🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
صفية: رأفت وقف مع بنتي الله يرضي عليك مبغيتهمش يخدو بنتي مني
نورهان: رأفت خوك كيسمع منك حاول دير شي حاجة واش انبقاو عبيد لتقليد معندو حتى اساس عفاك متخليش حياة حواء ضيع
رأفت: صراحة حواء غلطت وانا ديما كنوقف معها عمري فكرت أنها ادير هد الفعلة مي غادي نهضر مع شكري وخا منضمنش لكم يغير رايو
صفية: الله يرضي عليك وتشافيك
غادين خارجين غير شافتهم جاهدة لي كانت كتصنت لكلامهم وهي تخبى ...تسناتهم حتى مشاو هلي مشات لغرفة ديالها ...كتمشي وتجي كتفكر شنو لازم دير ...هزات تلفون ديالها لي كان صغير بوتونات دوزت ابيل لوحدة من الضيعة لي هما فيها غير شدات الخط وبدأت كتمثل
جاهدة: سلام كوالفيدان بغيتك تقادي واحد فستان اسود مطرز ضروري فهد الايام
كوالفيدان: (باستغراب)جاهدة ياك لباس شنو بغيتو فستان الأسود وهو لون التقاليد الثأر
جاهدة :(كتبكي ) علاه مفرسك بلي حواء غلطت ودبا كيوجدو فمراسم الثأر ديالها
كوالفيدان:(بصدمة) شنوووو لا مفرسيش شكون هذا وامتا
جاهدة: معرفناش شكون هو وطات راسنا وبقات فيا مسكينة
كوالفيدان: يلاه من بعد ونهضرو وعودي ليا التفاصيل
من بعد ما قطعت كوالفيدان ...طفات على الطبخ لي كانت رادة فوق البوطة حطات شال على رأسها وخرجت عند جارتها مخلات حتى وحدة مقالت ليها الخبر لدرجة أنه انتشر فالضيعة كلها ...جاهدة تعمدت اتصل بكوالفيدان محيت عرفة مزيان بلي هي نبر وان فالتبركيك ودي وجيب فالهضرة وباش تقدر توصل الغايتها على أكمل وجه استعنت بها....
مر اليوم ...وصلت العشية راجع شكري وحمدي بسيارتهم من بعد مقلبو دنيا على طبيب إلا أن الأثر ديالو مفقود تقول انشقت الأرض وبلعتو...دخلو الضيعة كل شي كيشوف فهم ويهضر رجال ونساء ...نظرات الأهالي عبارة عن نظرة عتاب، نضرة شؤم ،نضرة شمتة وقف حمدي بسيارتو ...جاء محمد صاحب المقهى كيجري عندو حنى راسو وانطق
محمد: مساء الخير سيد شكري كنتأسف شي لي وقع لبنتكم احسن حل هو أنكم تنظف الشرف باش ترجعو سمعتكم بين الناس
فهد اللحظة شكري حس بحال تصفع صفعة قوية ...حنى راسو بعدم رضى في حين حمدي تعصب وشنق عليه وهو باقي فسيارة انطق شكري
يتبع...
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
