(قصة بالدريجة المغربية)...⚜️plunger_الغواص⚜️

29

🌾°°°°°الـــــغــــواص°°°°°°🌾

☘️أصابتك لعنة الشرف ياحواء ☘️

🌻تأليف: عواطف الشويع (بالحفيض)🌻

شهد الدين: شنو لي خلك تخوني راجلك اممم شنو سبب

جات الزوجة كتجري طاحت على رجلين راجلها كطلب فيه باش يسمح ليها

الزوجة: سمح ليا عفاك شيطان غرني عفاك سمح ليا عطني فرصة

نطق شهد الدين بعصبية  بعد ما وقف

شهد الدين:لا فرصة من بعد الخيانة  الحكم ايكون هو  انك اتجلدي 80 جلدة زائد انك غادي تخرجي من الضيعة وفيه يطلقك بدون اي تعوضات  اما بالنسبة لرجل فكذلك غادي تعاقب واتحبس لمدة  شهر زائد 100 جلدة ومن بعد شهر منبغيش نشوفكم فالضيعة وإلا ايضعف الحكم ...الرجل كيرغب فيه جاو الحراس خداوهم بزوج أما الزوج فتقدم باس لشهد الدين ايدو دعاء معه بطولة العمر تفرقو الأهالي ولي عجبهم حكم ديال شهد الدين ولي شبيه بالاغا عبود..

مرات الايام قليلة ...زهرة كانت نازلة مع الدروج يلاه وصلت لدرجة لي مقبل الأخيرة وهي تفقد الوعي تكركبت ضربت فحاجبها بدأ كينزف منو الدم ...حواء هازة سلة فيها ملابس غادية مطلعها حتى كتفاجئ بزهرة مرمية فالارض غوتت بكل جهدها ... رمت السلة مشات كتجري عند زهرة خرجوا البنات وكذلك شهدالدين نزل كيجري مني شاف مو مرميا فالارض...حواء كتحاول تكعدها البنات حنان وسونا كيحركو فمهم لي فاقدة الوعي كيبكو عليها تقدم شهد هزها بالخف كيجري بها حطها فوق الفوتاي لي كانت تما ...مشات حواء جابت الماء عطتو لشهد لي كيرش عليها بدأت كتحل عينها

وقفت حنان معصبة اول مرة ترفع صوتها على خوها لي كبر منها

حنان: هادشي كلو بسببك بسبب قصوحية راس لي فيك ماما 5 ايام مكلات

شهد مخنزر في ختو هز ايدو ايصرفها وهي تنطق زهرة بصوت متقطع

زهرة:  شهد الديين لا ااااا و قف

كرز على ايدو جلس حدا مو لي كطلع نفس بصعوبة شدات ليه فيديو مينكرش بلي خاف عليها كيف ما كان كتبقى مو

زهرة: شهد الدين تزوج وافق رضي ميمتك

شهد الدين: تهدني اماما اكي انتزوج

زهرة: لا غير كتكدب عليا باش نكل ياك

شهد الدين: لا كنوعدك غادي نتزوج بلي تختاريها صافي يلاه كوني مرتاحة

شاف فحواء انطق

شهد الدين: حواء جيب لها تكل (شاف فسونا)  سيري جيبي لها الدواء ديالها وعلبة الإسعافات باش نضمض ليها الجرح  مشات سونا لغرفتها تجيب لها دواء...حواء جهزت لها صينية ديال الاكل وفواكه جابتو لها حطاتو بدأت كتوكلها بشوية  حست برأسها شوية انطقت زهرة من بعد ماشافت فحواء شدات ليها أيدها وكذلك شدات فيد شهد الدين حطات أيدهم على بعض هد الآخرين لي شافو فبعضيتهم ...

زهرة: ولدي انا بغيتك تزوج بحواء
يتبع