🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
شهد الدين: عندك شي دليل على كلامك
الرجل: طبعا عندي كاين زوجة عمي شافتها شحال من مرة مدخله لدار في غيابي خبرتني لكن أنا مصدقت حتى جاء نهار لي حصلتها وشفتها بعيني
شهد الدين عيط على جوج من حراس ديالو لي كانو هازين بارودات في أيدهم انطق
شهد الدين: غادي تمشو معاهم وتجيب ليا الخونة لقدامي ماتجوش إلى مجبتهم
خرج الرجل مع الحراس ركبو فسيارة انطلق فاتجاه دار...
فدار ديال تيراش حمدان جالسة جاهدة جنب السرير قرب شكري كتحاول تقنعو باش يخلي حمدي يتزوج بنت ختها
جاهدة: شكري سمع ليا ولدنا الوحيد من بعد ما قتلتو ديك متعوسة الحظ ديال حواء رجع حالتو حالة مبغيتش ولدي يضيع مني
شكري:شنو بغتني ندير ليه انا
جاهدة: شوف خلينا نزوجه هكا غادي ينسى
شكري: هو رافض زواج كفاش انقنعو بها
جاهدة: انت باه وكلمتك كبر من كلمتو خصك تقنعو وحتى انا اندير جهدي عفاك
شكري: اكي صباح ونشوفو دبا خليني نعس
تغطى شكري غمض عينه ونعس ...
في قصر ديال الاغا شهد الدين ...واقفة حواء في المطبخ كتحس بالدوخة في رأسها مقادراش توقف بسبب حريق الرأس لي فيها كتحاول تشد فالحيط ...خطات خطوة باش تسل صحون وهي طيح مغمي عليها كانت موهجة داخل سمعت صوت الصحون فالارض مشات تجري لقات حواء مغمي عليها وصحون مرمين فالارض شهقت حطات أيدها على فمها...قربت منها كتحاول تفيقها ...خرجت تجري كانو جالسين فالجليسة ديالهم زهرة وحنان وسونا بعيد منهم كان جالس شهد الدين شاد فيدو واحد الكتاب ..انطقت موهجة
موهجة: زهرة خانو حواء معرفت مالها
وقفت زهرة بجهالة انطقت
زهرة: شنو واقع ليها
موهجة: لقيتها طايحة فالارض مغمي عليها
وقف شهد الدين توجه بخطوات سريعة لمطبخ لقها مرمية تبعتو زهرة والبنات كذلك ....قاس نبض ديالها هزها بالخف دخلها الغرفة ديالها جابت زهرة شوية ماء بدأت كترش عليها...
يتبع
أنت تقرأ
(قصة بالدريجة المغربية)...⚜️plunger_الغواص⚜️
Ficción General⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
