سيارة دار لعندها فتح ليها باب نزلها شاد فيدها جارها حتال عندو قرب من ابراهيم....شدو من شعرو طلع ليه راسو وجهو كان فيه كدمات بكثرة الكرشيات لي عطاه...هد الأخيرة لي غير شافتو قلبها زاد كيضرب بالجهد الالوان تخلطو فوجها ركبيها فشلوا بلعت ريقها ....شهد الدين شاف فيها وانطق
شهد الدين: اكيد اتكوني عرفتيه ياك
حواء ساكتة تقول صابها الخرس ...شاف فيها زير على درعانها بكل عصبية انطق
شهد الدين: تكلمي علااااش ساكتة كتعرفيه اممم
حواء:(نزلو دموعها كتشوف فيه بخوف) اه كنعرفو
دفعها شهد الدين معصب حس بالدوخة في راسو كيمسح على شعرو هز يدو بعصبية يلاه ينزل عليها خبات وجها رجع ضرب ايدو مع شجرة تجرح كانت كتشوف فيديو ...يلاه اتشدها وهو يدفعها حتى طاحت فالارض
شهد الدين: متقربش ليا وحدة بلا شرف قليلة الترابي
حواء:(كتمسح فدموعها ) سمع ليا انت فاهم الموضوع غلط
شهد الدين:شوووووت مبغيت نسمع والو كتفهمي سكتي حتى بديت كنحس بلي كنت ظالمك وبديت نتقرب منك وخربتي كل شي لهذا سكتي مبغاش نسمع حسك انت خائنة وبلا أخلاق انت وهد الحيوان غادي ندمكم
حواء:(طاحت على رجليه كتبكي وتزاوك) عفاك حضرة الاغا سمعني انا عمري مخنتك عمري عطني فرصة
نتر شهد الدين رجليه طاحت على أيدها
شهد الدين: معندك متشرحي ليا انت معندك ذرة خجل طول فترة لي أنا تصوبت بها كان كيجي وكنت كتهضري معاه وانا بحال القرد
زير على شعرها وانطق
كتبغيييه امممم كتبغيه ياااك
حواء زيرت على عينها من قوة الشدة لي شدها من شعرها
حواء: لااا انا مكنبغيه نسيتو
طلق منها بجهالة حتى تزعزعت بقا كيمشي ويجي شد فراسو كيحس بالاعصاب شدينو تلفت فيها مزال كتبكي وطايحة على ركبيها
شهد الدين: مبغيت نشوف وجهك من اليوم خرجي من حياتي متستهليش شفقة وحتى القتل فحد ذاتو راحة لك
حواء كتبكي بحرقة كلامو كان صادم بالنسبة ليها كفاش اتخرج من حياتو وهي رجعت كتحس من جهتو بإحساس زوين وقرب ديالو لها كيخليها فرحانة علاش هد تعاسة كلها لعنة الشرف صابتها وخلتها فكل مرة كتعاني ...لمحت الفردي لي كان مرمي فالارض مسحت دموعها بسرعة مشات هزتو وبدون سابق انذار حطاتو على جمجمة رأسها شافت فيه بعينها المدمعين وانطق ...شي لي خلاه يدور ويشوف فيها
حواء:(كتشهق بحرقة) انا غادي نخرج من حياتك بمرة هد مرة غادي نخرج من حياة كل شي... اه انا عمري مخنتك عمري محاولت فعلا انا هضرت معاه... لكن هو لي جاء كيدق عليا فالغرفة ديالي انا عمري هضرت معاه قبل ...مرة وحدة وهي فاش جاء يتعشى غادي نعود لك حقيقة قبل منودع هد الحياة وتهنى مني ونفس الوقت نتهنى من لعنة الشرف اه اه اه لعنة شراااف لي بسببها ولديا رموني فالنهر بدون ميفكرو اه اه لعنة شرف لي خلات اب يقتل بنتو هئ هئ هئ لعنة الشرف لي خلات بنت بحالي ثق فواحد شخص لي داخلها باسم الحب وفالاخير المطاف طلع كلو مجرد كدبة هئ هئ شنو ذنبي انا علاش البنت هي المذنبة في كل شي علاش لي ميكون حتى الطرف الآخر... انا الغلط ديالي الوحيد اني بغيت شخص كذاب شخص خواف معندو شخصية شخص كدب عليا ولعب عليا فقط باش يبين لصحبو بلي ملكني هئ هئ هئ اه انا بلا اخلاق وبلا شرف لكن عمري فكرت اني نخونك عمري فكرت فيها حاولت نسى الماضي ونفتح صفحة جديدة لكن لعنة شرف بقات تبعني حتى فحياتي جديدة ومتأكدة غادي تبقى تبعني لهذا بركا خصني نتخلص من هد اللعنة سمح ليا بزاف حضرة الاغا اول مرة تكون عندي جرأة باش نقولها لكن فعلا. انا كنحترمك ورجعت عندك مكانة فقلبي سمح ليا هئ هئ هئ هذي هي النهاية
غمضت عينها زيرت على الفردي حطات صبعها على الزيناد ...
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficção Geral⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
