🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
صفية كتبكي متحسرة على بنتها لي تفضحات وتكشف امرها كتبكي وتهرنن وترغب فيهم
صفية: عفاكم بنتي اتموت ديرو شي حاجة عفااكم
ناضت نورهان اتمشي لعندها وهو يحبسها نعمان بيدو
نعمان: إلى خطتي خطوة وحدة غادي نصيفتك لدار باك
رجعت نورهان لبلاصتها كتبكي ماشي بيدها كتعتبر رأسها السبب فهادشي لواقع كتقول ياريت ماعيط عليها ولا سولتها
شكري شدها من شعرها جارها منزلها مع الدروج ...صفية كتشد ليه فرجلو وكتغوت ويبعدها وترجع طيح ليه على رجلو دفعها ..مشات كتجري عند اسماعيل لي حس بالانهيار كتحرك فيه دموعها كيتسارعو الواحدة تلوالاخرى على خدها
صفية: اسماعيل دير شي حاجة عفاااك بنتنا اتموت عفاااك متقصحش قلبك
فحين اسماعيل مزال ممصدق بلي بنتو وطات راسو ورجعاتو صغير في عنين خوتو ...انطق نعمان
نعمان: وعندك الوجه باش تقولي عليها بنتك اممم هديك من هاد اللحظة اتولي ملعونة بلعنة الشرف... هي كسرت غرورنا قدام الناس وحطات راسنا فتراب وانرجعو سيرة على كل لسان مستحيل تبقا معانا هنا
صفية: بنتي مدارات والو لااا عفاكم متحرمونيش منها هي بنتي الوحيدة متفرقونيش منها
نزلت نورهان كتحاول تجبر بخاطرها وتسكتها...نعمان نزل زافر حاقد على المشكل لي تحطو فيه كيفكر فالناس الى عرفو اما جاهدة فضحكت باستهزاء نزلت مشات لبيتها فرحانة وشامتة فصفية ..
فتح شكري باب واحد غرفة قديمة كلها مغبرة ومظلمة كانت أشد ظلمة عاتمة ريحتها كتخنق رمى فيها حواء وقفل عليها باب..
واقف فوق حافة الجسر حداد الجوف كيشوف لبيعيد مكسور نار شاعلة فالداخل ديالو نار ماشي بحال اي نار عادية نار لو تحرقك تنهيك فلمح البصر عروق ديال عنقو والجبين ديالو تزيرو عاقد حواجبو كتردد فمسامع ديالو كلمة حاملة زير على قبضة ايدو بكل جهد وضرب ايدو مع شجرة لي كانت مابين الحافة والجرف غوت بأعلى جهدو صرخة حارقة قاهرة وما أدرك ما قهر الرجال
حمدي: اااااااااااه لااااااا لااااااا لااااااا علااااش
كانت صرختو القوية طالعة من أعماق قلبو محيت حواء بنسبة ليه عشقو الوحيد رافض يتزوج على قبلها مخليها حتى توافق عليه على خاطرها بدون مايجبرها عمرو خسر لها خاطرها كيعتبرها الهوس الأبدي ديالو إلى أن حطمت ليه كل شي فرمشة عين ...
جلس فالارض مسرح رجليه نزلت دمعة من جنب ديال عينو دمعة شاهدة على قهر والغيرة لي كيحس بها فداخل ديالو ...مسحها دغية كرز على سنيه الفكرة الوحيدة لي فراسو هو أنه خاصو يعرف هذا لي غلط مع حواء ولعب عليها باش يقتلو ويفدي فيه الكره والشمتة والكره لي كيحس بهم ...
يوم جديد
ليلة الماضية كانت طويلة بالنسبة لكل من غير جاهدة لي مهمها حتى حاجة من غير تهنى من صفية وبنتها ...
اسماعيل جالس فوق دروج ديال سطاح بات تما مقدر ينطق بحتى كلمة ...سمع زديح فباب ديال غرفة المؤونة يلاه وقف ايتمشى وهو يوقف قدامو شكري شاف فيه وحرك ليه براسو بمعنى لا وانطق
شكري: اسماعيل مدرهاش بنتك غطات راسنا وخاصها تحاسب وخاصنا نعرف معامن غلطت ونقتلهم بزوج باش نغسلو وصمة العار ونتهنو منها
اسماعيل حرك راسو بدون حتى كلمة
مايقدرش يهضر محيت كل منطقة عندهم عادات وتقاليد وهما من نوع ديال الناس لي عندهم عادات صارمة بخصوص الشرف بالرغم أن هادشي كيمشو ضحيتو بزاف الابرياء لأن أي إنسان ممكن يغلط لكن ماشي لدرجة أن نقتلوه لكن هنا معندهمش معنا الرحمة ابدا وهد التقليد كاين فواحدة من الضيعات لي متواجدين فسوريا ولي باقي عندهم مبدأ الثأر والدم والشرف
فتح شكري الباب على حواء لي كان الدم ناز مع رجليها وجها رجع كلو كدمات كتبكي وترغب فيه باش يسامحها فحين شكري يلاه مزاد عصب كثير مني شاف دم وهذا دليل على انها فعلا كانت حاملة انطق
شكري: شكون هذا لغلطي معااه دوي
حواء كتشهق خائفة
شكري:(حط سلاح على رأسها ) هضري ولا غادي نقتلك بيدي
صفية نورهان تخلعو مني شافوه حط سلاح عليها صفية جات كتجري كطلب فيه يبعد سلاح على رأسها وغادي تقول ليه ...شئ لي خلا شكري يخرج عينه فيها أما اسماعيل فتقدم بخطوات متسرعة دورها وعطها الحنك بكل جهدو انطق
اسماعيل: كنتي عااارفة اممم كنتي عارفة بلي بنتك غلطت وسكتي على المنكر هضري
وقفو شكري
شكري: شكون هذا يلاه هضري خاص تأر يتغسل قبل مايجيب حد الخبار
صفية:(بخوف) ط ب الطبيب الجديد
يتبع...
تصويتكم القصة ♥️♥️ حبايبنا
أنت تقرأ
(قصة بالدريجة المغربية)...⚜️plunger_الغواص⚜️
Genel Kurgu⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
