من عينك النجلا غدى القلب مسلوبيا كوكب ذري ضوى نورك أعيان

٢

صباح يوم جميل وبارد بأحد الأحياء السكنيه القديمه والبسيطه بمنطقه القصيم
ببيت ام نجلاء
نجلاء:يمه الله يهديتس كم مره راح نقول لتس ارتاحي انتي تعبانه
"للتنويه ام نجلاء معها مرض القلب"
الهنوف طالعه شايله دله القهوه:موال كل صبح وتقول لتس ابشري واخرتها تطلعين تلقينها تمد الزل هي
ام نجلاء ونجلاء:ههههههههههههههه
اخذت الزل نجلاء تمده واخذت دلة القهوه من الهنوف وحطتها
ام نجلاء:يبنتي أنا طيبه مابي بلاء وانتي سمعتي الدكتور باخر عمليه قال لي اني طيبه وأقدر أمارس حياتي
نجلاء ب ابتسامه:واذا قلنا ودنا ندلعتس ي ست الحبايب بها شي ؟
ام نجلاء:إذا الوضع كذا من الحين بتمدد
نجلاء:ههههههههههه اي هذا المطلوب
الهنوف بضحكة:محد يقد عليتس إلا نجلاء
ام نجلاء تمسك يد نجلاء:جعلني ما ابكيتكم والله انكم عوضي عن الايام الي فاتت
الهنوف:أنا مقصره بحقتس ي ميمتي لو مو رجلي كان والله تشوفيني مع نجلاء واساعدها
ام نجلاء:لا ي حبيبتي انتي فيتس الخير وماتقصرين وهالشي ربي كتبه لتس وماكتبه إلا لخير
نجلاء بتلطف الجو بعد ماحست اختها انجرحت :اي وش فيها بس عشان تقزمين شوي شايفه طولتس كيف
ام نجلاء والهنوف :هههههههههههه
ضربت الهنوف كتف اختها:على الاقل طويله قامه مو طويلة لسان
نجلاء تلفت يمين ويسار:من طويل اللسان محد تشوفون احد
ضحكو عليها وهي قادره بمرحها تنسيهم الزعل وقطع عليهم دق الباب
نجلاء:محد يصبح بهالوقت غير سوير
فتحت الباب ودفعته سوير تدخل وتقفل الباب وهي تلهث بخوف وتخاصم بنجلاء:ساعه لين تفتحين الباب
نجلاء:سلامات ببيتنا وتهاوشين
سوير تسوي لها كش وتدخل وهي تقول:والكوبه
نجلاء:هههههههههه طيب وش عندتس جايه بدون تصبحين
سوير:جبت لكم قرصان يحبها قلبتس
ام نجلاء:تفضلي ي بنتي قهويها ي الهنوف
سوير:بالله صبي لي مويه قطع قلبي الخوف
ام نجلاء:بسم الله عليتس وش صابتس
سوير:كالعاده هالكلاب ماتشوف احد مار إلا وتراكض وراه خفت يعضني
نجلاء تقعد بجنبها:والله حتى الكلاب مستغربه من تسير بهالوقت بقي خيوط الشمس مادلت ستارها
سوير:اقول اعقبي ي بنت عبدالله تطرديني وانا ضيفتس
نجلاء تصب لها قهوه مره ثانيه:دام الوضع وصل للضيف هنا ما اقدر اتكلم لاتحمسيني واقوم اذبح لتس
سوير:ههههههههههه والله الله يكثر خير امتس والا انتي لو بقعد بحراتس عز الله مت جوع
نجلاء تفز:أنا بنت ابوي اسحبي كلامتس والا والله لطير اخذ لتس ذبيحه
سحبتها سوير تجلسها:اقول اقعدي من له نفس مع هالصبح ياكل لحم
نجلاء:كويس ماصملتي لاني كنت باكلها
سوير:ههههههههه ادري بتس تحبين الهياط
نجلاء تضحك تضرب كتفها وتضحك ساره معها وام نجلاء تبتسم تأمل علاقتهم ببعض وهي تعرف انهم واصلين اعلى مراحل الميانه مع بعض قطع شرودها فيهم ساره الي اخذت الكاس من يد الهنوف تشرب وهي تقول:كيفتس ي خاله كيف قلبتس اليوم
ام نجلاء:دام سوير تسال عني اكيد قلبي بيكون بخير
ساره تطيح على نجلاء:لا قلبي الصغير لايحتمل كذا أنا أصير خفيفه
نجلاء تدفعها:اقول افطري وخلينا نطلع للسوق ورانا اشغال