🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
كضرب ليه فصدرو وتغوت أما اسماعيل فساكت وكيتألم معندو ميقول ...طاحت مغمي عليها فالارض ...جات نورهان كتجري هزها اسماعيل بين أيديه ودخلها لغرفة ديالو حطها غطها وسد باب وخرج
نعمان توجه عند نورهان يلاه اينطق شافت فيه بعينها المدمعين خلاتو ومشات لغرفتها ...جات جاهدة وانطقت
جاهدة: خويا نعمان خاصك شي حاجة مديش عليها دبا ترضى
نعمان:(حرك راسو ) حطي لينا العشاء فينا الجوع نفس يومين وهي مسدودة لينا
(اش هد نوع ياربي ديال ناس قتلو روح وعندهم شهية باش يكلو تصورو يكون عندنا بحال هد العادات والتقاليد فالمغرب هههه آلاف البنات غادي تموت )
مشات جاهدة توجد طابلة العشاء ...عيطت على شكري ونعمان واسماعيل إلا أنه رفض جالس فوق الأريكة فسطاح قلبو كيضرو بزاف اللون مخطوف من وجهو بزاف الافكار كتجري فراسو ...في حين نورهان متكية بلاصتها كتبكي ودمعة لي نزلت كتمسحها ...حتى دخلت عليها جاهدة وانطقت
جاهدة: وبراكا لي شافك تبكي يقول بنتك لي ماتت
تكعدت نورهان شوية مسحت دموعها وانطقت
نورهان: خرجي عليا من بيتي انت بلا ضمير ومعندكش قلب ولكن متنسي بلي ربي كبير وغادي تخدي نصيبك
جاهدة: اوووف هضرة زيدها فرسك انا لي بغيت عصا جاية نوضك تكلي اما لهلا يوكلو لك
جبدت الباب بالجهالة وخرجت نضمت لهم كيكلو سولها شكري
شكري: فين لآخرين ؟
جاهدة:(كتكل بارياحية) مبغوهش خليهم دبا يجهم جوع ويكلو
رجعو كيكلو بهدوء وبارياحية وكأن شئ لم يكون ...سالو ماكلة ديالهم وكلها مشا لغرفتو...
الرحيل هي اول نقطة لي تقدر تخليك تحس باليأس ماشي محيت مشاو وإنما محيت خلو بلاصتهم في قلوب الاحبة كتحس وكأنك فقدت شي حاجة لي غالية بزاف ....كان رأفت شاب الحنين هو الصغير فخوتو كيقرأ فكتاب من ديوان احد الشعراء لي كيهضروعلى الرحيل وقال:
"رحلوا وما ابقى الرحيل متاعا
تركوا الحنين مع الأنين مشاعا
ياليتهم قبل الرحيل تريثوا
حتى نعانق أو نقول وداعا
رباه ما اقسى الفراق وأنني
من يوم غابوا مطربت سماعا
لحن الرحيل من الأنين مواجع
عزفت بتذكار يجئ سواعا"
(تأليف الغوث محمد)
يتبع
أنت تقرأ
(قصة بالدريجة المغربية)...⚜️plunger_الغواص⚜️
Tiểu Thuyết Chung⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
